2. Mose 26:1 - O Debleskro Drom 2021 (Sinte)

¹ Ko kheer kress tu dran deesh pesse plachte. Un kolla wenn sido dran latcho sorelo laintikro than, kai ninna kutch bakrengro bal dren hi. Kowa hi blaueto, lolo un lolo har jag. An kol plachte wenna bolepangre dren sido an shukar wastengri budi.

O Debleskro Lab 2024 (Sinte-Manouche)

¹ Ko kheer kress tou dran deesh pesse plarhte. Oun kolla venn sido dran lačo zorelo layntikro than, kay ninna kouč bakrengro bal dren hi. Kova hi blaueto, lolo oun lolo har yag. An kol plarhte venna bolepangre dren sido an shoukar vastengri boudi.

2. Mose 26:1 ပူးပေါင်းရင်းမြစ်များ

2. Samuel 7:2

penas job ap ko Debleskro rakepaskro, o Natan: “Me djiwau an i kheer dran zedertikro kasht, un o Debleskro mochton hi an i plachteno kheer. Hi kowa mishto?”

1. Rajengro liil 6:29

Un an i tsele massurja an o Debleskro kheer mukas lo dren un win shukar koowa dren te tchinell, hoi win dikas har bolepangre, palmtikre ruka un blume.

1. Familjakro liil 17:1

Har kanna o David an peskro kheer djiwas, penas lo ap o Debleskro rakepaskro, o Natan: “Me djiwau an i kheer dran zedertikro kasht, un o mochton, kai i deesh laba o baro Deblestar dren hi, hi tardo an i plachteno kheer. Hi kowa mishto?”

1. Familjakro liil 21:29

An ko tsiro his o Debleskro plachteno kheer un koi sasterni chatchepaskri ap i berga Gibeon. Kowa his ko kheer, hoi kras o Mose, har his i Israelitarja an o mulo tato them.

2. Mose 25:18

Kre ninna dui bolepangre, hakeno dran jek kotar sonakai. Un tchip ko jek glan ap o pralstuno kotar un ko wawar palla ap o pralstuno kotar!

2. Mose 25:4

ninna kutch bakrengro bal, hoi blaueto, lolo un lolo har jag kerdo was, latcho laintikro than un busjengre balla.

2. Mose 25:8

Kamau lendar, te krenn le mange i kheer, te djiwap nai mashkral lende.

2. Mose 26:2

Kre haki plachta 14 (deesh-te-star) metarja baro un dui metarja buchlo.

2. Mose 26:31

Muk ninna i kotar latcho sorelo laintikro than te krell, kai ninna kutch bakrengro bal dren hi. Kowa hi blaueto, lolo un lolo har jag. An ko kotar than wenn bolepangre dren sido an shukar wastengri budi.

2. Mose 26:36

Kre ninna i plachta, hoi well an ko wudar, kai weh dren an o kheer. Kre lat an shukar wastengri budi dran latcho sorelo laintikro than, kai ninna kutch bakrengro bal dren hi, hoi blaueto, lolo un lolo har jag kerdo was.

2. Mose 31:7

O Debleskro plachteno kheer, o mochton, kai o Debleskre deesh laba dren hi, o pralstuno kotar koi pre, hoi sikrella, kai o Dewel latcho ap peskre menshende hi, ninna o tselo wawar koowa, hoi an o kheer well:

2. Mose 35:11

ko Debleskro plachteno kheer peskre plachtentsa, peskre rikepangre, tchinle kashta, pandepangre kashta un pesse kashta ap herja;

2. Mose 35:35

O baro Dewel das kol dujen, o Bezalel un o Oholiab, o goswepen, te haiwenn le mishto sonakaskro koowa te krell, ninna shukar plachte dran latcho laintikro than un dran kutch bakrengro bal, hoi blaueto, lolo un lolo har jag kerdo was. Ninna nai siwenn le shukar koowa an kol kotja than. Jaake nai krenn le haki budi, un haiwenn, an pengro shero glan-wi te dikell, har te krenn le lat.

2. Mose 35:6

bakrengro bal, hoi blaueto, lolo un lolo har jag kerdo was, latcho laintikro than un busjengre balla.

2. Mose 36:35

Un jon kran i kotar latcho sorelo laintikro than, kai kutch bakrengro bal dren hi. Kowa hi blaueto, lolo un lolo har jag. An ko kotar than wan bolepangre dren sido an shukar wastengri budi.

2. Mose 39:3

Jon dan sonakangre kotja khetne, te wenn le sano, un tchinan len an tikne thaba, te nai siwenn le len an o latcho laintikro than un mank o bakrengro bal, hoi blaueto, lolo un lolo har jag kerdo was. Kowa was an latcho wastengri budi kerdo.

2. Mose 40:2

Tchip o Debleskro plachteno kheer pre ap o ersto diwes an o ersto tchon.

4. Mose 3:25

Lengri budi pash o Debleskro kheer hi, te denn le garda ap kowa, hoi win ap o kheer hi: kol plachte, hoi tchakrenn o kheer, koi plachta an o khereskro wudar,

4. Mose 4:25

Jon hidjrenn kol plachte, hoi tchakrenn o Debleskro kheer, koi telstuni laintikri plachta, koi plachta dran bakrengro bal, hoi well koi pre un koi latchi ledertikri plachta, hoi well pral pre tchiddo. Ninna hidjrenn le ko kutch kotar than, hoi an ko wudar hi an o Debleskro kheer,

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Johanni 2:21

Har rakras o Jesus pral o Debleskro kheer, rakras lo pral peste kokres.

Hebrearja 8:2

Kote budrell lo o Debleske an o tchatcho Debleskro kheer, hoi kras o Dewel, un kek mensho.

Hebrearja 9:2

Ko Debleskro kheer his i tikno kheer, kerdo dran viechengre balla, hoi hidjran le nai. Koles his dui iseme. I glanstuni isema kharella: O Debleskri isema. I palstuni isema kharella: O Debleskri kutch isema. An i glanstuni isema his i momelengri un i chapaskri tardo. Ap i chapaskri his kol mare tchiddo, hoi dan le o Debleste. Mashkral kol dui iseme his i wudar dran kutch pesso than.

Hebrearja 9:9

I glanstuni isema sikrell mende ko tsiro, an hoi mer kanna djiwah. I menshe anenn viechen, un wawar koowa o Debleske. Kowa lauter nai krell lengro dji gar djudjo. An lengro dji haiwenn le, te hi le gomme tchilatcho.

Debleskro tsiro 19:8

Un joi las i shukar ripen dran djudjo parno than. Ko latcho parno ripen hi o tchatcho koowa, hoi o Debleskre menshe kran.

Debleskro tsiro 21:3

Un me shunom i sorelo rakepen. Kowa was kotar, kai o Debleskro beshepaskro tardo hi, un kowa penas: “Dikenn, o Debleskro kheer hi pash i menshende! Job djiwell pash lende. Un jon hi leskre menshe. Un o Dewel hi lengro Dewel kokres, un hi pash lende.”