2. Mose 26:31 - O Debleskro Drom 2021 (Sinte)

³¹ Muk ninna i kotar latcho sorelo laintikro than te krell, kai ninna kutch bakrengro bal dren hi. Kowa hi blaueto, lolo un lolo har jag. An ko kotar than wenn bolepangre dren sido an shukar wastengri budi.

O Debleskro Lab 2024 (Sinte-Manouche)

³¹ Mouk ninna i kotar lačo zorelo layntikro than te krell, kay ninna kouč bakrengro bal dren hi. Kova hi blaueto, lolo oun lolo har yag. An ko kotar than venn bolepangre dren sido an shoukar vastengri boudi.

2. Mose 26:31 ပူးပေါင်းရင်းမြစ်များ

2. Familjakro liil 3:14

Un o Salomo mukas ninna i plachta te krell o wudareske. Koja his kerdo dran latcho laintikro than un thabentsa, hoi his blaueto, lolo un lolo har jag. Un Cherubim his dren sido.

Debleskri gili 137:5

Bistrau me tut, Jerusalem, mu merell tele miri tchatchi mussi!

2. Mose 25:18

Kre ninna dui bolepangre, hakeno dran jek kotar sonakai. Un tchip ko jek glan ap o pralstuno kotar un ko wawar palla ap o pralstuno kotar!

2. Mose 25:4

ninna kutch bakrengro bal, hoi blaueto, lolo un lolo har jag kerdo was, latcho laintikro than un busjengre balla.

2. Mose 26:1

Ko kheer kress tu dran deesh pesse plachte. Un kolla wenn sido dran latcho sorelo laintikro than, kai ninna kutch bakrengro bal dren hi. Kowa hi blaueto, lolo un lolo har jag. An kol plachte wenna bolepangre dren sido an shukar wastengri budi.

2. Mose 26:32

Tchin star pesse kashta dran akatstikro kasht, tchip sonakai trul lende un tchip len ap star rupene herja. Tchip sonakangre rikepangre pral ap lende un pande ko kutch kotar than koi pre. Kau kutch than well o wudar mank o Debleskri glanstuni isemaun o Debleskri palstuni isema, hoi leskri kutcheder isema hi. Palle an ko mochton, kai o Debleskre deesh laba dren hi, un tchip les pal ko wudar dran o kutch kotar than an o Debleskri palstuni isema!

2. Mose 27:16

Kote, kai weh ap i platsa, tchip star pesse kashta ap star herja, te kress i baro wudar. An o wudar well i bari plachta pandlo. Koja kress an shukar wastengri budi dran latcho sorelo laintikro than, kai ninna kutch bakrengro bal dren hi, hoi blaueto, lolo un lolo har jag kerdo was. Kai plachta well deesh metarja buchlo.

2. Mose 28:15

Muk i betcheskri possita jaake te krell, har kran le o rashajeskri damdira: dran i latcho sorelo laintikro kotar than, kai sonakai dren sido well, ninna kutch bakrengro bal, hoi blaueto, lolo un lolo har jag kerdo was. An koi possita hi kol dui tikne koola dren, hoi lell o rashai, te hatsell lo win, hoi o Dewel peskre menshendar kamella.

2. Mose 35:12

ko sonakaskro mochton i kashtentsa hidjepaske, o pralstuno kotar koi pre, un ko kutch kotar than, hoi mank i dui iseme pandlo well;

2. Mose 35:25

I tsele djuwja, kai haiwan mishto thaba dran kutch bakrengro bal te krell, kran kowa un anan jaake thaba, hoi blaueto, lolo, un lolo har jag kerdo was, ninna latcho laintikro than.

