2. Mose 28:34 - O Debleskro Drom 2021 (Sinte)

³⁴ te well jek phabi, palle jek bashepaskri, palle jek phabi, un jaake dureder trul i tseli baja.

O Debleskro Lab 2024 (Sinte-Manouche)

³⁴ te vell yek phabi, palle yek bashepaskri, palle yek phabi, oun yaake doureder troul i tseli baya.

2. Mose 28:34 ပူးပေါင်းရင်းမြစ်များ

Debleskri gili 89:15

O tchatchepen pral i menshende rakreh, un tchatchepaskre laba lenge peneh. Doleske atcheh tu o baro rai. An lauter, hoi kreh, dikah tiro latchepen, un har pash mende rikreh.

2. Mose 28:33

Ap o telstuno kotar i bajatar kress tu tikne phabja dran kutch bakrengro bal, hoi blaueto, lolo un lolo har jag kerdo was. Kal phabja djan trul i tseli baja. Mank lende wenn tikne sonakangre bashepangre jaake trul o tselo ripen,

2. Mose 28:35

Koi baja riwell o Aron an, te shunell jek les, te djal lo glan o baro Debleste an leskro kheer dren, ninna te well lo pale win. Kawa krell lo, te merell lo gar.

2. Mose 39:22

Koi pashel kran le i baja, hoi riwell o rashai tel i damdira. Un koi tseli baja kran le dran blaueto kutch bakrengro bal.

2. Mose 39:26

te well jek phabi, palle jek bashepaskri, palle jek phabi, un jaake trul i tseli baja. Kai baja riwell o rashai te djal lo an o Debleskro kheer. Lauter kran le jaake har o baro Dewel o Moseske penas.

Kamlepaskri gili 2:3

Har i phabjengro ruk mank i diwje ruka an o weesh, jaake hi miro pirno mank i terne murshende. Bachteles hom beshdo an leskro shatto, un leskre phabja hi gudlo mange.

Kamlepaskri gili 4:13

Har i baar hal tu pherde ruka gudle phabjentsa, un rukengre, hoi mishto sungenna, un o chapen latches krenna: Henna un Narda, Safrano, gudlo sungepaskro khass un Zimto, Weihrauch, Myrrhe un Aloe, halauter latche kashta un patria.

Kamlepaskri gili 4:3

Har i loli dori hi tiro mui, un tiro rakepen hi kamlo. Lolo har i phabi hi tire tchamja pal tiro diklo.

Kamlepaskri gili 6:11

An i rukengro baar djom tele, te dikap, har i ruka senelo wenn, un har i drakengre ruka newe patria lenn, un har i phabjengre ruka tikne phabja hidjrenn.

Kamlepaskri gili 6:7

Lolo har i phabi hi tire tchamja pal tiro diklo.

Kamlepaskri gili 8:2

Me loms tut pash o wast, un anoms tut khere pash mande, an miri dakri isema, kai boldo wom. Me doms tut miri feteder mool, un miri phabjengri mool.

Johanni 15:16

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.