2. Mose 3:8 - O Debleskro Drom 2021 (Sinte)

⁸ Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

O Debleskro Lab 2024 (Sinte-Manouche)

⁸ Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

2. Mose 3:8 ပူးပေါင်းရင်းမြစ်များ

1. Mose 11:5

Koi was o baro Dewel tele, te dikell lo ko foro un ko baro kheer, hoi kol menshe krenn.

1. Mose 11:7

Awenn, djas tele pash lende un das hakenes i wawar rakepen, jaake, kai jek i wawares buder gar haiwella.”

1. Mose 15:13

Un o Dewel penas ap o Abrameste: “Tchatchepah, tu djiness: Tire menshe, kai tutar wenna, wenn wi-themarja an i them, kai gar lengro hi. Un i menshe an ko them djan soreles ap lende un krenn budepangre lendar. Un jon hunte budrenn lenge 400 (star-sheel) bersha.

1. Mose 15:14

Kolla, kai krenn lendar budepangre, lenn i phagi mandar. Koi pal djan tire menshe win baro brawlepah.

1. Mose 18:21

Doleske kamau me tele te djal, te dikap: Hi kowa ninna tchatcho, hoi rakedo was? Un te hi wawartchandes, kamau kowa ninna te djinell.”

1. Mose 43:11

Un o Israel, lengro dad, penas ap lende: “Te djal gar wawartchandes, krenn kowa: Lenn o feteder dran maro them un anenn les ko romeste: kutch rukengro djet un gwin, khorja un mandle.

1. Mose 46:4

Me djau tuha an o them Egiptia. Un tchatchepah me anau tut pale pale. Un te mereh, krell o Josef tire jaka pandlo.”

1. Mose 50:24

Un o Josef penas ap peskre phralende: “Me merau kanna. O Dewel dikella latches ap tumende, un anell tumen dran kau them win, an ko them, kai job peskro wast pre das, te dell lo les o Abrahameste, o Isaakeste un o Jakobeste.”

1. Familjakro liil 1:15

un i Hiwarja, i Arkarja, un i Sinarja,

Nehemia 9:8

Un har dikal, te rikrell lo pes ap tute peskro tselo djijeha, kral tu leha win un dal tu tiro lab, te dess leskre tchawende un kolengre tchawende, kai pal lende wenn, ko them, kai djiwenn i Kanaanitarja, un i Hetarja, un i Amorarja, un i Perisarja, un i Jebusarja, un i Girgasharja. Un tu rikral tiro lab. Tu hal tardo an o tchatchepen.

Debleskri gili 12:5

un penenna: “Mer haiwah te rakrell. Maro rakepah ham soreles. Koon hi o pralstuno pral mende?”

Debleskri gili 12:6

“Kanna”, penell o baro Dewel, “stau me pre. Ap i tchorwelende djan le sorjah. Me shunom lengro ropen. Kanna rikrau mire wasta pral hakeneste, kai peskro tselo djijeha kamell, te wap ap leskri rig.”

Debleskri gili 34:8

O baro Debleskro bolepaskro hi trul kolende, kai djiwenn o baro Debleha, un lell len win dran i bibacht.

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

2. Mose 12:41

Un har kal bersha trujel his, ap ko diwes, djan o baro Debleskre menshe win dran o them Egiptia.

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

2. Mose 13:5

O baro Dewel das pes sowel glan tumare phurende, te dell lo tumen ko them, kai djiwenn kanna i Kanaanitarja, i Hetarja, i Amorarja, i Hiwarja un i Jebusarja. Kowa hi i them, kai hi bud thud un gwin dren. Ap ko tsiro, kai anas tumen o baro Dewel an ko them, krenn pale jaake hako bersh an o tchon Abib:

2. Mose 3:17

Me dau miro wast pre: Kau djungelo djipen herell pes pre. Me, o baro Dewel, lau tumen dran o them Egiptia win, un anau tumen an ko them, kai djiwenna i Kanaanitarja, i Hetarja un i Amorarja, i Perisarja, un i Hiwarja un i Jebusarja. Un kowa hi jek them, kai hi bud thud un gwin.’

2. Mose 34:11

Me tradau kol Amorarja, Kanaanitarja, Hetarja, Perisarja, Hiwarja un Jebusarja dran lengro them un dau les tumende. Rikrenn kal laba, hoi me penau tumenge kau diwes!

2. Mose 5:23

Hako kopo, har djom pash o Farao un penom leske, hoi tu kamal, kras lo i menshenge o djipen gomme phareder. Tu kral tchi, te less tire menshen koi win!”

