2. Mose 25:31 - O Debleskro Drom 2021 (Sinte)

³¹ Un tu kress i momelengri dran jek kotar latcho sonakai. Lakre tsele kotja, o piro un o mashkralstuno kotar, ninna i tchare un i blume, hoi koi pre hi, lauter well kerdo dran jek kotar sonakai. Hi sawe blume koi pre, hoi hi pandlo un wawar, hoi hi pre.

O Debleskro Lab 2024 (Sinte-Manouche)

³¹ Oun tou kress i momelengri dran yek kotar lačo sonakay. Lakre tsele kotya, o piro oun o mashkralstouno kotar, ninna i čare oun i bloume, hoy koy pre hi, lauter vell kerdo dran yek kotar sonakay. Hi save bloume koy pre, hoy hi pandlo oun vavar, hoy hi pre.

2. Mose 25:31 ပူးပေါင်းရင်းမြစ်များ

1. Rajengro liil 6:18

Fun dren his ko tselo kheer zedertikro kashteha win tchiddo. Kek bar nai was diklo. Un an o kasht his rukengre un shukar blume dren tchinlo.

1. Rajengro liil 7:24

Un pral trul ko thopaskro tcharo his figure har patria, deesh figure ap i paash metari. Kolla djan dui kope trul o tcharo, un his khetne ko tchareha dran lolo saster an jek kotar kerdo.

1. Rajengro liil 7:49

pantch momelengre, hoi tardo wenn ap i tchatchi rig un pantch momelengre, hoi tardo wenn ap i serwi rig glan o Debleskri kutch isema – kolla his dran djudjo sonakai; i sonakangre blume ap kol momelengre; i momlia; i tchinepangre, kolentsa i dorja an i momlia tele tchinlo wenna;

1. Familjakro liil 28:15

un har pharo hake sonakangre momelengre un lengre momlia hunte wenn, ninna har pharo hake rupene momelengre un lengre momlia hunte wenn. Kol momelengre his gar emligo baro.

2. Familjakro liil 13:11

Haki taissarla un haki rat chatchrenn le viechen o baro Debleske, un koi pashel latcho sungepaskro koowa, un tchiwenn leske mare ap i chapaskri dran djudjo sonakai. Un haki rati chatchenn le i momlia an ap koi sonakaskri momelengri. Jaake rikrah men ap o baro Debleskre laba. Maro Dewel hi lo, koles tumer mukan.

2. Familjakro liil 4:20

i momelengre un lengre momlia, hoi tardo wenn glan o Debleskri kutch isema, jaake har glan-tchinlo hi – kolla his dran djudjo sonakai;

2. Familjakro liil 4:7

Un job kras deesh sonakangre momelengre jaake, har leske penlo was, un tchiwas len an o Debleskro baro kheer, pantch ap i tchatchi rig un pantch ap i serwi rig.

2. Mose 25:34

Dran o mashkralstuno kotar wenn star tchare win, hoi win dikenna har mandeltikre blume. Ap kolende hi blume, hoi hi pandlo un ninna sawe, hoi hi pre.

2. Mose 25:36

Koi tseli momelengri peskre mussjentsa un blume well kerdo dran jek kotar latcho sonakai.

2. Mose 31:8

i chapaskri un lauter, hoi pre hi, i sonakaskri momelengri un lauter, hoi pashel hi, o Debleskro sonakaskro bob, kai kutch sungepaskro koowa pre chatchedo wella,

2. Mose 35:14

koi momelengri un lauter, hoi pashel hi, lakre momlia un lakro djet;

2. Mose 39:37

koi momelengri dran latcho sonakai un lakre momlia un lauter, hoi pashel hi, un lakro djet;

3. Mose 24:4

O Aron hunte dell jak ap i momlia ap i sonakaskri momelengri, te chatchenn le hako tsiro glan o baro Debleste.

Zakarie 4:2

un penas ap mande: “Hoi dikeh?” Me penom: “Me dikau i momelengri kerdi dran sonakai. Ap late hi i tcharo. Koi pre hi efta momlia, hakeni i mujeha.

4. Mose 3:31

Un jon hunte denn garda ap ko sonakaskro mochton, koi chapaskri, koi momelengri, o Debleskro sonakaskro bob un o Debleskri sasterni chatchepaskri, kai vieche chatchede wenna. Ninna denn le garda ap i tselo Debleskro koowa an leskro kheer, koleha jon budrenna, ninna ap koi plachta mank kol dui iseme un ap halauter, hoi koi pashel hi.

4. Mose 4:10

Trul kowa halauter tchiwenn le i latchi ledertikri plachta, un tchiwenn kowa ap i hidjepaskre kashta.

4. Mose 4:9

Un jon hunte lenn i blaueti plachta un tchiwenn koja trul koi momelengri un lakre momlia, ninna trul i tchinepangre, kolentsa i dorja an i momlia tele tchinlo wenn, ninna trul i jagakre tchare un i djeteskre khore, hoi koi pashel hi.

4. Mose 8:1

Un o baro Dewel rakras o Moseha un penas:

4. Mose 8:4

Koi momelengri his dran jek kotar latcho sonakai, leskro mashkralstuno kotar un kol blumtikre mussja. Jaake har o baro Dewel les o Moseste sikras, kran le koi momelengri.

Hebrearja 9:2

Ko Debleskro kheer his i tikno kheer, kerdo dran viechengre balla, hoi hidjran le nai. Koles his dui iseme. I glanstuni isema kharella: O Debleskri isema. I palstuni isema kharella: O Debleskri kutch isema. An i glanstuni isema his i momelengri un i chapaskri tardo. Ap i chapaskri his kol mare tchiddo, hoi dan le o Debleste. Mashkral kol dui iseme his i wudar dran kutch pesso than.

Debleskro tsiro 1:12

Un me rissrom man trujel, te dikap koles, kai ap mande rakras. Un har rissrom man trujel, dikom efta sonakangre momlia.

Debleskro tsiro 1:20

Me kamau te haiwess, hoi kol efta bolepangre momlia hi, hoi tu an miro tchatcho wast dikal. Te haiwess ninna, hoi kol sonakangre momlia hi! Kol efta bolepangre momlia hi o Debleskre budepangre, kai denn jak ap i patslende, kai an i efta forja khetne wenna. Un i efta sonakangre momlia hi i patsle, kai wenna khetne an i efta forja.”

Debleskro tsiro 2:5

Mukenn tumenge kowa an o shero te djal, har dur tumer mandar tele peran. Awenn pale o tselo djijeha pash mande! Djiwenn ko djipen, hoi djiwan, har tumaro patsepen ap mande terno his. Te krenn kowa gar, palle wau, un lau tumari momeli krik, un tchiwrau lat ap i rig.

Debleskro tsiro 4:5

Un kotar, kai ko rajeskro beshepaskro hi, das jag karje pral un tele, un was i bari gole win, har koi gole, hoi o bolepen krella, te dell baro brishin un te djal jag tele ap i phub. Un glan o rajeskro beshepaskro chatchan efta jaga. Kol efta jaga hi o Debleskro Ducho.

1. Samuel 3:3

Ninna o Samuel sowas un his tchiddo an o baro Debleskro kheer pash ko mochton, kai o Debleskre deesh laba dren hi. Un i Debleskri momeli his gomme gar win.