2. Mose 24:18 - O Debleskro Drom 2021 (Sinte)

¹⁸ O Mose djas mashkral dren an koi wolka, un djas dureder pre ap i berga, un atchas star-deesh diwessa un star-deesh ratsja pral ap koi berga.

O Debleskro Lab 2024 (Sinte-Manouche)

¹⁸ O Mose djas mashkral dren an koy folka, oun djas doureder pre ap i berga, oun ačas star-deesh divessa oun star-deesh ratsya pral ap koy berga.

2. Mose 24:18 ပူးပေါင်းရင်းမြစ်များ

1. Rajengro liil 19:11

Un o baro Dewel penas: “Dja win un ab glan mande ap i berga! Un me djau glan tute wergel.” Koi phurdas i sorelo ducho pral i berge, te peran i barra tele, un i bare barra phagan. – O baro Dewel his gar an ko phurdepen. Un pal o sorelo phurdepen trissas i phub. – O baro Dewel his gar an ko trisslepen i phubjatar.

1. Rajengro liil 19:8

Kote stas lo pre un chas un pijas, un djas an kai chapaskri soor star-deesh diwessa un star-deesh ratsja, bis te was lo ap o Debleskri berga, o Horeb.

2. Mose 19:20

Un o baro Dewel was tele ap i berga Sinai, un das o Mose pre gole. Un kowa djas pre ap i berga.

2. Mose 24:17

O railepen o baro Deblestar his glan i Israelengre jaka har i bari jag, hoi pral ap koi berga chatchella.

2. Mose 25:1

Un o baro Dewel rakras o Moseha un penas:

2. Mose 32:1

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

2. Mose 34:28

Star-desha diwessa un ratsja atchas o Mose ap i berga pash o baro Debleste. An kowa tsiro chas lo tchi un pijas lo tchi. Job tchinas kol deesh laba ap kol dui barra, – kol laba, kai penenna, hoi o Dewel peskre menshendar kamella.

2. Mose 9:29

O Mose penas leske: “Jaake sik har djom dran o foro win, kamau mire wasta pre te hadell ap o baro Debleste. Palle dell o bolepen buder kek gole, un kek barrengro brishin perell buder, te dikess un haiwess, te hi i phub o baro Debleske.

2. Mose 9:33

Palle djas o Mose win dran o Faraeskro kheer un dran o foro, un hadas peskre wasta pre ap o baro Debleste. Un o bolepen das buder kek gole. Un buder kek barrengro brishin peras tele. Un kek depen das buder ap i phub.

Gosewe laba 28:1

O tchilatcho hi ap o naashepen, ninna te lell les kek palla. Kowa, kai an o tchatchepen tardo hi, hi har i terno lewo un darell tchi.

Mateo 4:2

Un star-deesh (40) diwessa un ratsja chas o Jesus tchi. Un palle was les i bari bok.

Markus 1:13

Un kote atchas lo star-deesh diwessa. Un o beng kamas les o Debleskro dromestar tele te anell. Kote his ninna diwje vieche. Un i bolepangre wan un his leske koi.

Louka 4:2

Kote atchas lo star-deesh diwessa. Un o beng was pash leste, te anell lo les o Debleskro dromestar tele. An kol diwessa chas o Jesus tchi. Un har kol diwessa trujel his, his les bok.

5. Mose 10:10

Me atchom ap i berga star-deesh diwessa un star-deesh ratsja har ko ersto kopo. Un o baro Dewel shunas ninna kau kopo miro mangepen un das tumen gar mulo.

5. Mose 5:31

Tu, atch kai pash mande! Un me penau tuke o tselo lab, halauter hoi tumendar kamau, un mire tsele tchatchepaskre laba. Kolla lauter peness lenge, te djiwenn le pal lende an ko them, hoi me dau lende, te lenn le les lenge dren.”

5. Mose 9:18

Un me witsrom man tele glan o baro Debleste, un homs tchiddo glan leste har koi ersto kopo 40 (star-deesh) diwessa un ratsja. Maro chom kek, un pani pijom gar. Un mangom les tumenge, te dikell lo gar ap tumari bari doosh, hoi tumer ap tumende lan, har sawo djungelo koowa kran, un les jaake chojedo kran.

5. Mose 9:25

Un har kamas o baro Dewel tumen te marell, homs tchiddo glan leste 40 (star-deesh) diwessa un 40 (star-deesh) ratsja.

5. Mose 9:9

Me homs pre ap i berga, te lap lestar kol barra, an koleste job i deesh laba tchinas, hoi hunte rikrenn, te wenn leskre menshe. Kote atchom me 40 (star-deesh) diwessa un ratsja. Maro chom me kek, un pani pijom me witar gar.