2. Mose 29:7 - O Debleskro Drom 2021 (Sinte)

⁷ Le o makepaskro djet un tchore les pral leskro shero, mak les o Debleske!

O Debleskro Lab 2024 (Sinte-Manouche)

⁷ Le o makepaskro djet oun čore les pral leskro shero, mak les o Debleske!

2. Mose 29:7 ပူးပေါင်းရင်းမြစ်များ

Debleskri gili 133:2

Kawa hi jaake har ko latcho makepaskro djet, hoi ap o Aroneskro shero tchoredo well, un tele nashella ap leskri tchora, un kotar dureder ap i meen leskro gadestar.

Debleskri gili 89:20

Glan i rah tsiro rakral tu ap jekeste tire menshendar an i visiona un penal: “Me dom miro wast i tchatcho mursheste, te well lo ap tumari rig. Me rodom les win dran mire menshende, te well lo baro rai.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

2. Mose 40:13

Rib o Aroneske o rashajeskre ripja an, mak les o djeteha, te well lo miro rashai.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

3. Mose 10:7

Ma djan witar gar krik o wudarestar o Debleskro plachteno kherestar, te merenn gar. O baro Debleskro djet was tchoredo ap tumare sherja, te wenn leskre rashaja.” Un jon kran jaake, har o Mose lenge penas.

3. Mose 21:10

O pralstuno rashai, ap koleskro shero o djet tchoredo was, har was lo an peskri budi dren tchiddo, un ap koleste i rashajengre koola hi, kowa mukell peskro shero gar diwjes win dikell. Un kol koola, hoi lo ap peste hi, tserdell lo gar an kotja, ap ko tsiro, kai rowell leskro dji pral i muleste.

3. Mose 21:12

Jaake rah har i mulo an peskro kheer hi, hunte djal lo gar dran o Debleskro kheer win, te krell lo gar o kheer peskro Deblestar pale-tchiddo. Job was djeteha maklo, te well lo i rashai peskro Debleske. Me hom o baro Dewel.

Zakarie 4:14

Koon dikas o ropah tele ap o tikno koowa, kowa dikell bachteles ap o pralstuno bar, har hidjrell les o Serubbabel an peskro wast.

4. Mose 35:25

Un i Israelitarja hunte lenn kau murshes win dran o wast kolestar, kai kamell les te marell, un hunte anenn les pale pale an ko foro, kai nashas lo peske dren. Un job hunte atchell koi, bis ko pralstuno rashai meras, kai was o Debleskro djeteha dren maklo.

Johanni 3:34

Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.