2. Mose 29:2 - O Debleskro Drom 2021 (Sinte)

² Le ninna latcho jarro, tchip kek shutlo jarro dren, un kre pesse un sane mare, ninna merklia. An i merklia tchip djet dren, un ap i sane mare mak djet pre.

O Debleskro Lab 2024 (Sinte-Manouche)

² Le ninna lačo yarro, čip kek shoutlo yarro dren, oun kre pesse oun sane mare, ninna merklia. An i merklia čip djet dren, oun ap i sane mare mak djet pre.

2. Mose 29:2 ပူးပေါင်းရင်းမြစ်များ

2. Mose 12:8

Ko mass well peklo pral i jag. Un jon hunte chan les an koi rat khetne o maro, kai kek shutlo jarro dren hi. Un shutlo senlepen chan le pashel.

2. Mose 29:23

Palle le jek pesso maro, ninna jek sano maro un jek djeteskri merkli dran koi korba, kai o maro dren hi, kai kek shutlo jarro dren hi, un hoi pash o wudar glan o baro Debleskro kheer tardo hi.

2. Mose 29:3

Tchip len an i korba un an len o Debleske! Ko terno gurum un kol dui bakre an leske ninna!

3. Mose 2:15

Tchore djet koi pre un tchip sungepaskro koowa pre. Jaake hunte well i chapen dran djob, hoi glan o baro Debleste anlo well.

3. Mose 6:13

Ap ko diwes, kai well jek dran o kheer Aron an peskri budi dren tchiddo, te well lo miro rashai, hunte anell lo mange i khoro latcho jarro – jaake bud har ko chapaske lino well, hoi hako diwes o baro Debleske anlo well. Ko jek paash anell lo leske taissarlakro un ko wawar paash rati.

3. Mose 7:10

Ko wawar chapen dran djob, o djeteha oder kek djeteha, kowa hi i tsele rashajenge dran o kheer Aron, ko jekeske har ko wawareske.

3. Mose 7:12

Te anell jek les, te kamell lo pes pash o baro Debleste te parkrell, palle hunte anell lo ninna merklia kerdo djeteha, an kolende kek shutlo jarro hi, un sane mare an kolende kek shutlo jarro hi, kai djet pral maklo was, ninna merklia kerdo dran latcho djob un djet.

3. Mose 8:2

Le o Arones un leskre mursh tchawen tuha, un i rashajengre koola, un o djet un ko terno gurum, hoi i doshake maredo well, un kol dui mursh bakre un koi korba, kai i mare dren hi, kai kek shutlo jarro dren hi.

3. Mose 8:26

Dran koi korba an kolate o maro hi, an koleste kek shutlo jarro hi, un hoi o baro Debleske dino was, las lo jek merkli, kai kek shutlo jarro dren hi, jek djeteskri merkli, un jek sano maro. Un tchiwas len ap ko kotja thulepen, un ap ko pralstuno kotar o tchatchi herjatar.

4. Mose 6:15

Ninna anell lo i kashteni piri, kai merklia un mare dren hi, kai kek shutlo jarro dren hi: merklia dran latcho jarro un djet, un sane mare, kai djet pre maklo hi, ninna ko tselo chapen dran jarro un koi mool, hoi koi pashel hi, te well lo dino o Debleske.

4. Mose 6:19

Un pal kowa lell o rashai i kotar keredo mass o bakreskro phikestar, ninna i merkli un i maro, kai kek shutlo jarro dren hi, dran i kashteni piri un tchiwell koleske, kai his i tsireske o Debleske koi, an leskre wasta.

1. Korintarja 5:7

Tchiwenn ko shutlo jarro tumendar krik, te wenn tumer har i newo maro, kai kek shutlo jarro dren hi! Un tchatchepah tumer han har i newo maro! O Jesus Kristo was menge maredo, te lell lo mari doosh mendar krik, jaake har i bibolde maran i bakro ap pengro baro diwes, kai Passa kharella.