2. Mose 27:20 - O Debleskro Drom 2021 (Sinte)

^20-21 Pen ap i Israelitarja, te anenn le tuke o latcheder olivtikro djet, te nai chatchenn le haki rat i tikne momlia ap i momelengri an o Debleskro plachteno kheer. Kai momelengri well tardo win glan ko kutch kotar than, hoi glan ko mochton pandlo hi, kai o Debleskre deesh laba dren hi. Kote dell o Aron un leskre tchawe jak, te chatchell i momelengri i tseli rat an o Debleskro kheer. Kawa te well jaake kerdo hako tsireske pash i Israelitarja un lengre tchawende, kai pal lende wenna.

O Debleskro Lab 2024 (Sinte-Manouche)

^20-21 Pen ap i Israelitarya, te anenn le touke o lačeder olivtikro djet, te nay rhačenn le haki rat i tikne momlia ap i momelengri an o Debleskro plarhteno kheer. Kay momelengri vell tardo vin glan ko kouč kotar than, hoy glan ko morhton pandlo hi, kay o Debleskre deesh laba dren hi. Kote dell o Aron oun leskre čave yak, te rhačell i momelengri i tseli rat an o Debleskro kheer. Kava te vell yaake kerdo hako tsireske pash i Israelitarya oun lengre čavende, kay pal lende venna.

2. Mose 27:20 ပူးပေါင်းရင်းမြစ်များ

Debleskri gili 23:5

Glan i jaka kolendar, hoi mange tchilatchepen kamenn, tchiweh tu mange latcho chapen pre. Miro shero makeh o djeteha, hoi mishto sungella. Miro khoro nashella pral.

2. Mose 25:6

momelengro djet, kutch sungepaskro koowa, hoi well chatchedo, ninna kutch sungepaskro koowa, hoi well an o makepaskro djet tchiddo, te nai makenn le jekes dren.

2. Mose 27:19

O tselo koowa, koleha budrenn le an o Debleskro kheer, well kerdo dran lolo saster, ninna kol tikne kotja, hoi denn le an i phub, te well o plachteno kheer un i plachte trul i platsa soreles rikedo.

2. Mose 35:28

Ninna anan le momelengro djet un ko koowa, hoi mishto sungella, te well lo chatchedo, ninna kutch sungepaskro koowa, hoi well an o makepaskro djet tchiddo.

2. Mose 35:8

momelengro djet, kutch sungepaskro koowa, hoi tchiwenn le an o makepaskro djet, un ninna kutch sungepaskro koowa, hoi well chatchedo ap o sonakaskro bob,

2. Mose 39:37

koi momelengri dran latcho sonakai un lakre momlia un lauter, hoi pashel hi, un lakro djet;

2. Mose 40:4

An ninna koi chapaskri dren un tchip i Debleskre mare pre! Ninna koi momelengri tchip an o kheer, un tchip i momlia pre.

Debleskro tsiro 11:4

Kolla dui mursha hi kol dui djeteskre ruka un kol dui momlia, hoi hi tardo glan o Debleste, kai hi o rai pral kai phub.

Čačepangre 9:9

Kote penas o djeteskro ruk: Mukap me miro thulepen, koleske i debla un i menshe man sharenna, te djap koi, te hadap mire kashta pral i wawar ruka?

1. Samuel 3:3

Ninna o Samuel sowas un his tchiddo an o baro Debleskro kheer pash ko mochton, kai o Debleskre deesh laba dren hi. Un i Debleskri momeli his gomme gar win.