2. Mose 25:2 - O Debleskro Drom 2021 (Sinte)

² Pen ap i Israelitarja: Hakeno, hoi les an o dji chatchella, te dell lo man pestar tchomone, kowa anell les pash tumende.

O Debleskro Lab 2024 (Sinte-Manouche)

² Pen ap i Israelitarya: Hakeno, hoy les an o dji rhačella, te dell lo man pestar čomone, kova anell les pash t'mende.

2. Mose 25:2 ပူးပေါင်းရင်းမြစ်များ

Esra 1:6

Un halauter, kai trul lende trujel djiwan, kran lengre wasta soreles un dan len rup, sonakai, wawar latcho un kutch koowa un vieche, ninna wawar koowa, hoi jon len dran pengro kamlepen dan.

Esra 2:68

Un har i pralstune pral pengre familjen pash o baro Debleskro kheer an o foro Jerusalem wan, dan jon pendar lowe, te nai well o Debleskro kheer pre-tchiddo kote kai lo tardo his.

Esra 3:5

Pal ko tsiro anan le hako diwes kol viechen, kai wan taissarlake un ratsjake chatchedo o baro Debleske. Un ninna ap hako newo tchon un ap i wawar bare diwessa anan le viechen o baro Debleske. Un dan ninna kowa, hoi jek pestar kamas te dell o baro Debleste.

Esra 7:16

Le ninna ko tselo rup un sonakai, hoi nai leh khetne an o tselo them Babilonia, un koi pashel hoi kol menshe un i rashaja pendar kokres kamenn te dell o khereske lengro Deblestar an Jerusalem.

Nehemia 11:2

Un i menshe rakran i bacht pral kolende win, kai kaman an o Jerusalem te djan, te djiwenn le koi.

Debleskri gili 110:3

Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

2. Mose 25:1

Un o baro Dewel rakras o Moseha un penas:

2. Mose 25:3

Kawa hi ko koowa, hoi jon tumenge anenna: Sonakai, rup, un lolo saster,

4. Mose 18:24

Kowa, hoi i Israelitarja mange anenna, ko deshto kotar lauterestar, hoi ap lengre phub bares was, kowa dau me kol Levitarjen. Kowa hi lengro brawlepen. Doleske penom me ap lende, te well len kek kotar phub, har kol wawar Israelitarja lenna.

2. Korintarja 9:7

Hakeno hunte dell jaake bud lowe, har leskro dji leske penella. Les hunte khaitell kowa gar, hoi job das! Job dell kowa pestar un gar, har te kaman le les lestar. O Dewel kamell kol menshen, kai denn o djijestar.

Čačepangre 5:9

Miro dji hi i pralstunenge an Israel, un i lurdentsa, kai pendar win djan an o kurepen. Kolenge parkrenn tumen pash o baro Debleste!