2. Mose 24:3 - O Debleskro Drom 2021 (Sinte)

³ Un o Mose was pash i menshende un penas lenge hako lab, hoi o baro Dewel penas, kol tsele laba, hoi penenn, hoi job lendar kamella. Un i tsele Israelitarja penan har dran jek mui: “Lauter, hoi o baro Dewel penas, kamah mer te krell.”

O Debleskro Lab 2024 (Sinte-Manouche)

³ Oun o Mose vas pash i menshende oun penas lenge hako lab, hoy o baro Devel penas, kol tsele laba, hoy penenn, hoy yob lendar kamella. Oun i tsele Israelitarya penan har dran yek mouy: “Lauter, hoy o baro Devel penas, kamah mer te krell.”

2. Mose 24:3 ပူးပေါင်းရင်းမြစ်များ

2. Familjakro liil 15:14

Jon dan pen sowel glan o baro Debleste i bari goljah un gipah un bashepah ap i phurdepangre.

2. Familjakro liil 15:15

Un i tsele menshe dran Juda his bachtelo pral koi sowel, hoi dan le pengro tselo djijeha. Un jon rodan o Debles pengri tseli sorjah. Un job mukas pes lendar te hatsell. Un o baro Dewel mukas len an o latchepen te djiwell i thementsa trul lende.

Debleskri gili 50:5

“Anenn mange mire menshen khetne, kai mantsa win kran, te wap me lengro Dewel, un mange viechen anan.”

2. Mose 19:8

Un i tsele menshe penan har dran jek mui: “Lauter kowa, hoi o baro Dewel penas, kowa kamah te krell.” Un o Mose penas o baro Debleske, hoi i tsele Israelitarja penan.

2. Mose 24:2

Tu, o Mose, ab kokres pash mande! Kolla wawar wenn gar pash mande! Un i tsele wawar Israelitarja atchenn tele glan i berga!”

2. Mose 24:7

Un job las o liil, kai job dren tchinas, hoi o baro Dewel peskre menshendar kamella, un draweras kau liil i menshenge glan. Un i tsele menshe penan: “Lauter, hoi o baro Dewel penas, kamah mer te krell, un ap leste shunell.”

Jeremia 11:4

Har me tumare phuren dran o them Egiptia lom, har dran i sasterno jagakro bob, krom me lentsa win, te shunenn le ap mande, un krenn har lenge penom, palle hi jon mire menshe, un me hom lengro Dewel.

Jeremia 34:13

Kawa penell o baro Dewel, kai o Israeleskro Dewel hi: Me krom tumare phurentsa win, har anom len dran o them Egiptia win, kai jon pandle budepangre his,

Haggai 2:5

Me dom tumen miro lab, har tserdan win dran o them Egiptia. Me atchau pash tumende. Ma darenn!

Maleachi 2:10

Men halauteren hi jek dad! O emligo Dewel kras men halauter! Hoske phukrell ko jek ap o wawareste, un rikrell pes gar ap kowa, hoi o baro Dewel mare phurentsa win kras?

5. Mose 11:1

O Mose penas dureder ap i Israelitarjen: Tumer hunte kamenn tumaro baro Debles o tselo djijestar! Krenn lauter, hoi lo tumendar kamell. Rikrenn tumen ap leskre tchatchepaskre laba, un djiwenn pal leskre laba jaake rah har djiwenn.

5. Mose 4:1

Kanna shun, Israel, hoi tumaro baro Dewel tumendar kamell. Denn jak ap leskre tchatchepaskre laba, hoi me tumen sikrau. Rikrenn tumen ap kowa, te atchenn djido, un te wenn dren an ko them, te nai lenn les tumenge dren, ko them, ap koleste tumaro baro Dewel tumare phurenge pes sowel das, te dell lo les lende.

5. Mose 4:45

Har le dran o them Egiptia win djan, penas lo lenge kol tsele laba, hoi lende sikran, har te djiwenn le, un hoi o Dewel lendar kamella, un leskre tsele tchatchepaskre laba.

5. Mose 4:5

Dikenn, me sikrom tumende, hoi o baro Dewel tumendar kamella, leskre tsele tchatchepaskre laba, jaake har miro baro Dewel mange penas, te krenn tumer an o them, an kowa tumer wenna un les tumenge dren lenna.

5. Mose 5:1

Un o Mose das i tsele menshen Israel khetne gole, un penas ap lende: Shun Israel kowa, hoi o baro Dewel kamell tumendar, leskre tsele tchatchepaskre laba, hoi kau diwes glan tumare kanna penom. Rikrenn len an o shero, un denn jak ap lende, un djiwenn pal lende!

5. Mose 5:31

Tu, atch kai pash mande! Un me penau tuke o tselo lab, halauter hoi tumendar kamau, un mire tsele tchatchepaskre laba. Kolla lauter peness lenge, te djiwenn le pal lende an ko them, hoi me dau lende, te lenn le les lenge dren.”

5. Mose 6:1

Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

Josua 24:21

Un i tsele menshe penan pale ap o Josua: “Tchatchepah, o baro Dewel hi kowa, koles kamah an-te-mangell.”

Josua 24:22

Kote penas o Josua ap i tsele menshende: “Tumer han kolla, kai dikan un shunan, har tumer penan: Mer rodam o baro Debles win, te mangas les an.” Un jon penan: “Awa, jaake hi kowa.”

Josua 24:24

Un i tsele menshe penan ap o Josua: “O baro Debles, kai maro Dewel hi, koles kamah an-te-mangell. Un ap kowa, hoi job penella, kamah mer te shunell.”