2. Mose 28:39 - O Debleskro Drom 2021 (Sinte)

³⁹ Kre o gad dran i latcho laintikro kotar than an shukar wastengri budi. Kre ninna o shereskro pandepen dran latcho laintikro than, un i pereskro pandepen an shukar wastengri budi.

O Debleskro Lab 2024 (Sinte-Manouche)

³⁹ Kre o gad dran i lačo layntikro kotar than an shoukar vastengri boudi. Kre ninna o shereskro pandepen dran lačo layntikro than, oun i pereskro pandepen an shoukar vastengri boudi.

2. Mose 28:39 ပူးပေါင်းရင်းမြစ်များ

Debleskri gili 45:14

I baro rajeskri tchai well dren, shukar un railo kerdo, un an-rido an sonakangre ripja.

2. Mose 26:36

Kre ninna i plachta, hoi well an ko wudar, kai weh dren an o kheer. Kre lat an shukar wastengri budi dran latcho sorelo laintikro than, kai ninna kutch bakrengro bal dren hi, hoi blaueto, lolo un lolo har jag kerdo was.

2. Mose 27:16

Kote, kai weh ap i platsa, tchip star pesse kashta ap star herja, te kress i baro wudar. An o wudar well i bari plachta pandlo. Koja kress an shukar wastengri budi dran latcho sorelo laintikro than, kai ninna kutch bakrengro bal dren hi, hoi blaueto, lolo un lolo har jag kerdo was. Kai plachta well deesh metarja buchlo.

2. Mose 28:4

Kolla hi i koola, hoi te krenn le: i betcheskri possita, i rashajeskri damdira, i baja un i gad, i shereskro pandepen, un i laintikro pandepen, hoi job trul peskro per pandell. Kol rashajengre koola krenn le o Aroneske un leskre tchawenge, te wenn jon mange rashaja.

2. Mose 29:5

Palle le i koola un rib o Arones an: o gad un i baja, o rashajeskri damdira un i betcheskri possita ninna. Pande ko pereskro pandepen, hoi ap i damdira hi, trul leste!

2. Mose 29:6

Palle tchip o shereskro pandepen trul leskro shero! Un tchip o tikno sonakaskro kotar glan ap koleste!

2. Mose 29:8

Muk ninna leskre tchawe pash tute te well! Kolenge rib ninna i gada an!

2. Mose 39:27

O Aroneske un leskre tchawenge kran le ninna i gada, o shereskro pandepen, i rashajengre stadja, un i telstune cholopja dran latcho sorelo laintikro than.

3. Mose 16:4

Glanstunes hunte thowell lo pes, un riwell i rashajengre koola an: ko laintikro gad, un ko laintikro cholop koi tel. Job pandell i pereskro laintikro pandepen trul peste, un i shereskro pandepen trul peskro shero.