2. Mose 25:20 - O Debleskro Drom 2021 (Sinte)

²⁰ Jon hadenn pengre mussja pre, jaake te tchakrenn le o pralstuno kotar. Un lengre shere dikenn pen an. Un lengre jaka dikenn tele ap o pralstuno kotar.

O Debleskro Lab 2024 (Sinte-Manouche)

²⁰ Yon hadenn pengre moussya pre, yaake te čakrenn le o pralstouno kotar. Oun lengre shere dikenn pen an. Oun lengre yaka dikenn tele ap o pralstouno kotar.

2. Mose 25:20 ပူးပေါင်းရင်းမြစ်များ

1. Mose 28:12

Koi das lo suni: Job dikas i treppa ap i phub tardo. Koja djas bis an o bolepen. Un o Debleskre bolepangre djan pre un tele.

1. Rajengro liil 6:23

Un job mukas dui bolepangre te krell, te wenn le an kai kutch isema tardo. Kolla his pantch metarja baro un his kerdo dran olivtikro kasht.

1. Rajengro liil 6:27

Un o Salomo tchiwas len mashkral an i kutch isema, jek langs i wawar. Un lengre mussja his jaake buchles, te djas koi mussi jekestar bis ap koi jek massuri un koi mussi o wawarestar bis pash koi wawar massuri. Mashkralstunes wan i mussja khetne.

1. Rajengro liil 8:7

Kal Cherubim kran pengre mussja buchles pral koi platsa, kai o mochton tardo his, un tchakran jaake o mochton un leskre hidjepangre kashta.

1. Familjakro liil 28:18

un har bud sonakai o Debleskro sonakaskro bobeske, un o wurdineske, kai o Debleskro mochton pre tchiddo well. Ap leste his sonakangre bolepangre, kai hadenn pengre mussja pral o baro Debleskro mochton.

2. Familjakro liil 3:10

Un job mukas ninna dui bolepangre te krell, hoi kharenn Cherubim, te wenn le an kai kutch isema tardo. Kolla his shukar kerdo un pral-maklo o sonakajeha.

2. Mose 25:18

Kre ninna dui bolepangre, hakeno dran jek kotar sonakai. Un tchip ko jek glan ap o pralstuno kotar un ko wawar palla ap o pralstuno kotar!

Ezekiel 1:20

Kote kai kaman le te djal, kote djan le. Un kol rade hadan pen lentsa. I rade kran, hoi i bolepangre kaman.

Ezekiel 28:14

Tu hals har i sorelo bolepaskro, kai dell jak. Un ap miri Debleskri berga tchiwom tut. Mank kutch barra, hoi dikan win har jag, djal tu trujel.

Mateo 24:31

Un job bitchrell peskre bolepangren pral i tseli phub. Un kolla phurdenn an i bashepangre, te anenn le dran hako them kolen khetne, kai o Dewel peske win rodas.

Johanni 1:51

Kowa hi tchatcho, hoi me tumenge penau: Tumer dikenn har o bolepen pre djala. Un o Debleskre bolepangre djan pral un wenn pale tele ap o Menshengro Tchaweste.”

1. Korintarja 11:10

Doleske hunte tchakrell i romni peskro shero, te dikenn i bolepangre, kai lakro rom o pralstuno pral late hi.

1. Korintarja 4:9

Mer, kai ham o Jesus Kristeskre bitchepangre, menge hi jaake, har te anals men o Dewel kote, kai ham tchi moldo an i menshengre jaka. Mer ham har i kurepangre, kai hunte kurenn pen, bis te wenn le mulo dino. Un i menshe un i bolepangre dikenn kowa.

Efesarja 3:10

Kanna dikenn i raja un i pralstune an o bolepen, har baro o Debleskro goswepen hi. Kowa dikenn le ap kowa, hoi job i patslenge kras.

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

Hebrearja 9:5

Pral pre ap o sonakaskro mochton his dui raile bolepangre dran sonakai tardo. Kolen his mussja har bare tchirklen hi. Pengre mussja rikran le pral o sonakaskro mochton. Kote well i menshengri doosh krik lino. Kanna kamah gar te rakras pral hako tikno koowa an o Debleskro tikno kheer.

1. Petro 1:12

Kol Debleskre rakepangre haiwan, kai kowa gar lenge kokres hi, hoi len o Dewel sikras. Kowa hi tumenge, kai kanna djiwenna. Tumenge was o latcho lab o Jesus Kristestar penlo. Kolla, kai penan les tumenge, rakran kowa, hoi penas lenge o Debleskro Ducho. Koles bitchras o Dewel dran o bolepen. Ninna i bolepangre kamenn o Jesuseskro railepen te dikell.