2. Mose 24:6 - O Debleskro Drom 2021 (Sinte)

⁶ Un o Mose las o rat un tchoras jek paash an tchare. Un o wawar paash tchoras lo ap i chatchepaskri, kai i vieche chatchedo wan o Debleske.

O Debleskro Lab 2024 (Sinte-Manouche)

⁶ Oun o Mose las o rat oun čoras yek paash an čare. Oun o vavar paash čoras lo ap i rhačepaskri, kay i firhe rhačedo van o Debleske.

2. Mose 24:6 ပူးပေါင်းရင်းမြစ်များ

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

Debleskri gili 99:6

O Mose un o Aron his leskre rashaja, un o Samuel his mank kolende, kai les an-mangan. Jon dan ap o baro Debleste gole, un job shunas len.

2. Mose 12:22

Palle lenn patria kol kashtestar, hoi kharella Ysop, un rikrenn len an ko tcharo, hoi o rat dren hi! Un makenn lentsa o rat win pral o wudar un ap kol dui kashta, hoi tchatches un serwes pash o wudar hi! Un kek tumendar djal dran o wudar win koi tseli rati.

2. Mose 12:7

Palle lenn le ko rat un makenn les ap kol kashta, hoi tchatches un serwes pash o wudar hi, un pral o wudar ninna, an ko kheer, kai chan le o bakro.

2. Mose 24:8

Koi las o Mose o rat un witsras les ap i Israelitarja un penas: “Dikenn, kawa hi o rat, hoi sikrella, te was o baro Dewel tumaro Dewel, un tumer wan leskre menshe, kai rikrenn kal tsele laba, hoi job tumenge penas.”

2. Mose 29:16

Palle mare les, le leskro rat un tchore les trul o Debleskri chatchepaskri win.

2. Mose 29:20

Palle mare les, le leskro ratestar un tchip les tella ap o Aroneskro tchatcho kand, ninna ap i tchatche kanda leskre tchawenge! Ninna ap o pesso gushto ap lengro tchatcho wast, un ap o baro tsebo ap lengro tchatcho piro tchiwess tu o rat. O tselo wawar rat tchoress tu trul o Debleskri chatchepaskri win.

Jeremia 31:32

Kowa hi gar har kowa, hoi lengre phurentsa win krom, har lom len pash o wast un lom len dran o them Egiptia. Kol laba, hoi lende dom, te rikrenn le pen ap lende, phagan le, ninna te hom me lenge i latcho rai.

3. Mose 1:11

Un job marell les glan o baro Debleste pash koi chatchepaskri, ap koi rig, kai norden hi. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

3. Mose 1:5

Palle marell lo kai grumni glan o baro Debleskro kheer. Un kol rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja. Kai chatchepaskri hi tardo glan o wudar o plachteno kherestar.

3. Mose 3:2

Job tchiwell peskro wast ap o viecheskro shero un marell les glan o wudar o Debleskro plachteno kherestar. Un i rashaja dran o kheer Aron lenn o rat un tchorenn les trul o Debleskri chatchepaskri ap leskre star rigja.

3. Mose 3:8

palle tchiwell job peskro wast ap leskro shero un marell les glan o Debleskro plachteno kheer. Un i rashaja lenn o rat un tchorenn les trul o Debleskri chatchepaskri win.

3. Mose 4:6

Job tchiwell peskro gushto an ko rat, un witsrell efta kope ko ratestar glan o laintikro kotar than, hoi hi glan o Debleskri kutch isema.

1. Korintarja 11:25

Un pal o chapen las job ko khoro un penas: “Kai mool an kau khoro hi miro rat, hoi tumenge ratau. Jaake krau i newo drom, kai o Dewel un i menshe mala wenna. Hako kopo, kai pijenn tumer dran ko khoro, ma bistrenn, hoi me tumenge krom!”

Kolossarja 1:20

Un o Jesus Kristo hi ko drom, kai o Dewel un i menshe pale mala wenna. Har job ap o trushel meras, un peskro rat ratas, anas o Dewel lauteren pash peste khetne, hoi hi an o bolepen un ap i phub.

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

Hebrearja 8:9

Kau newo drom hi gar jaake, har ko phuro drom, hoi sikrom lende ap ko diwes, kai taprom lengre phuren ap i wasta, te anap len dran o them Egiptia win. Har atchan le gar ap miro drom, mukom len.

Hebrearja 9:18

Jaake wan ninna an o phuro tsiro vieche maredo, har das o Dewel i menshen i tsillo, kai penas lo lenge, har jon leha khetne nai wenna. Un i viechengro rat sikras, te rikrenn le pen ap kol Debleskre laba.

Hebrearja 9:19

Kowa lauter djas jaake: O Mose penas i menshenge kol laba, hoi an ko liil tardo hi, kai tchinlo hi, har te djiwenn le. Palle las lo i grumjengro rat un i bakrengro rat, das pani pashel, un las i kasht, hoi kharella Ysop, pandas lole bakrengre balla pral pre, un tchiwas ko kasht i ballentsa an o rat, un tchoras ko rat ap ko liil un ap kol menshende,

Hebrearja 9:21

Un ap o Debleskro tikno kheer tchoras lo ninna o rat, ninna ap i tsele tchare un khore, kai kote dren hi.

1. Petro 1:19

Job plaissras peskro kutch rateha, hoi job ratas, har meras lo ap o trushel. O Jesus Kristo his har i bakro, hoi maredo was o Debleske. Ap leste his kek doosh un kek tchilatchepen.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!