2. Mose 28:40 - O Debleskro Drom 2021 (Sinte)

⁴⁰ Ninna o Aroneskre tchawenge kre gada, pereskre pandepangre un rashajengre stadja, hoi railo un shukar hi.

O Debleskro Lab 2024 (Sinte-Manouche)

⁴⁰ Ninna o Aroneskre čavenge kre gada, pereskre pandepangre oun rashayengre stadja, hoy raylo oun shoukar hi.

2. Mose 28:40 ပူးပေါင်းရင်းမြစ်များ

2. Mose 28:2

Muk tiro phraleske, o Aroneske, shukar raile koola te siwell, jaake har i rashajeske moldo hi.

2. Mose 28:4

Kolla hi i koola, hoi te krenn le: i betcheskri possita, i rashajeskri damdira, i baja un i gad, i shereskro pandepen, un i laintikro pandepen, hoi job trul peskro per pandell. Kol rashajengre koola krenn le o Aroneske un leskre tchawenge, te wenn jon mange rashaja.

2. Mose 29:8

Muk ninna leskre tchawe pash tute te well! Kolenge rib ninna i gada an!

2. Mose 29:9

Palle tchip lenge o pereskro pandepen trujel un tchip i rashajengre stadja ap lengre shere, te wenn le mange rashaja hako tsireske. Un jaake aneh tu len an lengri budi:

2. Mose 39:41

Ninna anan le i rashajengre kutch ripja, hoi o Aron un leskre tchawe an-riwenn, te budrenn le an o Debleskro kheer.

Jesaja 52:1

Ste pre! Ste pre, Zion! Ab pale soreles! Tchip tire kutch rajengre ripja ap tute, Jerusalem, tu Debleskro foro! Tchatchepah, kek tsiro well kanna buder, kai djal jek an tute dren, hoi gar tchinlo was ap peskro mass, witar gar jek, kai glan mande pale-tchiddo hi.

3. Mose 16:24

Palle thowell lo pes ap i Debleskri platsa, un riwell peskre koola an. Palle djal lo pale win, marell kol dui bakre, ko jek peske, un ko wawar i menshenge Israel, un chatchrell lengro tselo mass o baro Debleske, te well i doosh un o pale-tchiddo koowa krik lino lestar un kol menshendar Israel.

3. Mose 8:13

Un o Mose mukas o Aroneskre tchawe glan te well, un riwas lenge i laintikre gada an, un pandas lenge i pereskro pandepen trujel, un tchiwas i rashajengre stadja ap lengre shere. Kowa lauter kras lo jaake, har o baro Dewel kowa leske penas.

Tito 2:10

te tchorenn le tchi lestar! I budepangre hunte krenn pengri budi mishto un tchatcho. Jaake sikrenn le an hako koowa, har mishto o Debleskro drom hi, hoi lende siklo was. Un jaake sharenn le o Debles, kai las men win dran o tchilatchepen.

Tito 2:7

An hako koowa sike lende, har tu kowa kreh, te krenn le ninna latcho koowa! Pen o Debleskro lab an o tchatchepen, te djal les hakeneske an o dji!

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.