2. Mose 3:21 - O Debleskro Drom 2021 (Sinte)

²¹ Un darjatar krenn le pengre djia tumenge pre un denn tumen bud latcho koowa peha.

O Debleskro Lab 2024 (Sinte-Manouche)

²¹ Oun daryatar krenn le pengre djia t'menge pre oun denn t'men boud lačo koova peha.

2. Mose 3:21 ပူးပေါင်းရင်းမြစ်များ

1. Mose 15:14

Kolla, kai krenn lendar budepangre, lenn i phagi mandar. Koi pal djan tire menshe win baro brawlepah.

1. Mose 39:21

Har job kote an o stilepen his, his o baro Dewel pash leste, un his kamlo ap leste un kras, kai hi o pralstuno pral o stilepen latches ap leste.

1. Rajengro liil 8:50

Un biste ko tchilatchepen, hoi jon ap tute kran, lengri tseli doosh, hoi anas len tiro dromestar tele. Kre, te wenn un dikenn kolla latches ap lende, kai len pandles rikrenn.

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Debleskri gili 105:37

Har anas o baro Dewel i Israelitarjen win, lan le rup un sonakai pentsa. Un kek lendar his nasselo un hunte atchas pale.

Debleskri gili 106:46

Un job kras, te dikan lauter kolla latches ap lende, kai len pandan.

2. Mose 11:2

Jaake pen kanna ap i Israelitarja, te mangell hako rom peske rup un sonakai ko egiptikro murshestar, kai langs leste djiwella. Ninna haki romni mangell kowa koi egiptikri djuwjatar, kai langs late djiwella.”

2. Mose 11:3

Un o baro Dewel kras, te wenn i Egiptarja latches ap lende. Ninna his o Mose bud an-diklo an o them Egiptia an i jaka kol pralstunendar an o Faraeskro kheer un ninna pash i tsele Egiptarja.

2. Mose 12:35

Un i Israelitarja kran pal i laba, hoi o Mose ap lende penas, un djan pash i Egiptarja un mukan pen lendar rupeno un sonakaskro koowa te dell, ninna shukar ripja.

2. Mose 12:36

Un o baro Dewel das i Egiptarjen an o dji, te wenn le kamles ap i Israelitarja, jaake te nai mangens le, hoi jon kaman. Un i Egiptarja dan len lauter. Jaake lan i Israelitarja kolendar lengro brawlepen krik un lan les lentsa.

Gosewe laba 16:7

Te dikell o baro Dewel latches ap kowa, hoi jek krell, palle krell lo, te wenn ninna kolla leskre mala, kai kaman leske tchilatchepen.

Bičepangre 7:10

un las les win dran halauter, hoi o Josefeske pharo his. Un o Dewel das les bud goswepen un kras, te dikas o baro rai pral o them Egiptia latcho ap o Josefeste. Ko baro rai kras, te was o Josef o rai pral o tselo them Egiptia un pral o tselo rajeskro kheer.

5. Mose 15:13

Un te mukeh les te djal, palle hunte djal lo gar wastentsa, kai tchi dren hi.