2. Mose 24:4 - O Debleskro Drom 2021 (Sinte)

⁴ Koi tchinas o Mose hako lab, hoi o baro Dewel penas, an i liil. Un sik taissarlakro stas job pre un kras i chatchepaskri tele glan i berga, kote pre vieche chatchedo wenna o baro Debleske. Ninna tchiwas lo deesh-te-dui barra pre kol deesh-te-dui bare familjenge, kai wan o Israeleskre tchawendar: jek bar haki familjake.

O Debleskro Lab 2024 (Sinte-Manouche)

⁴ Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.

2. Mose 24:4 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 28:18

Taissarlakro stas o Jakob pre, las ko bar, hoi tel leskro shero tchiddo his, tchiwas les pre, un tchoras djet koi pre.

1. Mose 28:22

Un kau bar, hoi tchiwom pre, kowa mu well i Debleskro kheer. Un halauterestar, hoi tu man deh, dau me tut o deshto kotar pale.”

1. Mose 31:45

Un o Jakob las i bar un tchiwas les o Debleske pre.

1. Rajengro liil 11:30

Un o Achija las koi newi plaashka, hoi ap leste his, un tserdas lat an deesh-te-dui kotja paash.

1. Rajengro liil 18:31

las deesh-te-dui barra, jek bar hako tchaweske o Jakobestar. Ap koleste penas o baro Dewel glan i rah tsiro: “Tiro lab well kanna Israel.”

Esra 6:17

Koleske anan le an o Debleskro kheer 100 (sheel) gurma, 200 (dui-sheel) bakre, un star-sheel (400) terne bakre, te wenn le maredo o Debleske, ninna deesh-te-dui mursh busja, jek haki bari familjake, hoi well o deesh-te-dui Israeleskre tchawendar. Kol busja wan chatchedo o Debleske, te well i doosh i Israelendar krik lino.

Nehemia 10:1

Un doleske rakrah men kanna tele un tchinah kowa pre, te rikrah men ap lauter, hoi mer kate penam. Un mare pralstune, mare Levitarja, un mare rashaja tchiwenn pengre laba tel kau liil un pandenn palle o liil khetne.

2. Mose 17:14

Palle penas o baro Dewel ap o Moseste: “Tchin kawa pre, te bistrenn le kowa gar! Un rake les o Josua an o dji, te bistrell lo kau kurepen gar. Un pen leske ninna, te kamau me te marap i tsele Amalekarja jaake, te wenn le hakenestar bistedo ap kai phub.”

2. Mose 17:15

Un o Mose kras i chatchepaskri o Debleske, te wenn kote vieche chatchedo o Debleske, un das koi chatchepaskri o lab ‘O baro Dewel krell man soreles an o kurepen’.

2. Mose 21:1

Kolla hi i laba, hoi lenge peness. Ap kolende hunte rikrenn le pen.

2. Mose 24:7

Un job las o liil, kai job dren tchinas, hoi o baro Dewel peskre menshendar kamella, un draweras kau liil i menshenge glan. Un i tsele menshe penan: “Lauter, hoi o baro Dewel penas, kamah mer te krell, un ap leste shunell.”

2. Mose 28:21

Un tchin an lende i laba o Israeleskre tchawendar, kolendar i deesh-te-dui bare familje wenn. Tchin an hako bar jek lab.

2. Mose 34:27

O baro Dewel penas o Moseske: “Tchin kal laba an i liil, te rikrenn tumen ap lende. Palle han mire menshe, un me rikrau miro lab, hoi dom miro wast pre un krau tuke un i Israelenge, hoi me penom.”

Jesaja 19:19

Ap ko diwes hi mashkral an o them Egiptia i chatchepaskri, kai vieche o baro Debleske chatchedo wenna, un kote, kai i themma Egiptia un Israel khetne wenna, well i baro bar o baro Debleske pre tardo, kai lo sharedo wella.

3. Mose 24:5

Muk deesh-te-dui mare te pekell dran latcho jarro, hako maro dran dui-te-paash kilogramme jarro!

4. Mose 17:2

“Pen ap o Aroneskro tchaweste, o rashajeste Eleasar, te lell job kol pirja dran i jag, un witsrell koi jag dur krik! Kol tchilatche, kai meran, anan kal pirja glan o baro Debleste. Doleske hi kal pirja o Debleskro un hunte wenn an o Debleskro kheer. Denn kol pirja buchlo, te wenn sane buchle sasterne patria dran lende! Un kolen denn trul o Debleskri chatchepaskri, te wenn le i sikepen, te bistrenn i Israelitarja gar, hoi djas!”

Louka 22:30

Un tumer chana un pijenna mantsa kote, kai me o baro rai hom, un han beshdo ap rajeskre beshepangre, un penenn o tchatchepen win pral i tsele menshende, kai wenna o deesh-te-dui Israeleskre tchawendar.”

Galatarja 2:9

Kol pralstune mank i patslende his o Jakobo, un o Kefas, un o Johanni. Har jon haiwan, kai o Dewel mange latcho hi un man koi budi das, dan jon man un o Barnabas o tchatcho wast, te dikenn halauter, kai ham mer phrala. Mer kram win, te djas mer pash kolende, kai kek bibolde hi, un jon te djan pash i biboldende.

5. Mose 31:9

O Mose tchinas kal tchatchepaskre laba an i liil, un das les kol phureden pral Israel un kol rashajende dran o kheer Levi, kai o Debleskro mochton hidjran, kai o Debleskre deesh laba dren hi.

Josua 4:20

Un kol deesh-te-dui barra, hoi jon dran o Jordan lan, tchiwas o Josua kote ap i platsa Gilgal

Josua 4:5

Un job penas ap lende: “Djan mashkral an o pani glan o mochton, kai i laba tumaro baro Deblestar dren hi! Un hakeno tumendar hadell jek bar ap leskro phik, jek bar haki bari familjake, hoi wella kol deesh-te-dui Israeleskre tchawendar.

Debleskro tsiro 21:14

Un koi massuri hi tardo ap deesh-te-dui sorele barra. Ap kolende hi i laba tchinlo kol deesh-te-dujendar, kai his o terno bakreskre bitchepangre.