2. Mose 28:9 - O Debleskro Drom 2021 (Sinte)

⁹ Le dui kutch barra, hoi kharenna Onyx! Un an kolende muk i laba o Israeleskre tchawendar dren te tchinell:

O Debleskro Lab 2024 (Sinte-Manouche)

⁹ Le douy kouč barra, hoy kharenna Onyx! Oun an kolende mouk i laba o Israeleskre čavendar dren te činell:

2. Mose 28:9 ပူးပေါင်းရင်းမြစ်များ

1. Mose 2:12

Un o sonakai dran ko them hi mishto. Kote hi ninna kutch harza, hoi sungella mishto, ninna kutch barra, hoi kharenna Onyx.

1. Familjakro liil 29:2

Miri tseli sorjah lom bud koowa khetne o khereske miro Deblestar: o sonakai, rup, lolo saster un wawar saster, un kasht, te wenn kol tsele koola kerdo, hoi an o kheer wenna, ninna bud kutch barra, hoi lolo, senelo, blaueto un djelto hi un bud parno marmor.

2. Familjakro liil 2:7

Un bitche mange zedertikro kasht un zipresstikro kasht un wawar kutch kasht dran i berge Libanon! Me djinau, kai tire mursha haiwenn pen win, te denn le i ruka. Un me bitchrau mire murshen pash tire murshende, te nai budrenn le lentsa khetne.

Hiob 28:16

O goswepen hi budeder moldo har o latcheder sonakai un kutch blauete barra.

2. Mose 25:7

Lenn lendar ninna kol kutch barra, hoi kharenna Onyx un wawar kutch barra, te wenn le ap o rashajeskri damdira un ap o betcheskri possita sido.

2. Mose 28:10

Shob laba ap ko jek bar un shob ap ko wawar bar pal lengro phurepen.

2. Mose 28:20

Telstunes kol barra, hoi kharenna: Krisolit, Onyx un Jaspis. Tchip kol barra an sonakangre gustria.

2. Mose 28:36

An i tikno kotar latcho sonakai tchin kol laba: “Kowa hi o baro Debleske”, un pande ko kotar sonakai ap i dori dran blaueto kutch bakrengro bal glan ap o shereskro pandepen.

2. Mose 28:8

Ko pereskro pandepen well jaake kerdo har koi damdira: dran latcho sorelo laintikro than, kai sonakai dren sido well, ninna kutch bakrengro bal, hoi blaueto, lolo un lolo har jag kerdo was. I damdira un lakro pandepen hi dran jek kotar than.

2. Mose 31:5

Ninna haiwell lo kutch barra te tchinell un an gustria te tchiwell. Ninna nai dell lo shukar koowa win tchurje dran kasht, jaake te nai krell lo haki budi.

2. Mose 39:13

Telstunes kol barra, hoi kharenna: Krisolit, Onyx un Jaspis. Hako bar his tchiddo an i sonakaskri gustri.

2. Mose 39:6

Un jon lan dui kutch barra, hoi kharenna Onyx, un tchiwan len an sonakangre gustria. Un kolla mursha, kai haiwenn mishto laba an barra te tchinell, tchinan i laba kol Israeleskre tchawendar an i barra dren.

Kamlepaskri gili 8:6

Tchin miro lab ap tiro dji! Muk man har i gustri ap tiro wast te well! Te kamenn pen dui, hi lengro kamlepen soreles har o merepen, un rikrell len pandles har o mulengro them. Len hi i dji jek o wawareske, hoi chatchell soreles har i jag o baro Deblestar.

Jesaja 49:16

Dik, an mire dui wasta tchinom me tut dren, Jerusalem! I massurja trul tute hi hako tsiro glan mire jaka.

Ezekiel 28:13

Tut his i shukar djipen, har te djiwals an o Debleskri bar ‘Eden’. Ap tute his hake kutch barra: Rubin, Topas, Diamant, Krisolit, Onyx, Jaspis, Safiro, Karfunkel un Smaragdo. Kol barra his an shukar kerdo sonakai dren pandlo, un tuke koi, te less len ap ko diwes, kai boldo wal.

Zakarie 9:16

Ap ko diwes lell len lengro baro Dewel win dran i tchilatche wasta. Job hi lenge har i bakrengro, kai dell garda ap peskre bakren. Har i kutch barra ap i rajeskri stadi krenn le o them shukar.