2. Mose 25:22 - O Debleskro Drom 2021 (Sinte)

²² Kote kamau pash tute te well. Mashkral kol dui bolepangre, hoi ap o mochton hi, kai i deesh laba dren hi, kotar rakrau tuha un penau tuke lauter, hoi i Israelitarja hunte krenn.

O Debleskro Lab 2024 (Sinte-Manouche)

²² Kote kamau pash toute te vell. Mashkral kol douy bolepangre, hoy ap o morhton hi, kay i deesh laba dren hi, kotar rakrau touha oun penau touke lauter, hoy i Israelitarya hounte krenn.

2. Mose 25:22 ပူးပေါင်းရင်းမြစ်များ

1. Mose 18:33

Un o baro Dewel heras pre, te rakrell lo o Abrahameha un djas peske. Un o Abraham djas pale khere.

2. Samuel 6:2

Un djas lentsa an o foro Baala, an ko them Juda, te anell job kotar o Debleskro mochton win, kai o Debleskre deesh laba dren hi. Ko mochton was kharedo pal o baro Debleste, ko rajeste pral o bolepen un i phub. Kowa hi beshdo pral i bolepangre, kai kharenna Cherubim.

2. Rajengro liil 19:15

un mangas o baro Debles un penas: “Baro Dewel, kai hal o Israeleskro Dewel, tu hal pral i bolepangre beshdo. Tu kokres hal o Dewel pral i tsele themma ap kai phub. Tu hal, kai kral o bolepen un i phub.

1. Familjakro liil 13:6

Un o David djas i tsele Israelentsa pral an o foro Baala. Kawa hi i wawar lab o foreske Kirjat-Jearim, un hi an o them Juda tchiddo. Kote his o mochton tardo o baro Deblestar, kai beshdo hi pral i bolepangre, kai kharenna Cherubim, un kai well job an-mangedo.

Debleskri gili 80:1

I gili o rajeske pral i gipangre, te giwell pash o bashepen ap i shob-dorjengri bashepaskri. Kai gili kras o Asaf.

Debleskri gili 80:2

Shun ap mende, tu, kai deh jak ap i Israelende. Har i bakrengro jak dell ap peskre bakre, deh tu jak ap o Josefeskre tchawende. Tu, kai hal beshdo pral i cherubim, ab, un sike tut

Debleskri gili 90:1

O mangepen o Mosestar, ko Debleskro murshestar. Baro Dewel, maro rai, tu hal kowa, pash koleste nai wah un khere ham.

Debleskri gili 99:1

O baro Dewel hi o baro rai. Job hi beshdo pral i Cherubim. Lestar darella i phub, un hake themma trissenna.

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

2. Mose 30:36

Palle kre les tiknes, jaake tiknes har djala, un tchip ninna lestar glan ko mochton, kai o Debleskre deesh laba dren hi, an o Debleskro plachteno kheer, kote, kai wau me pash tute. Denn jak! Kau sungepaskro koowa, hoi tumer o Debleske kran, hi leske kokres!

2. Mose 30:6

Tchip o sonakaskro bob glan o wudar dran o kutch kotar than. Pal ko wudar hi o mochton, kai o Debleskre deesh laba dren hi, un kai o pralstuno kotar pre hi, hoi sikrella, kai o Dewel peskre menshenge latcho hi.

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

2. Mose 31:6

Shun, me rodom ninna i wawares win, te djal lo leske pash o wast. Kowa hi o Oholiab. Leskro dad hi o Ahisamach, dran o kheer Dan. Lentsa budrenn hake wawar, kai haiwenn mishto lengre wastentsa te budrell. Lenge dom me o goswepen an o dji, te krenn le lauter jaake, har me tuke penom:

Jesaja 37:16

“Baro Dewel, tu rai pral o bolepen un i phub, tu hal o Israeleskro Dewel, un hal pral i bolepangre beshdo. Tu kokres hal o Dewel pral i tsele themma ap kai phub. Tu kral o bolepen un i phub.

Ezekiel 43:6

Un ko mursh his tardo pash mande. Un dran o kheer win shunom jekes, kai mantsa rakras.

3. Mose 1:1

Un o baro Dewel das o Moses gole, un rakras dran o Debleskro plachteno kheer win un penas:

3. Mose 16:2

Pen tiro phraleske, o Aroneske, te djal lo gar hako tsireske an o kutch isema an o Debleskro kheer, te merell lo gar. An koi isema, hoi pal ko kotar than hi, sikrau me man an i wolka pral ko sonakaskro pralstuno kotar, hoi ap o mochton tchiddo hi, kai mire deesh laba dren hi.

4. Mose 17:4

Un o rashai Eleasar las kol sasterne pirja, hoi anan kolla, kai his djides chatchedo, un das i pirja buchlo, te wenn le trul o Debleskri chatchepaskri dino,

4. Mose 7:89

Un har o Mose an o Debleskro kheer djas, te rakrell job leha, koi shunas job leskro rakepen, hoi was kotar, kai o sonakaskro mochton hi, an leste o Debleskre deesh laba hi. Ko rakepen was mashkral kol dui bolepangre win, kai ap o pralstuno kotar hi, hoi ap ko mochton hi, un hoi sikrella, kai o Dewel peskre menshenge latcho hi. Un job rakras leha.

Čačepangre 20:27

An ko tsiro his o Debleskro mochton, kai o Debleskre deesh laba dren his, koi tardo. Un o Pinhas his o rashai, kai kote o Debleske budras. Leskro dad his o Eleasar. Kowa his i tchawo o Aronestar. Un i Israelitarja putchan o baro Debles: “Djas mer gomme jek kopo pre, te kuras men mare phralentsa, i Benjaminentsa?” O baro Dewel penas: “Djan pre! Taissar dau len an tumare wasta!”

1. Samuel 4:4

Un jon bitchran murshen an Shilo, un mukan ko mochton pash pende te anell, an koleste i deesh laba hi o baro Deblestar, kai hi o rai pral o bolepen un i phub, un hi beshdo pral i bolepangre. Un kol dui tchawe o Eljestar, o Hofni un o Pinhas djan o mochtoneha.