2. Mose 29:1 - O Debleskro Drom 2021 (Sinte)

¹ Un kowa kre, te well o Aron un leskre tchawe rashaja mange. Le i terno gurum un dui mursh bakre, hoi sasto hi.

O Debleskro Lab 2024 (Sinte-Manouche)

¹ Oun kova kre, te vell o Aron oun leskre čave rashaya mange. Le i terno gouroum oun douy morsh bakre, hoy sasto hi.

2. Mose 29:1 ပူးပေါင်းရင်းမြစ်များ

2. Familjakro liil 13:9

Tumer tradan i rashajen o baro Deblestar – kolla hi o Aroneskre tchawe, – ninna i Levitarjen dran tumende krik, un kran tumenge newe rashaja, har krenn i menshe an wawar themma. Hakeno, kai was, un les his hi terni mursh grumni un efta bakre pash peste, kowa nai was i rashai tumare figurenge, kai kek dewel hi.

2. Mose 12:5

Lenn jek viecho, hoi sasto hi, i mursh, hoi jek bersh phuro hi, nai well i bakrendar, nai well i busjendar.

2. Mose 20:11

An shob diwessa kras o baro Dewel o bolepen un i phub, o pani un halauter, hoi koi dren hi. Un o eftato diwes kras lo tchi. Doleske penas lo: Kau diwes hi i baro diwes mange. Kau diwes hi miro.

2. Mose 28:1

Muk tiro phrales, o Arones, un leskre mursh tchawen glan tute te anell. Kolen rodom win dran i wawar Israelitarja, te wenn le mange rashaja: o Nadab, o Abihu, o Eleasar un o Itamar.

2. Mose 28:3

Rake kolentsa, kolen me latche wasta un o goswepen dom, te haiwenn le mishto te siwell. Pen lenge, te krenn le ripja o Aroneske, te well job mange i rashai.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

2. Mose 29:21

Le ko ratestar, hoi ap o Debleskri chatchepaskri hi, un tchip les an o makepaskro djet un witse les ap o Aron un leskre koola un ap leskre tchawende un lengre koola, te well job un leskre koola o Debleske, ninna leskre tchawe un lengre koola, te wenn le o Debleske.

Ezekiel 43:23

Pal kowa less i terno sasto gurum, un i sasto mursh bakro, te wenn le maredo o baro Debleske.

3. Mose 14:11

Ko rashai anell koles, kai sasto was, un kau tselo koowa glan o baro Debleste, glan o wudar koleskro plachteno kherestar.

3. Mose 16:3

Te djal lo koi dren, hunte anas lo glan kowa i terno gurum, hoi well maredo, te well i doosh un o pale-tchiddo koowa krik lino, ninna hunte anas lo i bakro, koleskro tselo mass chatchedo well o Debleske.

3. Mose 22:20

Te anenn tumer leske i vieches, hoi gar sasto hi, dikell lo gar latches ap tumende.

3. Mose 4:3

Te hi kowa o pralstuno rashai, kai rikras pes gar ap o Debleskro lab, un anas jaake doosh ap i tsele Israelitarjen, palle lell lo i terno gurum, hoi gar nasselo hi, un anell les o baro Debleske, te well leskri doosh, hoi lo ap peste anas, krik lino.

3. Mose 6:13

Ap ko diwes, kai well jek dran o kheer Aron an peskri budi dren tchiddo, te well lo miro rashai, hunte anell lo mange i khoro latcho jarro – jaake bud har ko chapaske lino well, hoi hako diwes o baro Debleske anlo well. Ko jek paash anell lo leske taissarlakro un ko wawar paash rati.

3. Mose 6:6

Koi jag ap i chatchepaskri hunte chatchell hako tsiro, un hunte djal gar win.

3. Mose 8:1

Un o baro Dewel penas ap o Mose:

3. Mose 9:2

un penas ap o Aron: “Le tuke i terno gurum un i mursh bakro, ko gurum, te well lo maredo, te well i doosh krik lino, un ko bakro, te well lo maredo, un leskro tselo mass o baro Debleske chatchedo. Kal dui hunte wenn sasto. Kolla an glan o baro Debleste:

Mateo 6:9

Tumer te rakrenn o Debleha, penenn: Maro dad an o bolepen. Tiro lab well sharedo!

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

1. Petro 1:19

Job plaissras peskro kutch rateha, hoi job ratas, har meras lo ap o trushel. O Jesus Kristo his har i bakro, hoi maredo was o Debleske. Ap leste his kek doosh un kek tchilatchepen.