2. Mose 35:35

O baro Dewel das kol dujen, o Bezalel un o Oholiab, o goswepen, te haiwenn le mishto sonakaskro koowa te krell, ninna shukar plachte dran latcho laintikro than un dran kutch bakrengro bal, hoi blaueto, lolo un lolo har jag kerdo was. Ninna nai siwenn le shukar koowa an kol kotja than. Jaake nai krenn le haki budi, un haiwenn, an pengro shero glan-wi te dikell, har te krenn le lat.

2. Mose 35:6

bakrengro bal, hoi blaueto, lolo un lolo har jag kerdo was, latcho laintikro than un busjengre balla.

2. Mose 36:35

Un jon kran i kotar latcho sorelo laintikro than, kai kutch bakrengro bal dren hi. Kowa hi blaueto, lolo un lolo har jag. An ko kotar than wan bolepangre dren sido an shukar wastengri budi.

2. Mose 36:36

Un jon tchinan star pesse kashta dran akatstikro kasht, te well ko kotar than kote pre pandlo. Trul kol pesse kashta tchiwan le sonakai, un kran star rupene herja tella. I rikepangre kran le dran sonakai.

2. Mose 36:8

Jaake kran kol tsele budepangre, kai haiwan mishto shukar koowa te krell, o Debleskro kheer dran deesh pesse plachte. Kolla wan sido dran latcho sorelo laintikro than, kai ninna kutch bakrengro bal dren hi. Kowa his blaueto, lolo un lolo har jag. An kol plachte wan bolepangre dren sido an shukar wastengri budi.

2. Mose 40:21

Un job anas o mochton an o kheer un pandas ko kutch kotar than glan o mochton, te well lo gar diklo. Job kras kowa jaake, har o baro Dewel leske penas.

2. Mose 40:3

Un tchip ko mochton dren, kai o Debleskre deesh laba dren hi. Glan o mochton pande ko kutch kotar than pre!

Kamlepaskri gili 7:1

Risse tut trujel, risse tut trujel, Sulamit! Risse tut pash mende, te nai dikas tut! Hoi kamenn tumer ap i Sulamit te dikell, har khelell li mank i wawarende?

3. Mose 16:15

Palle marell job koi mursh busni, te well i doosh un o pale-tchiddo koowa i menshendar Israel krik lino. Un job djal ko rateha pal i wudar dran than an i kutch isema, un krell ko rateha jaake, har lo les ko rateha ko gurumestar kras. Job witsrell peskro gushteha tchomone ap o pralstuno kotar, hoi ap o mochton tchiddo hi, un ap koi platsa glan o mochton.

3. Mose 16:2

Pen tiro phraleske, o Aroneske, te djal lo gar hako tsireske an o kutch isema an o Debleskro kheer, te merell lo gar. An koi isema, hoi pal ko kotar than hi, sikrau me man an i wolka pral ko sonakaskro pralstuno kotar, hoi ap o mochton tchiddo hi, kai mire deesh laba dren hi.

4. Mose 4:5

Ap ko tsiro, kai stenn i Israelitarja pre, te djan le dureder, djal o Aron peskre tchawentsa an o Debleskro kheer, un jon lenn ko kutch kotar than tele, hoi an o wudar glan o kutch isema hi. Ko kotar than tchiwenn le trul o sonakaskro mochton, kai o Debleskre deesh laba dren hi.

Mateo 27:51

Un ko wudar an o Debleskro baro kheer, hoi his kerdo dran kutch pesso than, kowa djas paash an dui kotja fun pral bis tele. Un i phub was trisslemen. Un i bare barra phagan an kotja.

Markus 15:38

Un ko wudar an o Debleskro baro kheer, hoi his kerdo dran kutch pesso than, kowa djas paash an dui kotja fun pral bis tele.

Louka 23:45

Un o wudar an o Debleskro baro kheer, kai his kerdo dran kutch pesso than, koja djas an dui kotja mashkral paash.

Efesarja 2:14

Job anas i bibolden khetne kol menshentsa, kai kek bibolde hi, te wenn le mala, un las o tchingepen lendar krik, hoi mashkral lende his.