2. Mose 26:37 - O Debleskro Drom 2021 (Sinte)

³⁷ Tchin pantch pesse kashta dran akatstikro kasht. Tchip sonakai trul lende! Un kre lenge pantch herja dran lolo saster, ninna sonakangre rikepangre! Ap lende well koi plachta pandlo.

O Debleskro Lab 2024 (Sinte-Manouche)

³⁷ Čin panč pesse kashta dran akatstikro kasht. Čip sonakay troul lende! Oun kre lenge panč herya dran lolo saster, ninna sonakangre rikepangre! Ap lende vell koy plarhta pandlo.

2. Mose 26:37 ပူးပေါင်းရင်းမြစ်များ

2. Mose 25:11

Pral o kasht, dren un win, tchip latcho sonakai! Un pral trul o tselo mochton tchip i sonakaskro pandepen!

2. Mose 25:5

Bakreskri ledertikre plachte, hoi lolo kerdo wan, wawar latche ledertikre plachte un kasht i rukestar, hoi kharella Akatsia,

2. Mose 36:38

Ninna tchinan le pantch pesse kashta dran akatstikro kasht, te well koi plachta kote pre pandlo. Pralstunes trul kol pesse kashta was sonakai maklo, ninna trul kol shelle, hoi hidjrenn koi plachta. Koi pashel kran le rikepangre. Tel kol pantch pesse kashta kran le pantch herja dran lolo saster.

2. Mose 38:30

Kolestar mukas o Bezalel kol herja te krell, ap kolende i pesse kashta tardo hi, hoi hi serwes un tchatches pash o wudar. Ninna kran le kolestar koi sasterni chatchepaskri un koi sasterni netsa, hoi koi pashel hi, un i tsele koola, kolentsa i rashaja budrenna.