2. Mose 28:43 - O Debleskro Drom 2021 (Sinte)

⁴³ Hako kopo kai djan le an o Debleskro plachteno kheer, ninna te chatchrenn le i viecho ap o Debleskri sasterni chatchepaskri, hunte riwell o Aron un leskre tchawe kol telstune cholopja. Jaake tchiwenn le penge kek doosh ap pende un hunte merenn gar. Un kowa well jaake o Aroneske un leskre tchawenge, hoi pal leste wenna, lauterenge, kai wenna rashaja, o tselo tsireske.

O Debleskro Lab 2024 (Sinte-Manouche)

⁴³ Hako kopo kay djan le an o Debleskro plarhteno kheer, ninna te rhačrenn le i firho ap o Debleskri sasterni rhačepaskri, hounte rivell o Aron oun leskre čave kol telstoune rholopya. Yaake čivenn le penge kek doosh ap pende oun hounte merenn gar. Oun kova vell yaake o Aroneske oun leskre čavenge, hoy pal leste venna, lauterenge, kay venna rashaya, o tselo tsireske.

2. Mose 28:43 ပူးပေါင်းရင်းမြစ်များ

2. Mose 20:26

Tchiwenn i barra gar jaake pre, te nai dikell jek tel i ripja kolestar, kai djal i barra pre.

2. Mose 30:21

Te thowenn le pen gar, hunte merenn le. Ko lab hi o Aroneske un leskre tchawenge un kolenge, kai pal lende wenna, hako tsireske.

Ezekiel 44:17

Te wenn le an kol wudja dren, hoi djan ap koi tikni glanstuni platsa, hunte riwenn le i rashajengre laintikre koola an. Kek koola dran bakrengre balla hunte wenn ap lende an ko tsiro, kai budrenn ap i tikni glanstuni platsa un dren an o kheer.

3. Mose 16:13

Kote tchiwell lo ko sungepaskro koowa ap i jag, te djal i jagakro ducho win un tchakrell ko pralstuno kotar ap ko mochton, kai o Debleskre deesh laba dren hi. Kowa hunte krell lo doleske, te merell lo gar.

3. Mose 17:7

I Israelitarja hunte marenn buder kek viechen i bengenge, kolenge jon kanna gomme palla nashenn. Ap kowa hunte rikrenn le pen, ninna lengre tchawenge un kolengre tchawenge un jaake dureder hako tsireske.

3. Mose 22:15

I rashaja hunte mukenn kek wawares kolestar te chal, hoi mange, o baro Debleske, dino was, un kokres i rashaja nai chan.

3. Mose 22:9

I rashaja hunte rikrenn halauter, hoi lenge penom, te lenn le kek doosh ap pende, un merenn doleske, kai djan le gar o Debleskro koowa jaake trujel, har hunte krans le. Me hom o baro Dewel, un rodom len win, te wenn le mire rashaja.

3. Mose 3:17

Kek tumendar hunte chal o thulepen un o rat. Ap kowa hunte rikrenn tumen un tumare tchawe kanna un hako tsiro, kai tumer ninna djiwenna.

3. Mose 5:1

Te well jek glan i tchatchepangre anlo, te penell lo, hoi lo dikas un shunas, un job rikrell kowa peske, un penell tchi, ninna te dikas oder shunas lo, hoi koi his. Palle anas lo i doosh ap peste un hunte hidjrell lat.

3. Mose 5:17

Te krell jek tchomone, kolestar o baro Dewel penas, te krell lo les gar, anas lo i doosh ap peste, ninna te djinas lo gar, te penas o baro Dewel: “Ma kre kowa!”

4. Mose 15:15

Kal laba, hoi penenn tumenge, hoi te krenn an kau koowa hi tumenge lauterenge: tumenge, kol Israelitarja, un ninna kol wawar menshenge, kai mank tumende djiwenna. Kol laba atchenna hako tsiro tumare tchawenge, hoi pal tumende wenna: Glan o baro Debleste hi o wi-themari jaake har tumer han.

4. Mose 18:22

Kanna un an ko tsiro, hoi wella, hunte djan kokres i Levitarja pash o Debleskro kheer, un gar i wawar Israelitarja, te lenn jon kek doosh ap pende un merenna. Kol Levitarja hunte krenn koi budi ap o Debleskro kheer. Un jon hunte hidjrenn i doosh ap pende, te well tchomone kerdo, hoi gar tchatcho hi. Kowa hunte well jaake hako tsireske pash kolende, kai pal tumende wenna. Un len hunte well kek kotar phub, hoi djal dureder o dadestar ap o tchaweste, har kowa i wawar Israelitarja lenna.

4. Mose 18:32

Tumer anenn koi pashel kek doosh ap tumende, jaake rah har dan tumer ko feteder kotar o baro Debleste. Kowa, hoi i Israelitarja anenna hi mange, o baro Debleske un hunte atchell mange. Doleske denn jak, te denn man glanstunes o feteder kotar, un palle nai chan tumer. Te krenn kowa gar, hunte merenn!

4. Mose 18:8

Un o baro Dewel penas ap o Aroneste: Shun, tu budreh mange. Doleske dau me tut un tire tchawen i kotar lauterestar, hoi i Israelitarja mange anenna. Kowa te well jaake hako tsireske.

4. Mose 9:13

Koon gar pale-tchiddo hi un gar ap o drom hi, kowa hunte rikrell o Passa ap o tchatcho diwes. Te krell lo kowa gar, hunte well lo infam un atchell buder gar pash peskre menshende. Koi phagi lell lo doleske, kai was lo gar ap o tchatcho tsiro glan o baro Debleste, te anell lo leske i bakro. Leskri doosh atchell ap leste.