2. Mose 28:12 - O Debleskro Drom 2021 (Sinte)

¹² Palle kre kol dui barra ap i damdira pre, kote kai i phika hi. Jaake hidjrell o Aron i laba o Israeleskre tchawendar ap peskre phika, te djal lo an o Debleskro kheer. Un jon wenn mange, o baro Debleske, an o shero, te wap lenge latcho.

O Debleskro Lab 2024 (Sinte-Manouche)

¹² Palle kre kol douy barra ap i damdira pre, kote kay i phika hi. Yaake hidjrell o Aron i laba o Israeleskre čavendar ap peskre phika, te djal lo an o Debleskro kheer. Oun yon venn mange, o baro Debleske, an o shero, te vap lenge lačo.

2. Mose 28:12 ပူးပေါင်းရင်းမြစ်များ

Hiob 31:36

Tchatchepah me hadaus kau liil ap miri phik pre, un hidjraus les har i rajeskri stadi ap miro shero.

Debleskri gili 89:19

Baro Dewel, tu dal men koles, kai ap mende garda della. Tu, o Dewel pral o Israel, rodal les win, te well lo maro baro rai.

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 13:9

Kawa well tuke har i sikepen ap tiro wast, un i sikepen mashkral tire jaka, te bistress tu kowa gar, un peness i wawarenge, har las tut o baro Dewel peskro sorelo wasteha win dran o them Egiptia.

2. Mose 28:11

Muk koi budi jekestar te krell, hoi haiwell mishto laba an bar te tchinell. Un kol barra wenn tchiddo an sonakangre gustria.

2. Mose 28:29

Jaake hidjrell o Aron i laba kol deesh-te-dui Israeleskre tchawendar ap peskro dji hako kopo, kai djal lo an o Debleskro kheer. Un me bistrau len gar, te wap lenge latcho hako tsiro.

2. Mose 28:7

Dui kotja than wenn ap i damdira sido kote, kai i phika hi. Un i pandepen pandell i damdira trul o per khetne.

Jesaja 12:2

O Dewel lell man dran i bibacht win. Me rikrau ap leste, un darau gar. Peskri sorjah was o baro Dewel ap miri rig. Miri giljah sharau les dran o dji. Job las man win.

Jesaja 62:6

Jerusalem, me tchiwom murshen ap tire massurja, te denn le jak ap tute. O tselo diwes un i tseli rat denn le bares gole, un mukenn gar tele, te bistrell tut o baro Dewel gar.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

3. Mose 24:7

Tchip latcho sungepaskro koowa ap kal mare. Ko sungepaskro koowa well chatchedo o baro Debleske, un jaake well siklo, te hi kal mare o baro Debleske.

4. Mose 31:54

O Mose un ko rashai Eleasar lan ko sonakai kol pralstunendar un anan kowa an o Debleskro plachteno kheer, te bistrell o baro Dewel gar, te dikell lo latches ap i Israelitarja.

Louka 1:54

Un job bistras gar peskro budepaskres, o Israel, un kras peskro dji leske pre,

Louka 1:72

Les his i baro dji mare phurenge un bistras gar kowa, hoi job lentsa an o phuro tsiro win kras un peskro wast pre das.

Bičepangre 10:4

Koles his daar, har job dikas les, un penas ap leste: “Hoi kameh tu mandar, rai?” Un kowa penas ap leste: “O Dewel shunas, har tu les an-mangal. Un job dikas ko latchepen, hoi tu kral i tchorwelenge. Un job bistras kowa gar.

1. Korintarja 11:24

parkras pes pash o Debleste, un phagas ko maro un penas: “Kawa hi miro mass, hoi tumenge dino wella. Hako kopo, kai phagenn tumer o maro, ma bistrenn, hoi me tumenge krom!”

5. Mose 33:12

Ap o kheer Benjamin penas lo: Tu hal kowa, koles o baro Dewel peskro tselo djijeha kamell, un peskre wasta pral leste rikrell! O tselo diwes dell lo ap tute jak, un djiwell mashkral tute.

Josua 4:7

Palle penenn tumer lenge: ‘O pani dran o Jordan atchas tardo glan o mochton, kai o baro Debleskre deesh laba dren his, har was o mochton mank o pani ap i wawar rig hidjedo. Un kal barra hi kate, te bistrenn i Israelitarja kowa kek tsireske.’”