2. Mose 29:14 - O Debleskro Drom 2021 (Sinte)

¹⁴ O mass, i hauta un ko chapen, hoi an i buke hi, chatchress tu win glan koi platsa, kai tumer djiwenna. Kowa lauter well jaake kerdo, te well i rashajengri doosh krik lino.

O Debleskro Lab 2024 (Sinte-Manouche)

¹⁴ O mass, i hauta oun ko rhapen, hoy an i bouke hi, rhačress tou vin glan koy platsa, kay t'mer djivenna. Kova lauter vell yaake kerdo, te vell i rashayengri doosh krik lino.

2. Mose 29:14 ပူးပေါင်းရင်းမြစ်များ

2. Familjakro liil 29:24

Palle maran i rashaja kol busja, un witsran lengro rat ap i chatchepaskri, te well i doosh i Israelendar krik lino. Kowa kran le jaake, har lenge o baro rai penas: te marenn le viechen, kai tseles chatchedo wenn un wawar, te well i doosh i tsele Israelendar krik lino.

Esra 8:35

Un kol menshe, kai wan pale dran o pandepen, anan viechen o Israeleskro Debleske, un maran len leske: 12 (deesh-te-dui) terne gurma i tsele menshenge an Israel, 96 (enja-deesh-te-shob) mursh bakre, 77 (efta-deesh-te-efta) terne bakre. Ninna anan le 12 (deesh-te-dui) mursh busja, kai wan maredo, te well i doosh i menshendar krik lino. Un kol tsele vieche wan pre chatchedo o baro Debleske.

2. Mose 30:10

Jek kopo an o bersh lell o Aron o rat o bakrestar, hoi maredo was, te lell lo i doosh krik, un djal pash o Debleskro sonakaskro bob un makell ko rat ap i shinga, hoi pral ap o bob hi. Kowa krell lo, te well i doosh krik lino, hoi ap o bob hi. Ninna pash tumare tchawende un kolende, kai pal lende wenna, well kowa hako bersh jek kopo jaake kerdo. O sonakaskro bob hi o baro Debleske kokres.

Ezekiel 43:21

Un tu less ko terno gurum, hoi i doshake maredo was, te well lo chatchedo ap i platsa, hoi koleske koi hi, win glan i massuri, hoi hi trul o Debleskro kheer.

3. Mose 16:11

O Aron marell ko gurum, te well i doosh un o pale-tchiddo koowa lestar un leskri familjatar krik lino, un jon tchatcho un erligo tardo hi glan o baro Debleste.

3. Mose 16:27

Kowa, hoi pral atchas ko terno gurumestar un koi mursh busjatar, kolengro rat an i kutch isema anlo was, te well i doosh un o pale-tchiddo koowa krik lino, kol kotja anell jek win glan i platsa, kai i menshe hi, un chatchrell kote lauter, koi hauta, ko mass, un kol buke.

3. Mose 16:3

Te djal lo koi dren, hunte anas lo glan kowa i terno gurum, hoi well maredo, te well i doosh un o pale-tchiddo koowa krik lino, ninna hunte anas lo i bakro, koleskro tselo mass chatchedo well o Debleske.

3. Mose 4:21

Kowa, hoi kau gurumestar pral atchas, anell job win, krik dran koi platsa, kai i menshe hi, un chatchrell les jaake har job kowa chatchras, hoi ko gurumestar pral atchas, hoi job peskri doshake maras. Jaake hunte well i gurumeha kerdo, hoi maredo well, te well i doosh i tsele Israelendar krik lino.

3. Mose 4:25

Un o rashai lell peskro gushteha ko ratestar un makell les ap i shinga, hoi ap i star ekke pral ap koi chatchepaskri hi, kai i vieche chatchedo wenna. O tselo wawar rat tchorell lo win tella pash i chatchepaskri.

3. Mose 4:29

Un job hunte tchiwell peskro wast ap o viecheskro shero un marell les kote kai i vieche maredo wenn, hoi chatchedo wenn o Debleske.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 4:32

Te kamell jek i bakro o Debleske te anell, te well leskri doosh krik lino, palle anell lo i bakri, hoi gar nasselo hi,

3. Mose 5:6

Koi doshake hunte anell lo o baro Debleske i bakri oder i busni, un marell lat, te well leskri doosh krik lino. Un o rashai lell ko viecho un chatchrell leskro thulepen, un jaake krell lo, te well lauter pale mishto mank ko mensheste un o baro Debleste.

3. Mose 5:8

Job anell len pash o rashajeste. Un kowa anell glanstunes koi tauba hoi i doshake anlo was, un phagell lake i meen, o shero tele tchinell lo lake gar.

3. Mose 8:17

Kowa, hoi pral atchas kau viechestar, leskri hauta un leskro mass, un ko chapen, hoi an leskre buke his, chatchras lo an i jag win glan koi platsa, kai i menshe his, jaake har o baro Dewel leske penas, te krell lo.

3. Mose 9:2

un penas ap o Aron: “Le tuke i terno gurum un i mursh bakro, ko gurum, te well lo maredo, te well i doosh krik lino, un ko bakro, te well lo maredo, un leskro tselo mass o baro Debleske chatchedo. Kal dui hunte wenn sasto. Kolla an glan o baro Debleste:

Maleachi 2:3

Dikenn, hoi me kamau te krell: Kolla, kai tumendar wenna, kolen phagau. Un o ful kol viechendar, hoi tumer mange anenn, witsrau me an tumare muja. Un tumer wenn win witsedo khetne o fuleha.

4. Mose 19:5

Un job hunte mukell koi grumjat glan leskre jaka pre chatchrell, lakri fella un lakro mass, ninna lakro rat un ful.