2. Mose 25:17 - O Debleskro Drom 2021 (Sinte)

¹⁷ Kre i pralstuno kotar dran latcho sonakai, hoi tchiweh ap o mochton. Ko pralstuno kotar well 125 (sheel-biish-te-pantch) centimetarja lengsto un 75 (efta-deesh-te-pantch) centimetarja buchlo.

O Debleskro Lab 2024 (Sinte-Manouche)

¹⁷ Kre i pralstouno kotar dran lačo sonakay, hoy čiveh ap o morhton. Ko pralstouno kotar vell 125 (sheel-biish-te-panč) centimetarya lengsto oun 75 (efta-deesh-te-panč) centimetarya bourhlo.

2. Mose 25:17 ပူးပေါင်းရင်းမြစ်များ

1. Familjakro liil 28:11

Un o David das peskro tchawes, o Salomo, i liil, kai pre tardo hi, har te krell lo o Debleskro baro kheer: o wudareskri isema, kol glanstune halle, kol iseme, kai tchomone pre garedo well, kol pralstune iseme, ninna kol iseme, kai dren hi, un koi isema, kai o mochton o Debleskre deesh labentsa dren well.

2. Mose 25:18

Kre ninna dui bolepangre, hakeno dran jek kotar sonakai. Un tchip ko jek glan ap o pralstuno kotar un ko wawar palla ap o pralstuno kotar!

2. Mose 26:34

Un ap o mochton, kai o Debleskre deesh laba dren hi, tchip ko pralstuno kotar, hoi sikrella, kai o Dewel peskre menshenge latches hi.

2. Mose 35:12

ko sonakaskro mochton i kashtentsa hidjepaske, o pralstuno kotar koi pre, un ko kutch kotar than, hoi mank i dui iseme pandlo well;

2. Mose 37:6

Un job kras o pralstuno kotar, hoi tchakrell o mochton dran latcho sonakai. Kowa his 125 (sheel-te-biish-te-pantch) centimetarja lengsto un 75 (efta-desha-te-pantch) centimetarja buchlo.

2. Mose 40:20

Un job las i barra, kai o Debleskre deesh laba dren tchinlo hi, un tchiwas len an o sonakaskro mochton, un tchiwas i hidjepaskre kashta an i gustria ap o mochton. Un pral ap o sonakaskro mochton tchiwas lo o pralstuno kotar, hoi sikrella, kai o baro Dewel peskre menshenge latcho hi.

Ezekiel 28:14

Tu hals har i sorelo bolepaskro, kai dell jak. Un ap miri Debleskri berga tchiwom tut. Mank kutch barra, hoi dikan win har jag, djal tu trujel.

Remarja 3:25

O Dewel bitchras les, te merell lo ap o trushel kolenge, kai ap leste patsenna. Leskro rateha, hoi job ap o trushel ratas, thowas o Dewel mari doosh mendar krik. Jaake dikah, o Dewel hi latcho un tchatcho un lell i menshendar lengri doosh krik.

Hebrearja 4:16

Dran kowa was mer glan maro latcho Debleste. Koles hi i baro dji menge, te dell lo men peskri soor ap ko tsiro, kai hunte las mer leskri soor.

Hebrearja 9:5

Pral pre ap o sonakaskro mochton his dui raile bolepangre dran sonakai tardo. Kolen his mussja har bare tchirklen hi. Pengre mussja rikran le pral o sonakaskro mochton. Kote well i menshengri doosh krik lino. Kanna kamah gar te rakras pral hako tikno koowa an o Debleskro tikno kheer.

1. Johanni 2:2

Job kokres las mari doosh mendar, un las lat ap peste, har job menge ap o trushel meras. Gar mari doosh kokres las lo ap peste. Na-a, job las ninna i doosh i tsele menshendar ap kai phub ap peste.