2. Mose 27:19 - O Debleskro Drom 2021 (Sinte)

¹⁹ O tselo koowa, koleha budrenn le an o Debleskro kheer, well kerdo dran lolo saster, ninna kol tikne kotja, hoi denn le an i phub, te well o plachteno kheer un i plachte trul i platsa soreles rikedo.

O Debleskro Lab 2024 (Sinte-Manouche)

¹⁹ O tselo koova, koleha boudrenn le an o Debleskro kheer, vell kerdo dran lolo saster, ninna kol tikne kotya, hoy denn le an i phoub, te vell o plarhteno kheer oun i plarhte troul i platsa zoreles rikedo.

2. Mose 27:19 ပူးပေါင်းရင်းမြစ်များ

Esra 9:8

Kanna was men i tikno tsiro baro kamlepen dino tutar, maro baro Deblestar. Tu mukal menshen mendar djides un anal men pale kote, kai tu khere hal, te djiwas mer kote kek trashah. Doleske sanenn mare jaka, un newo djipen hi an mende, ninna te ham gomme budepangre.

2. Mose 27:18

I platsa hi paash-sheel metarja lengsto un biish-te-pantch metarja buchlo. I pesse kashta ap pengre sasterne herja hi dui-te-paash metarja baro. I laintikre kotja hi kerdo dran latcho sorelo laintikro than.

2. Mose 27:20

Pen ap i Israelitarja, te anenn le tuke o latcheder olivtikro djet, te nai chatchenn le haki rat i tikne momlia ap i momelengri an o Debleskro plachteno kheer. Kai momelengri well tardo win glan ko kutch kotar than, hoi glan ko mochton pandlo hi, kai o Debleskre deesh laba dren hi. Kote dell o Aron un leskre tchawe jak, te chatchell i momelengri i tseli rat an o Debleskro kheer. Kawa te well jaake kerdo hako tsireske pash i Israelitarja un lengre tchawende, kai pal lende wenna.

2. Mose 27:3

Kre ninna kol tsele koola dran saster, kolentsa budrenn le ap o Debleskri chatchepaskri: pirja, an kolende i jagakri tchik dren wella, bare roja, tchare, kai o rat dren wella, massengre forshette, jagakre tchare.

2. Mose 35:18

kol tikne sasterne kotja, hoi denn le an i phub, te rikrenn le i plachte soreles, kolla plachte hoi hi ap o kheer, ninna kolla, hoi hi trul i glanstuni platsa, un kol shelle, hoi hi kote an-pandlo;

2. Mose 38:20

Ninna kol tikne kotja his dran lolo saster, hoi denn le an i phub, te well o plachteno kheer un i plachte trul i platsa soreles rikedo.

2. Mose 38:31

Dran o lolo saster kran le ninna i herja, ap kolende i pesse kashta trul i glanstuni platsa tardo wenn, ninna i herja tel i pesse kashta pash o wudar glan i glanstuni platsa, un ninna i tsele tikne kotja, hoi wenn an i phub dino, te rikrenn le soreles ko kheer un kol laintikre kotja trul i glanstuni platsa.

2. Mose 39:40

kolla laintikre kotja un pesse kashta ap herja, hoi trul i glanstuni platsa hi; un koi plachta o wudareske ap i glanstuni platsa; kol tikne sasterne kotja, hoi denn le an i phub, te rikrenn le o plachteno kheer soreles, un kol shelle, hoi hi kote an-pandlo; ninna kol tsele koola, hoi kolen hunte well, kai budrenn an o Debleskro plachteno kheer.

Sikepaskro 12:11

I laba, hoi i gosewe rakrenna, hi har subja. Un kowa, hoi le penenn, djal dur an o mensheskro dji. Kowa, kai rakras len, hi har i bakrengro, kai dell garda ap peskre bakre.

Jesaja 33:20

Dik ap ko foro Zion, kai mer khetne wah ap i bare diwessa. Dik, har i Jerusalem i foro hi, kai djiwenn i menshe kek darjah. Ko foro hi har i plachteno kheer, hoi buder gar tele phagedo well. Kol saster, hoi les rikrenn, wenn gar buder win tserdedo, un lengre shelle djan gar buder paash.

Zakarie 10:4

Dran lende kokres wenna kolla, kai pral lende penepaske hi, lengre raja un pralstune. Jon hi har kol barra, kai rikrenn o kheer, un har i saster, hoi rikrell i plachteno kheer un har boge o kurepaske.

4. Mose 3:37

Ninna hunte denn le garda ap kol kotja, hoi trul o glanstuni platsa hi: kol pesse kashta un lengre pire, ap kolende jon tardo wenna, kol tikne sasterne kotja, hoi denn le an i phub, un i shelle.

4. Mose 4:32

ninna kol pesse kashta, hoi wenn pre tardo trul koi glanstuni platsa, lengre pire un kol tikne sasterne kotja, kai deh an i phub, kol shelle un ko tselo wawar koowa, jaake har kowa lengre budi hi. Un tumer hunte sikrenn lende hako kotar, hoi hidjrenn le.