2. Mose 28:1 - O Debleskro Drom 2021 (Sinte)

¹ Muk tiro phrales, o Arones, un leskre mursh tchawen glan tute te anell. Kolen rodom win dran i wawar Israelitarja, te wenn le mange rashaja: o Nadab, o Abihu, o Eleasar un o Itamar.

O Debleskro Lab 2024 (Sinte-Manouche)

¹ Mouk tiro phrales, o Arones, oun leskre morsh čaven glan toute te anell. Kolen rodom vin dran i vavar Israelitarya, te venn le mange rashaya: o Nadab, o Abihu, o Elazar oun o Itamar.

2. Mose 28:1 ပူးပေါင်းရင်းမြစ်များ

1. Familjakro liil 23:13

O Amram, leskre tchawe his: o Aron un o Mose. Un o Aron un leskre tchawe wan win rodedo, te wenn le rashaja hako tsireske. Jon kokres nai kran o baro Debleskri budi: nai chatchran viechen ap leskri chatchepaskri, un nai rakran o Debleskri bacht win pral i Israelitarja.

1. Familjakro liil 6:10

O Elkana his o dad kol murshendar: o Amasai un o Achimot,

1. Familjakro liil 6:34

O rashajeskri budi his kokres o Aroneske un leskre tchawenge. Jon chatchran i viechen ap o Debleskri sasterni chatchepaskri, ninna sungepaskro koowa ap o Debleskro sonakaskro bob. Jon kokres nai djan an o Debleskri kutch isema, te krenn le o Debleskro koowa, te well o Israeleskri doosh krik lino, lauter jaake, har penas o Mose, koles o Debleskro wast his.

2. Familjakro liil 11:14

I Levitarja mukan pengre forja un halauter, hoi len his, un wan an o them Juda un an o foro Jerusalem. An o them Israel mukas len o Jerobeam un leskre mursh tchawe buder gar rashaja te atchell, kai budrenn o baro Debleske.

Debleskri gili 115:10

Tumer rashaja dran o kheer Aron, rikrenn tumen ap o baro Debleste! Job well ap tumari rig, un rikrell peskre wasta pral tumende.

Debleskri gili 99:6

O Mose un o Aron his leskre rashaja, un o Samuel his mank kolende, kai les an-mangan. Jon dan ap o baro Debleste gole, un job shunas len.

2. Mose 24:1

Un o baro Dewel penas ap o Moseste: “Ab kate pre pash mande, tu un o Aron, o Nadab, o Abihu un 70 (efta-desha) i phurendar dran Israel. Kal mursha atchenn dureder krik tardo un mangenn man kote an!

2. Mose 24:9

Palle djas o Mose, o Aron, o Nadab, o Abihu un 70 (efta-deesh) i phurendar dran Israel ap i berga pre.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

2. Mose 29:1

Un kowa kre, te well o Aron un leskre tchawe rashaja mange. Le i terno gurum un dui mursh bakre, hoi sasto hi.

2. Mose 29:44

Jaake lau miro plachteno kheer un i sasterni chatchepaskri mange, ninna o Arones un leskre tchawen, te wenn le mange rashaja.

2. Mose 29:9

Palle tchip lenge o pereskro pandepen trujel un tchip i rashajengre stadja ap lengre shere, te wenn le mange rashaja hako tsireske. Un jaake aneh tu len an lengri budi:

2. Mose 30:30

Jaake kress kowa ninna o Aroneha un leskre tchawentsa. Mak len o djeteha, te wenn le rashaja mange.

2. Mose 31:10

ninna kol rashajeskre koola, hoi o Aron un leskre tchawe riwenna pash pengri budi an o Debleskro kheer;

2. Mose 35:19

o rashajengre kutch ripja, hoi o Aron un leskre tchawe an-riwenn, te budrenn le an o Debleskro kheer.

2. Mose 6:23

O Aron las peske i romni: i Elisheba. Lakro dad hi o Amminadab. Un lakro phraal hi o Nachshon. Un joi las tchawe: o Nadab, un o Abihu, o Eleasar un o Itamar.

3. Mose 10:1

Dui mursh tchawe o Aronestar, o Nadab un o Abihu, lan hakeno peskro sasterno tcharo an o wast, tchiwan jag dren un sungepaskro koowa, un djan koleha an o Debleskro plachteno kheer, te anenn le kowa glan o baro Debleste. Kowa kran le pestar. O baro Dewel penas lenge gar, te krenn le kowa.

3. Mose 10:12

O Mose penas ap o Aron un ap koleskre dui mursh tchawende, kai leske pral atchan, ap o Eleasar un o Itamar: “Kowa, hoi pral atchas ko jarrestar, hoi glan o baro Debleste anlo was, nai lenn tumenge. Tchiwenn kek shutlo jarro koi pashel. Chan les pash o Debleskri chatchepaskri. Kau chapen hi i Debleskro chapen. Kokres i rashaja nai chan les, un kek wawar.

3. Mose 8:1

Un o baro Dewel penas ap o Mose:

3. Mose 8:2

Le o Arones un leskre mursh tchawen tuha, un i rashajengre koola, un o djet un ko terno gurum, hoi i doshake maredo well, un kol dui mursh bakre un koi korba, kai i mare dren hi, kai kek shutlo jarro dren hi.

4. Mose 18:7

Tu un tire tchawe, tumer han mire rashaja, te krenn tumari budi pash o Debleskri chatchepaskri un dren an o kutch isema, hoi pal o wudar dran o kutch kotar than hi. Kai budi dom me tumen. Te well jek wawar pash o Debleskro koowa, hoi koi dren hi, hunte merell lo.

4. Mose 26:61

O Nadab un o Abihu meran, har anan jon glan o baro Debleste sawo sungepaskro koowa, hoi gar jaake kerdo his, har o baro Dewel kowa kamas.

Louka 1:8

His i tsiro, kai budran kol rashaja an o Debleskro baro kheer, kolendar o Zachari jek his. Un har pash lende jaake hi, rodan le les win, te djal job an o Debleskro baro kheer, te chatchrell lo kasht o Debleske, hoi shukar sungella.

5. Mose 10:6

Un i Israelitarja mukan Beeroth-Bene-Jaakan pal pende un djan dureder an Mosera. Kote meras o Aron un was paskedo. Un leskro tchawo, o Eleasar was rashai pal leste.

5. Mose 18:5

Tumaro baro Dewel rodas peske o kheer Levi win dran i tsele Israelitarjen, te wenn i mursha dran o kheer Levi leskre rashaja hako tsireske.

1. Samuel 2:28

Dran i tsele familje, kai wenna kol deesh-te-dui Israeleskre tchawendar, rodom me o kheer Aron win, te wenn kol mursha rashaja mange, te chatchrenn le mange viechen ap miri chatchepaskri, ninna te chatchenn le mange sungepaskro koowa. Me dom len i rashajengre damdira, te riwenn le len, te wenn le glan mande. Ninna dom len o tchatchepen, te chan le ko massestar, hoi mange chatchedo wella.