2. Mose 28:8 - O Debleskro Drom 2021 (Sinte)

⁸ Ko pereskro pandepen well jaake kerdo har koi damdira: dran latcho sorelo laintikro than, kai sonakai dren sido well, ninna kutch bakrengro bal, hoi blaueto, lolo un lolo har jag kerdo was. I damdira un lakro pandepen hi dran jek kotar than.

O Debleskro Lab 2024 (Sinte-Manouche)

⁸ Ko pereskro pandepen vell yaake kerdo har koy damdira: dran lačo zorelo layntikro than, kay sonakay dren sido vell, ninna kouč bakrengro bal, hoy blaueto, lolo oun lolo har yag kerdo vas. I damdira oun lakro pandepen hi dran yek kotar than.

2. Mose 28:8 ပူးပေါင်းရင်းမြစ်များ

2. Mose 28:7

Dui kotja than wenn ap i damdira sido kote, kai i phika hi. Un i pandepen pandell i damdira trul o per khetne.

2. Mose 28:9

Le dui kutch barra, hoi kharenna Onyx! Un an kolende muk i laba o Israeleskre tchawendar dren te tchinell:

2. Mose 29:5

Palle le i koola un rib o Arones an: o gad un i baja, o rashajeskri damdira un i betcheskri possita ninna. Pande ko pereskro pandepen, hoi ap i damdira hi, trul leste!

2. Mose 39:5

Ko pereskro pandepen was jaake kerdo har i damdira: dran latcho sorelo laintikro than, kai sonakai dren sido was, ninna kutch bakrengro bal, hoi blaueto, lolo un lolo har jag kerdo was. I damdira un lakro pandepen his dran jek kotar than. Jon kran kowa jaake, har o baro Dewel o Moseske penas.

Jesaja 11:5

Hako tsiro krell lo o tchatchepen. Hako tsiro penell lo, hoi tchatcho hi. Doleske hi o tchatchepen trul leste har i pereskri dori trul i ripen.

3. Mose 8:7

Job riwas o Aroneske o laintikro gad an un tchiwas leske o pereskri dori trujel, palle i baja un o rashajeskri damdira. Palle pandas lo ko pereskro pandepen, hoi ap i damdira hi, trul leste.

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.

Debleskro tsiro 1:13

Un mashkral lende his jek tardo, hoi wi-dikas har i mensho. Les his i lengsto ripen ap leste, un i sonakaskri dori trul leskro betch.