Jesaja 36:17

bis te me wau un lau tumen mantsa, un anau tumen an i wawar them, hoi hi jaake har tumaro them. An ko them hi doha djob un mool, maro un drakengre ruka.

Jesaja 64:1

Ab har i jag, hoi chatchrell truk kasht, un mukell o pani an i piri te kerell! Sike koon tu hal mank kolende, kai kamenn tut gar, te trissenn i menshe dran wawar themma glan tute,

Jeremia 11:5

Palle rikrap nai koi sowel dren, hoi dom len, un dap len ko them, kai thud un gwin nashenna, jaake har kowa kai diwes hi. Me penom: Awa, baro Dewel, jaake hi kowa.

Jeremia 2:7

Un me anom tumen an i latcho them, kai bud chapen hi, te chan ko tselo latcho koowa, hoi kote baro wella. Un har tumer an ko them djan, kran les tumer pale-tchiddo. Un miro them was djungeles glan mire jaka.

Jeremia 32:22

Un dal tire menshen kau them, har tu tut sowel dal glan lengre phurende, te dess les lenge, – i them kai bud thud un gwin hi.

Ezekiel 20:6

Me dau man sowel, te anap tumen win dran o them Egiptia un anau tumen an i them, koles me tumenge win rodom. Kowa hi i them, kai budeder har doha thud un gwin hi. Kau them hi shukeder har i tsele wawar themma.

3. Mose 20:24

Tumenge penau: Lengro them dau tumende, te well lo tumaro. Kowa hi i them, kai bud thud un gwin hi. Me, o baro Dewel, hom tumaro Dewel, un rodom tumen mange dran i wawar themma win.

Amos 2:10

Me anom tumen win dran o them Egiptia, djom glan tumende star-deesh bersha an o mulo tato them, un dom tumen o them, kai i Amorarja khere his, te well lo tumenge.

4. Mose 13:18

Un dikenn tumen an ko them trujel, har kowa hi, un kitse menshe kote djiwenn, un har sorelo jon hi.

4. Mose 13:19

Dikenn, har nai djiwenn le kote: mishto? – gar mishto? Dikenn ninna, har lengre forja hi! Djiwenn i menshe an plachtene khera khetne? – Djiwenn le an barrengre khera an forja?

4. Mose 13:27

Un jon penan: “Mer wam an ko them, kai tu bitchral men. Un tchatchepah an ko them hi bud thud un gwin. Dikenn i drake, faige un phabja, hoi kote bares wan!

Johanni 3:13

Me, o Mensheskro Tchawo kokres, nai penau, hoi an o bolepen hi. Me wom dran o bolepen.

Johanni 6:38

Me wom gar dran o bolepen te krap kowa, hoi me kamau. Me wom te krap, hoi kowa kamella, kai bitchras man.

5. Mose 1:25

Jon lan kolestar, hoi an ko them bares was, un anan les pash mende. Un penan menge hoi le halauter dikan, un penan: ‘Kau them hi mishto, hoi o baro Dewel men dell.’

5. Mose 1:7

Stenn kanna pre un djan dureder pash i berge, kai i Amorarja djiwenn, un kote, kai kol Kanaanitarja djiwenn: an o telstuno them o panjestar Jordan, un an o pralstuno them, un an o diwjo them Shefelah un an o them Negev pash o baro pani bis pash i berge Libanon un o baro lengsto pani Eufrat.

5. Mose 27:3

Un tchinenn kol tsele laba pre, hoi sikrenn, har te djan miro drom. Un tchiwenn kal barra pre ap i berga Ebal! Kowa krenn ap ko diwes, kai wenn an ko them, kai baro Dewel tumen dell. Job hi o Dewel, koles tumare phure an-mangan. Un jaake har job lenge penas, hi kowa i them, an koleste thud un gwin nashell.

5. Mose 28:11

Un o baro Dewel krell, te well tumen bud latchepen, budeder har doha. Job dell tumen bud tchawe un bud vieche. Bud djob un wawar koowa well baro ap tumari phub an ko them, kai o baro Dewel pes glan tumare phurende sowel das, te dell lo les tumende.

5. Mose 6:3

Jaake shun kanna, Israel, un de jak te kress kowa halauter, te djal tuke mishto. Un tumer wenn i bari natsjona an ko them, kai hi bud thud un gwin, jaake har o baro Dewel, o Dewel tumare phurendar, kowa tumenge penas.

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

Josua 9:1

Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.

Josua 9:7

Koi penan i Israelengre mursha ap kol Hiwarja: “Nai hi, te djiwenn tumer kate mashkral mende! Har nai kras mer palle sawo koowa tumentsa win?”