2. Mose 25:30 - O Debleskro Drom 2021 (Sinte)

³⁰ Ap i chapaskri wenn hako tsiro i Debleskre mare tchiddo, te dikap len.

O Debleskro Lab 2024 (Sinte-Manouche)

³⁰ Ap i rhapaskri venn hako tsiro i Debleskre mare čiddo, te dikap len.

2. Mose 25:30 ပူးပေါင်းရင်းမြစ်များ

1. Rajengro liil 7:48

Ninna mukas o Salomo ko tselo koowa te krell, hoi hunte well tardo an o baro Debleskro kheer: o sonakaskro bob; o sonakaskri chapaskri, kai o Debleskre mare pre tchiddo wenn;

1. Familjakro liil 23:29

Lengri budi his, te dikenn le pal o Debleskre mare, pal ko latcho jarro, hoi leske chatchedo well, un pal o maro, hoi kek shutlo jarro dren hi, un pal o peklo chapen, kai djet dren hi. Ninna hunte dikenn le, kai kol barra, hoi ap waga tchiddo wenn, o tchatcho pharepen sikrenn, un kol kashta, hoi o lengstepen sikrenn, kowa tchatches krenna.

1. Familjakro liil 9:32

Lengre phrala, kolla kai wan dran o kheer Kohat, lendar his sawe koi, kai hunte dan jak, te wan hako Debleskro diwes newe mare ap i chapaskri tchiddo an o Debleskro kheer.

2. Familjakro liil 13:11

Haki taissarla un haki rat chatchrenn le viechen o baro Debleske, un koi pashel latcho sungepaskro koowa, un tchiwenn leske mare ap i chapaskri dran djudjo sonakai. Un haki rati chatchenn le i momlia an ap koi sonakaskri momelengri. Jaake rikrah men ap o baro Debleskre laba. Maro Dewel hi lo, koles tumer mukan.

2. Familjakro liil 2:3

Dik, kanna kamau me i kheer miro baro Debleske te krell, – i kheer, hoi leske hi, kai nai mangah les an, un nai chatchrah latcho sungepaskro koowa glan leste, un tchiwah hako tsiro maro glan leste win, un chatchrah viechen leske taissarlake un rati, ninna ap o Debleskro diwes, un ap ko diwes, kai o newo tchon diklo well, un ap wawar bare diwessa, te sharas maro baro Debles. Job penas menge, te kras mer kowa hako tsiro.

2. Familjakro liil 2:4

Un ko kheer, hoi me kamau te krell, hunte well baro; maro Dewel hi bareder har hako wawar dewel.

2. Mose 35:13

koi chapaskri i kashtentsa hidjepaske un lauter, hoi pashel hi, ninna i Debleskre mare;

2. Mose 39:36

koi chapaskri un lauter, hoi pashel hi, ninna i Debleskre mare;

2. Mose 40:23

un tchiwas o Debleskre mare pre glan o baro Debleste. Job kras kowa jaake har o baro Dewel leske penas.

2. Mose 40:4

An ninna koi chapaskri dren un tchip i Debleskre mare pre! Ninna koi momelengri tchip an o kheer, un tchip i momlia pre.

Ezekiel 41:22

Koi his tchomone tardo, hoi win dikas har i kashteno altaro. Kowa his 1,50 (jek-te-paash) metari baro, un jek metari lengsto un jek metari buchlo. Un leskre ekke, leskro piro un leskre rigja his dran kasht kerdo. Un ko mursh penas ap mande: Kawa hi koi chapaskri, hoi glan o baro Debleste tardo hi!

Maleachi 1:12

Tumenge hom tchi moldo, te penenn tumer: ‘Koi chatchepaskri o baro Deblestar hi tchi moldo. Anas leske tchomone, hoi ninna tchi moldo hi!’

Maleachi 1:7

Koi pre penau me: ‘Tumer anan ap o Debleskri chatchepaskri pale-tchiddo mass’, un putchenn: ‘Hoi anam tuke, hoi pale-tchiddo his?’ Tumer krenn har te wals miri chatchepaskri tchi moldo.

4. Mose 4:7

Un pral i chapaskri, kai o Debleskro maro pre tchiddo well, hunte tchiwenn le ninna i blaueti plachta. Un koi pre tchiwenn le kol pirja un roja, kol tchare un khore, kai i mool o Debleske dren wella. Ninna o Debleskro maro hunte well koi pre tchiddo.

Mateo 12:4

Job djas an o Debleskro kheer, un chas o Debleskro maro, job un kolla, kai pash leste hi. Pal i biboldengro tchatchepen his i mare i rashajenge kokres koi.

Hebrearja 9:2

Ko Debleskro kheer his i tikno kheer, kerdo dran viechengre balla, hoi hidjran le nai. Koles his dui iseme. I glanstuni isema kharella: O Debleskri isema. I palstuni isema kharella: O Debleskri kutch isema. An i glanstuni isema his i momelengri un i chapaskri tardo. Ap i chapaskri his kol mare tchiddo, hoi dan le o Debleste. Mashkral kol dui iseme his i wudar dran kutch pesso than.

1. Samuel 21:4

De man pantch mare, te hi le tut, oder kowa, hoi tut pash o wast hi, hoi man ap o sikepen nai deh.”

1. Samuel 21:5

Un o rashai penas ap o David: “Man hi kek maro, kokres ko maro, hoi o Debleske hi. Kowa nai dau tumende, te tapran kol mursha, kai pash tute hi, kek djuwjat an!”

1. Samuel 21:6

O David penas ap o rashajeste: “Men his kek djuwel taissar un ko diwes glan, har mer win djam. Ninna te djam gar an o kurepen o Debleske, his i terne mursha jaake, te nai dikas o Dewel latches ap lende. Doleske hi le kowa tchatchepah kau diwes budeder har glan kowa.”