2. Mose 28:11 - O Debleskro Drom 2021 (Sinte)

¹¹ Muk koi budi jekestar te krell, hoi haiwell mishto laba an bar te tchinell. Un kol barra wenn tchiddo an sonakangre gustria.

O Debleskro Lab 2024 (Sinte-Manouche)

¹¹ Mouk koy boudi yekestar te krell, hoy hayvell mishto laba an bar te činell. Oun kol barra venn čiddo an sonakangre goustria.

2. Mose 28:11 ပူးပေါင်းရင်းမြစ်များ

Hiob 19:24

Kamoms, te wenn le i sasteha dino an i baro bar, te atchenn le hako tsireske!

2. Mose 28:10

Shob laba ap ko jek bar un shob ap ko wawar bar pal lengro phurepen.

2. Mose 28:12

Palle kre kol dui barra ap i damdira pre, kote kai i phika hi. Jaake hidjrell o Aron i laba o Israeleskre tchawendar ap peskre phika, te djal lo an o Debleskro kheer. Un jon wenn mange, o baro Debleske, an o shero, te wap lenge latcho.

2. Mose 28:21

Un tchin an lende i laba o Israeleskre tchawendar, kolendar i deesh-te-dui bare familje wenn. Tchin an hako bar jek lab.

2. Mose 28:25

Koi wawar rig tchip an kol sonakangre gustria, hoi ap kol kotja hi, hoi glanstunes ap i damdira sido hi, kote, kai i phika hi.

2. Mose 28:36

An i tikno kotar latcho sonakai tchin kol laba: “Kowa hi o baro Debleske”, un pande ko kotar sonakai ap i dori dran blaueto kutch bakrengro bal glan ap o shereskro pandepen.

2. Mose 39:13

Telstunes kol barra, hoi kharenna: Krisolit, Onyx un Jaspis. Hako bar his tchiddo an i sonakaskri gustri.

2. Mose 39:18

Koi wawar rig tchiwan le an kol tikne sonakangre gustria, hoi ap kol kotja hi, hoi glanstunes ap i damdira sido hi, kote, kai i phika hi.

2. Mose 39:6

Un jon lan dui kutch barra, hoi kharenna Onyx, un tchiwan len an sonakangre gustria. Un kolla mursha, kai haiwenn mishto laba an barra te tchinell, tchinan i laba kol Israeleskre tchawendar an i barra dren.

Jeremia 22:24

Me dau man sowel pash miro djipen, penell o baro Dewel: Konja, tu tchawo o Jojakimestar un rai pral o them Juda, me penau tuke: Ninna te wals tu i gustri ap miro gushto, hoi sikrell kai me o baro rai hom, tserdoms me ko gustri tele.

Zakarie 3:9

Dikenn ko jek bar, hoi tchiwom glan o Jeshua, ap leste hi efta jaka. Un me tchinau laba an ko bar, penell o baro Dewel, ko rai pral o bolepen un i phub. Me lau i doosh ko themestar krik ap jek diwes.

Efesarja 1:13

Tumer ninna shunan o tchatchepen. Un tumen was ko drom siklo, hoi anas tumen pash o Debleste. Ko drom hi o Jesus Kristo. Har tumer ap leste patslo wan, das lo tumen o Debleskro Ducho an tumare djia. Glan i rah tsiro penas o Dewel, te dell lo les peskre tchawende. Jaake sikrell lo, koon leskre tchawe hi.

Efesarja 4:30

Te krenn tumer i tchilatcho koowa, palle dukrenn o Debleskro Ducho an tumare djia. O Dewel das les tumende, te sikrell lo, kai leskro han ap ko diwes, kai lell lo tumen dran o tselo tchilatchepen win.

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.

Debleskro tsiro 7:2

Un me dikom i wawar bolepaskres. Kowa was kol rigjatar, kai o kham pre djala. Un job kras i sikepen ap kolende, kai o djido Debleske koi hi. Un job das soreles gole ap kol star bolepangre, kolen i soor dino was, te dukrenn le i phub un o baro pani.