2. Mose 25:40 - O Debleskro Drom 2021 (Sinte)

⁴⁰ Un tu kress lat jaake, har kowa tuke ap i berga sikedo was.

O Debleskro Lab 2024 (Sinte-Manouche)

⁴⁰ Oun tou kress lat yaake, har kova touke ap i berga sikedo vas.

2. Mose 25:40 ပူးပေါင်းရင်းမြစ်များ

1. Familjakro liil 28:11

Un o David das peskro tchawes, o Salomo, i liil, kai pre tardo hi, har te krell lo o Debleskro baro kheer: o wudareskri isema, kol glanstune halle, kol iseme, kai tchomone pre garedo well, kol pralstune iseme, ninna kol iseme, kai dren hi, un koi isema, kai o mochton o Debleskre deesh labentsa dren well.

1. Familjakro liil 28:19

Kowa lauter hi pre tchinlo an i liil, jaake har sikras o baro Dewel o Davideste, har kau kheer kerdo hunte well.

2. Familjakro liil 4:7

Un job kras deesh sonakangre momelengre jaake, har leske penlo was, un tchiwas len an o Debleskro baro kheer, pantch ap i tchatchi rig un pantch ap i serwi rig.

2. Mose 25:39

Tut hunte well 35 (trijanda-te-pantch) kilogramme latcho sonakai, te kress kai momelengri peskre tsele koola.

2. Mose 25:9

Jaake har me les tut kanna sikrau, jaake krenn tumer o kheer, ninna ko tselo koowa, koleha budrenn le an miro kheer. Krenn lauter jaake, har me les tut sikrau.

2. Mose 26:30

Dran kol tsele kotja tchiwess tu ko kheer jaake pre, har sikrom tuke ap i berga.

2. Mose 27:8

Dran tchinle kashta well o Debleskri chatchepaskri kerdo – dren well tchi, jaake har les tute ap i berga sikedo was.

2. Mose 31:11

ninna ko makepaskro djet, hoi ap kowa maklo well, hoi o Debleske hi; un ko kutch sungepaskro koowa, hoi chatchedo wella an o Debleskro kheer. Kowa lauter krenn le jaake, har me les tuke penom.

2. Mose 36:2

O Mose kharas o Bezalel un o Oholiab pash peste, ninna kol tsele wawaren, kai o baro Dewel goswepen an lengro dji das un wasta, te budrenn le mishto, un kai wan pendar, te krenn le koi budi.

4. Mose 8:4

Koi momelengri his dran jek kotar latcho sonakai, leskro mashkralstuno kotar un kol blumtikre mussja. Jaake har o baro Dewel les o Moseste sikras, kran le koi momelengri.

Bičepangre 7:44

O Stefano penas dureder: Mare phuren his o Debleskro tikno kheer, hoi his kerdo dran viechengre balla, un hidjran les lentsa, har djan le an o mulo them trujel. Kau kheer kran le jaake, har o Dewel kowa o Moseste ap i berga sikras.

Hebrearja 8:5

Ko kheer, kai jon budrenna, un kowa, hoi jon krenna, sikrell men i tikno kotar dran koi tseli budi, hoi krell maro baro rashai, o Jesus Kristo, an o bolepen. Kowa dikah kanna gomme gar lauter. Har kras o Mose o Debleske i kheer dran viechengre balla an o mulo them, penas o Dewel leske, har te krell lo les un penas: Kowa lauter, hoi tu kreh, kre jaake, har me sikrom les tute ap i berga!

Josua 22:28

Un mer penam menge: Te rakrens le jaake ap mende un ap mare tchawende, palle nai penah mer: ‘Dikenn kau altaro o baro Deblestar! Mare phure kran les, te sikrenn le, te ham mer ninna o baro Debleskre menshe. Jon kran les gar, te wenn ap leste vieche chatchedo, witar gar te chas mer kate khetne glan o Debleste.’