2. Mose 28:41 - O Debleskro Drom 2021 (Sinte)

⁴¹ Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

O Debleskro Lab 2024 (Sinte-Manouche)

⁴¹ Palle rib o Aroneske oun leskre čavenge kol koola an. Le djet oun mak len o Debleske oun de len an lengri boudi, te venn le mange rashaya.

2. Mose 28:41 ပူးပေါင်းရင်းမြစ်များ

2. Mose 28:1

Muk tiro phrales, o Arones, un leskre mursh tchawen glan tute te anell. Kolen rodom win dran i wawar Israelitarja, te wenn le mange rashaja: o Nadab, o Abihu, o Eleasar un o Itamar.

2. Mose 28:4

Kolla hi i koola, hoi te krenn le: i betcheskri possita, i rashajeskri damdira, i baja un i gad, i shereskro pandepen, un i laintikro pandepen, hoi job trul peskro per pandell. Kol rashajengre koola krenn le o Aroneske un leskre tchawenge, te wenn jon mange rashaja.

2. Mose 29:24

Tchip kowa lauter an o Aroneskre wasta un an i wasta leskre tchawendar. Un jon hadenn kowa pre glan mande, o baro Debleste, te sikrenn le, kai kowa mange hi.

2. Mose 29:35

Jaake kress tu o Aroneha un leskre tchawentsa lauter, hoi me tuke penom. Efta diwessa kress tu jaake, te wenn le rashaja.

2. Mose 29:7

Le o makepaskro djet un tchore les pral leskro shero, mak les o Debleske!

2. Mose 29:9

Palle tchip lenge o pereskro pandepen trujel un tchip i rashajengre stadja ap lengre shere, te wenn le mange rashaja hako tsireske. Un jaake aneh tu len an lengri budi:

2. Mose 30:35

Un tchip kowa jaake khetne, har kolla krenna, kai kowa mishto haiwenna, te well lestar i sungepaskro koowa, hoi chatchedo well o Debleske. Tchip ninna loon koi pashel, te well ko koowa djudjo. O Debleske hi lo.

2. Mose 40:13

Rib o Aroneske o rashajeskre ripja an, mak les o djeteha, te well lo miro rashai.

2. Mose 40:15

Un mak len o djeteha jaake har makal lengro dad, te wenn le mire rashaja. Jon un lengre tchawe pal lende te wenn le maklo o djeteha, te wenn le mire rashaja hako tsireske.

Jesaja 10:27

Ap ko diwes lau tumen win dran i wasta kolendar dran o them Assur, te nai rikrenn le tumen buder gar tele. Palle han buder gar lengre pandle budepangre. I lurde dran o them Assur djan pre an Rimmon,

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Ezekiel 43:26

Efta diwessa well kowa jaake kerdo, te well i doosh un o pale-tchiddo koowa krik lino fun i chatchepaskri, te nai well li o Debleske koi.

3. Mose 10:7

Ma djan witar gar krik o wudarestar o Debleskro plachteno kherestar, te merenn gar. O baro Debleskro djet was tchoredo ap tumare sherja, te wenn leskre rashaja.” Un jon kran jaake, har o Mose lenge penas.

3. Mose 16:24

Palle thowell lo pes ap i Debleskri platsa, un riwell peskre koola an. Palle djal lo pale win, marell kol dui bakre, ko jek peske, un ko wawar i menshenge Israel, un chatchrell lengro tselo mass o baro Debleske, te well i doosh un o pale-tchiddo koowa krik lino lestar un kol menshendar Israel.

4. Mose 16:5

un penas ap o Korach un ap kolende, kai pash leste his: “Taissar penell o baro Dewel, koon leskre menshe hi, kones job peske wi-rodas, un koon nai well pash leste. Un kones job win rodella, kowa nai well pash leste.

4. Mose 3:3

Kal star wan o djeteha dre-maklo, te wenn jon rashaja, un budran an o Debleskro kheer.

Johanni 3:34

Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

Hebrearja 5:4

Kek mursh nai penella: Me wau baro rashai. Na-a, o Dewel rodell les win, jaake har job glan i rah tsiro ninna o Arones win rodas, te well lo i baro rashai.

Hebrearja 7:28

Kol wawar bare rashaja hi menshe un gar sorelo, un nai krenn gar mishto kowa, hoi o Dewel lendar kamella. Jon wan rashaja jaake, har o Mose an peskre lila tchinas. Bud tsiro palla, das o Dewel peskro lab, un das peskro wast koi pre, te well leskro tchawo i baro rashai hako tsireske. Job krell lauter mishto, hoi o Dewel lestar kamella.

1. Johanni 2:20

Tumer lan o Debleskro Ducho, un lestar djinenn tumer kowa lauter.

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.