2. Mose 28:3 - O Debleskro Drom 2021 (Sinte)

³ Rake kolentsa, kolen me latche wasta un o goswepen dom, te haiwenn le mishto te siwell. Pen lenge, te krenn le ripja o Aroneske, te well job mange i rashai.

O Debleskro Lab 2024 (Sinte-Manouche)

³ Rake kolentsa, kolen me lače vasta oun o gosvepen dom, te hayvenn le mishto te sivell. Pen lenge, te krenn le ripya o Aroneske, te vell yob mange i rashay.

2. Mose 28:3 ပူးပေါင်းရင်းမြစ်များ

2. Mose 35:10

Koon mank tumende haiwell shukar koowa te krell, kowa te well un budrell mentsa, te nai kras mer, hoi o baro Dewel penas menge:

2. Mose 35:25

I tsele djuwja, kai haiwan mishto thaba dran kutch bakrengro bal te krell, kran kowa un anan jaake thaba, hoi blaueto, lolo, un lolo har jag kerdo was, ninna latcho laintikro than.

2. Mose 35:30

O Mose penas ap o Israelitarja: “Shunenn, o baro Dewel rodas o Bezalel win. Leskro dad hi o Uri, un leskro papo hi o Hur, dran o kheer Juda.

2. Mose 35:31

O baro Dewel tchiwas peskro ducho an o Bezalel, un das les goswepen un wasta, hoi haiwenn mishto te budrell,

2. Mose 35:35

O baro Dewel das kol dujen, o Bezalel un o Oholiab, o goswepen, te haiwenn le mishto sonakaskro koowa te krell, ninna shukar plachte dran latcho laintikro than un dran kutch bakrengro bal, hoi blaueto, lolo un lolo har jag kerdo was. Ninna nai siwenn le shukar koowa an kol kotja than. Jaake nai krenn le haki budi, un haiwenn, an pengro shero glan-wi te dikell, har te krenn le lat.

2. Mose 36:1

O Bezalel, o Oholiab un kol wawar, kolen o baro Dewel o goswepen un wasta das, te haiwenn le mishto halauter te krell, hoi lo penas, kolla te krenn leske kanna i kheer un kol tsele koola, hoi koi dren hi.”

2. Mose 36:2

O Mose kharas o Bezalel un o Oholiab pash peste, ninna kol tsele wawaren, kai o baro Dewel goswepen an lengro dji das un wasta, te budrenn le mishto, un kai wan pendar, te krenn le koi budi.

Gosewe laba 2:6

O baro Dewel hi kowa, kai dell goswepen. Lestar well, te djinell un haiwell i mensho bud koowa.

Jesaja 11:2

Un ap koleste well o ducho o baro Deblestar tchiddo, un dell les o goswepen, te haiwell lo bud koowa, un djinell, hoi te krell lo. Ko Debleskro ducho dell les ninna i soor koleske, un sikrell les, har o baro Dewel hi, un har te djiwell lo leha.

Efesarja 1:17

te dell lo tumen goswepen, te haiwenn tumer, har baro job hi. Job hi o Dewel maro rajestar, o Jesus Kristestar, un maro dad an o bolepen, o rai pral halauter.

5. Mose 34:9

Un o Josua, koleskro dad o Nun his, was pherdo goswepen. Kowa was, har tchiwas o Mose peskre wasta ap leste. Un i Israelitarja shunan ap leste un kran jaake har o baro Dewel o Moseske penas, te hunte krenn le.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.