2. Mose 25:16 - O Debleskro Drom 2021 (Sinte)

¹⁶ An ko mochton tchip kol dui barra kol deesh labentsa, hoi me tut dau.

O Debleskro Lab 2024 (Sinte-Manouche)

¹⁶ An ko morhton čip kol douy barra kol deesh labentsa, hoy me tout dau.

2. Mose 25:16 ပူးပေါင်းရင်းမြစ်များ

1. Rajengro liil 8:9

Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

2. Rajengro liil 11:12

Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Un tchoras djet pral leskro shero, te well lo baro rai. Koi dan le halauter an i wasta un dan gole: O baro rai te djiwella!

2. Familjakro liil 23:11

Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Palle tchoran o Jojada un leskre mursh tchawe djet pral leskro shero, te well lo baro rai, un dan gole: O baro rai te djiwella!

2. Mose 16:34

Jaake har o baro Dewel o Moseske penas, tchiwas o Aron ko khoro glan o sonakaskro mochton, kai o Debleskre deesh laba dren hi, te atchell ko khoro koi.

2. Mose 25:21

Tchip o pralstuno kotar pral ap o mochton. Un an o mochton tchip i dui barra kol deesh labentsa, hoi me tut dau.

2. Mose 30:36

Palle kre les tiknes, jaake tiknes har djala, un tchip ninna lestar glan ko mochton, kai o Debleskre deesh laba dren hi, an o Debleskro plachteno kheer, kote, kai wau me pash tute. Denn jak! Kau sungepaskro koowa, hoi tumer o Debleske kran, hi leske kokres!

2. Mose 30:6

Tchip o sonakaskro bob glan o wudar dran o kutch kotar than. Pal ko wudar hi o mochton, kai o Debleskre deesh laba dren hi, un kai o pralstuno kotar pre hi, hoi sikrella, kai o Dewel peskre menshenge latcho hi.

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

2. Mose 32:15

O Mose djas pale koi berga tele. An leskro wast his les kol barra, kai o Debleskre deesh laba ap hake dui rigja dren tchinlo hi.

2. Mose 34:29

Har o Mose kol dui barrentsa an o wast i berga Sinai tele djas, djinas lo gar, kai was leskro mui har o kham, har rakras lo o Debleha.

2. Mose 38:21

O Bezalel, – leskro dad his o Uri un leskro papo o Hur, dran o kheer Juda – job kras koi tseli budi jaake, har o baro Dewel kowa o Moseske penas. Un o Oholiab, – leskro dad hi o Ahisamach, dran o kheer Dan – job was leske pash o wast. Un peskre wastentsa kras lo shukar koowa dran lolo saster, sonakai, rup un kasht. Ninna haiwas lo mishto latcho laintikro than te krell, un siwas shukar koowa dran kutch bakrengro bal dren, hoi blaueto, lolo un lolo har jag his. O Mose penas ap o Itamar, ko tchawo o rashajestar Aron: “Pen ap i Levitarja, te tchinenn le lauter an i liil, hoi i Israelitarja khetne tchiwan, te krenn le o Debleskro kheer, – ko kheer, kai o Debleskre deesh laba dren hi.”

2. Mose 40:20

Un job las i barra, kai o Debleskre deesh laba dren tchinlo hi, un tchiwas len an o sonakaskro mochton, un tchiwas i hidjepaskre kashta an i gustria ap o mochton. Un pral ap o sonakaskro mochton tchiwas lo o pralstuno kotar, hoi sikrella, kai o baro Dewel peskre menshenge latcho hi.

4. Mose 17:4

Un o rashai Eleasar las kol sasterne pirja, hoi anan kolla, kai his djides chatchedo, un das i pirja buchlo, te wenn le trul o Debleskri chatchepaskri dino,

Bičepangre 7:44

O Stefano penas dureder: Mare phuren his o Debleskro tikno kheer, hoi his kerdo dran viechengre balla, un hidjran les lentsa, har djan le an o mulo them trujel. Kau kheer kran le jaake, har o Dewel kowa o Moseste ap i berga sikras.

Remarja 3:2

Awa, kowa hi lenge bud moldo. Jon lan o Debleskre laba an lengre wasta.

5. Mose 31:26

“Lenn kau tchatchepaskro liil, un tchiwenn les ap i rig pash o mochton, kai o baro Debleskre deesh laba dren hi, te sikrell lo len, hoi wella, te rikrenn le pen gar ap kol laba.

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.

Josua 4:16

“Pen ap i rashaja, kai o mochton hidjrenn, kai o Debleskre deesh laba dren hi, te wenn le dran o pani Jordan win.”