2. Mose 3:13 - O Debleskro Drom 2021 (Sinte)

¹³ O Mose penas ap o Debleste: “Dik, me te djau pash i Israelitarja un penau lenge: ‘O Dewel, koles tumare phure an-mangan, kowa bitchras man pash tumende.’ Hoi te penap lenge, te putchenn le mandar, hawo lab tut hi?”

O Debleskro Lab 2024 (Sinte-Manouche)

¹³ O Mose penas ap o Debleste: “Dik, me te djau pash i Israelitarya oun penau lenge: O Devel, koles t'mare phoure an-mangan, kova bičras man pash t'mende. Hoy te penap lenge, te poučenn le mandar, havo lab tout hi?”

2. Mose 3:13 ပူးပေါင်းရင်းမြစ်များ

1. Mose 32:29

Penas ko mursh: “Tiro lab hi buder gar Jakob. Kanna well tiro lab Israel. Tu kural tut o Debleha un i menshentsa. Un tu hals sorleder har jon.”

2. Mose 15:3

I kurepaskro hi lo. Leskro lab hi tchatcho: ‘Baro Dewel’ kharell lo.

2. Mose 3:12

Koi penas o Dewel: “Me hom pash tute. Te anal tu mire menshen dran o them Egiptia win, palle djan tumer pash kai berga un marenn kate viechen mange. Kowa hi i sikepen, te bitchrom me tut.”

2. Mose 3:14

O Dewel penas ap o Moseste: “Me hom, koon me hom. Rake ap i Israelitarja: ‘O baro Dewel, kai kharella Me-Hom bitchras man pash tumende. Job hi o baro Dewel, kones tumare phure dada, o Abraham, o Isaak un o Jakob an-mangan.’ ‘Baro Dewel’ hi miro lab i tsele tsirja. Un jaake hunte kharenn man tire menshe, kai wenna pal tute.

2. Mose 7:16

Un pen ap leste: ‘O baro Dewel, o Dewel pral i Hebrearja, bitchras man pash tute, un mukell tuke te penell: Muk mire menshen te djal, te mangenn le man an an o mulo tato them. O tselo tsiro shunal tu gar.

Gosewe laba 30:4

Koon djas pre an o bolepen un pale tele? Koon las o phurdepen an peskre wasta? Koon pandas i tsele panja an i baja? Koon penas, har dur i phub te djal? Har kharell lo? Har kharell leskro tchawo? Djineh tu kowa?

Jesaja 52:6

Doleske well i diwes, kai mukau me mire menshen te djinell, koon hom. Un palle haiwenn le, me hom kowa, kai penell: Kate hom!

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 23:6

An leskro tsiro well o Juda win lino dran i tchilatche wasta, un o Israel nai djiwell kek darjah. Un i menshe denn les o lab ‘o baro Dewel krell men tchatcho.’

Mateo 1:21

Un joi lella i tchawes. Tu deh les o lab Jesus. Job lella i doosh peskre menshendar ap peste.

Mateo 1:23

I terni tchai, kai gomme kek murshestar an tapedo was, lella i ternepen. Un jon denn les o lab Emmanuel. Kowa kharella: O Dewel hi mentsa.”

Bičepangre 3:13

Na-a! O Dewel o Abrahamestar, un o Isaakestar un o Jakobestar, ko Dewel mare dadendar sikras tumende kate, hawi bari soor un railepen job peskro budepaskres, o Jesuses, das. Koles dan tumer an o Pilateskre wasta, un dan les buchoste, har o Pilato kamas les te djal mukell.

Čačepangre 13:17

Un o Manoach penas ap leste: “Har khareh tu? Te well kowa jaake har tu les penal, palle kamah men pash tute te parkrell.”

Čačepangre 13:6

Un koi djuwel djas pash peskro romeste un penas ap leste: “I Debleskro mursh was pash mande. Un job dikas win har i bolepaskro o Deblestar, jaake te lom daar. Un doleske putchom me lestar witar gar, kai job wella. Un job penas mange gar, har job kharella.