2. Mose 3:10 - O Debleskro Drom 2021 (Sinte)

¹⁰ Kanna dja pash o Farao! Me bitchrau tut, te less mire menshen, i Israelitarja, win dran o them Egiptia.”

O Debleskro Lab 2024 (Sinte-Manouche)

¹⁰ Kanna dja pash o Farao! Me bičrau tout, te less mire menshen, i Israelitarya, vin dran o them Egiptia.”

2. Mose 3:10 ပူးပေါင်းရင်းမြစ်များ

1. Mose 15:13

Un o Dewel penas ap o Abrameste: “Tchatchepah, tu djiness: Tire menshe, kai tutar wenna, wenn wi-themarja an i them, kai gar lengro hi. Un i menshe an ko them djan soreles ap lende un krenn budepangre lendar. Un jon hunte budrenn lenge 400 (star-sheel) bersha.

1. Mose 15:14

Kolla, kai krenn lendar budepangre, lenn i phagi mandar. Koi pal djan tire menshe win baro brawlepah.

Debleskri gili 105:26

Job bitchras peskro budepaskres, o Moses, un o Arones, koles job peske wi-rodas.

Debleskri gili 77:20

Tu djal mashkral o baro pani. Tire herja djan an o telstuno pani. Un kek nai dikas, kai tire herja stakran.

2. Mose 12:40

Ko tsiro, kai i Israelitarja an o them Egiptia djiwan, his 430 (star-sheel-te-triin-deesh) bersha.

2. Mose 12:41

Un har kal bersha trujel his, ap ko diwes, djan o baro Debleskre menshe win dran o them Egiptia.

2. Mose 33:12

O Mose penas ap o baro Debleste: “Tu penal mange, te anap me kal menshen an o them Kanaan. Tu sikral man gar, kones tu mantsa bitchreh. Tu penal, te prindjreh man un djineh miro lab, un te dikeh latches ap mande.

2. Mose 33:13

Te dikeh latches ap mande, muk man tiro drom te djinell. Me kamau tut feteder te haiwell, te krap, hoi mishto hi glan tire jaka. Biste kowa gar: Kol menshe hi tire menshe.”

2. Mose 6:26

Kowa Aron un kowa Mose hi kolla, ap kolende o baro Dewel penas: “Anenn i Israelitarja win dran o them Egiptia! Anenn len jaake win, te djal haki bari familja khetne!”

Hosea 12:13

O Jakob hunte nashas peske an o them Aram, un o Israel hunte budras i wawareske, te lell lo i romjat, un hunte das jak ap i bakre, te nai romedinerell lo lat.

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

Bičepangre 7:34

Me dikom, har mire menshe chan dawa an o them Egiptia. Un me shunom lengri gole un lengro ropen, un wom dran o bolepen tele, te lap len dran kau them win. Un me kamau, te djas tu an o them Egiptia.

Bičepangre 7:36

Kau Mose anas i Israelitarjen win un kras baro un sorelo koowa an o Debleskri soor an o them Egiptia, un pash o lolo pani, un star-deesh bersha an o mulo them.

Bičepangre 7:6

O Dewel penas ap leste: Tire tchawe, kai pal tute wenna, hi wi-themarja an i them, kai gar lengro hi. Star-sheel bersha hunte budrenn le i wawarenge tel duka un bare dawa.

Bičepangre 7:7

Un kolla, kai len dan un dukran, kolen dau me i phagi. Un pal kowa djan le dran ko them win, un mangenn man kate an kau them an.

Čačepangre 6:14

Kote rissras pes o baro Dewel pash leste, un penas: “Dja koi an tiri soor! Un le o Israel dran o Midianeskro wast win! Me bitchrau tut.”

1. Samuel 12:6

Un o Samuel penas ap i Israelitarja: O baro Dewel hi kowa, kai o Moses un o Arones pral tumende tchiwas, un tumare phuren dran o them Egiptia win anas!

1. Samuel 12:8

Har o Jakob an o them Egiptia was, un i Egiptarja tumare phurenge o djipen phares kran, dan jon gole ap o baro Debleste, te well lo ap lengri rig. Un o baro Dewel bitchras o Moses un o Arones. Un jon anan tumare phuren dran o them Egiptia win, un mukan len kate an kau them te djiwell.