2. Mose 28:36 - O Debleskro Drom 2021 (Sinte)

^36-37 An i tikno kotar latcho sonakai tchin kol laba: “Kowa hi o baro Debleske”, un pande ko kotar sonakai ap i dori dran blaueto kutch bakrengro bal glan ap o shereskro pandepen.

O Debleskro Lab 2024 (Sinte-Manouche)

^36-37 An i tikno kotar lačo sonakay čin kol laba: “Kova hi o baro Debleske”, oun pande ko kotar sonakay ap i dori dran blaueto kouč bakrengro bal glan ap o shereskro pandepen.

2. Mose 28:36 ပူးပေါင်းရင်းမြစ်များ

1. Familjakro liil 23:13

O Amram, leskre tchawe his: o Aron un o Mose. Un o Aron un leskre tchawe wan win rodedo, te wenn le rashaja hako tsireske. Jon kokres nai kran o baro Debleskri budi: nai chatchran viechen ap leskri chatchepaskri, un nai rakran o Debleskri bacht win pral i Israelitarja.

Debleskri gili 93:5

Tiro lab hi o tchatchepen, un tiro kheer hi hako tsiro tuke kokres, baro Dewel, jaake rah har i phub koi hi.

2. Mose 19:6

un han wi-rodedo, te wenn bare raja un rashaja, kai hi mange koi.’ Kal laba peness tu ap i tsele Israelitarja.”

2. Mose 28:11

Muk koi budi jekestar te krell, hoi haiwell mishto laba an bar te tchinell. Un kol barra wenn tchiddo an sonakangre gustria.

2. Mose 28:35

Koi baja riwell o Aron an, te shunell jek les, te djal lo glan o baro Debleste an leskro kheer dren, ninna te well lo pale win. Kawa krell lo, te merell lo gar.

2. Mose 28:9

Le dui kutch barra, hoi kharenna Onyx! Un an kolende muk i laba o Israeleskre tchawendar dren te tchinell:

2. Mose 29:6

Palle tchip o shereskro pandepen trul leskro shero! Un tchip o tikno sonakaskro kotar glan ap koleste!

2. Mose 39:27

O Aroneske un leskre tchawenge kran le ninna i gada, o shereskro pandepen, i rashajengre stadja, un i telstune cholopja dran latcho sorelo laintikro than.

2. Mose 39:30

An i tikno kotar latcho sonakai tchinan le kol laba: “Kowa hi o baro Debleske”, un pandan ko kotar sonakai ap i dori dran blaueto kutch bakrengro bal glan ap o Aroneskro shereskro pandepen. Kowa was kerdo jaake har o baro Dewel o Moseske penas.

Jesaja 23:18

Un kol lowe, hoi le dren lenn, well o baro Debleste dino. Kol lowe well gar khetne anlo an i brawlepaskro kheer. Na-a, kol lowe lenn kolla, kai pash o baro Debleskro kheer djiwenn, te well len doha chapaske un latche koola an-ripaske.

Ezekiel 43:12

Glan halauter hunte well dre-rikedo, te hi koi tseli platsa pral ap i berga, kai miro kheer tardo hi, kokres mange koi. Ninna halauter, hoi koi trujel hi, hi mange.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

3. Mose 19:2

Pen ap i tsele Israelitarja: Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

3. Mose 8:9

Palle tchiwas lo o shereskro pandepen trul leskro shero, un glan ap koleste i tikno sonakaskro kotar, jaake har o baro Dewel les o Moseske penas.

Zakarie 14:20

An ko tsiro hi tchinlo ap i tikne bashepangre, hoi hi pandlo trul i grajengre menja: o baro Debleske! I pirja an o Debleskro kheer hi o Debleske jaake bud moldo har i bare tchare glan o Debleskri chatchepaskri.

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

Debleskro tsiro 21:27

Un tchi well kote dren, hoi an o Debleskre jaka pale-tchiddo hi, witar kek mensho, kai djungelo koowa krella un chochella. Kolla wenna an ko foro dren, kolengre laba an o terno bakreskro liil dren tchinlo hi. Kote hi kolla dren tchinlo, kai lenna o djipen, hoi gar pre-herella.