2. Mose 24:12 - O Debleskro Drom 2021 (Sinte)

¹² Un o baro Dewel penas ap o Moseste: “Ab pash mande ap i berga pre un atch kote, te dap tut kol barra, kai tchinom mire laba dren, te sikrap mire menshende, har te djiwenn le, te djinenn jon, hoi te krenn un hoi te krenn gar.”

O Debleskro Lab 2024 (Sinte-Manouche)

¹² Oun o baro Devel penas ap o Moseste: “Ab pash mande ap i berga pre oun ač kote, te dap tout kol barra, kay činom mire laba dren, te sikrap mire menshende, har te djivenn le, te djinenn yon, hoy te krenn oun hoy te krenn gar.”

2. Mose 24:12 ပူးပေါင်းရင်းမြစ်များ

1. Rajengro liil 19:11

Un o baro Dewel penas: “Dja win un ab glan mande ap i berga! Un me djau glan tute wergel.” Koi phurdas i sorelo ducho pral i berge, te peran i barra tele, un i bare barra phagan. – O baro Dewel his gar an ko phurdepen. Un pal o sorelo phurdepen trissas i phub. – O baro Dewel his gar an ko trisslepen i phubjatar.

Esra 7:10

O Esra tchiwas peskre djijeskre jaka ap o Debleskro drom, te haiwell lo les bud un budeder, un te djiwell lo pal o Debleskro lab, un te sikrell lo halauterenge an o them Israel, hoi o baro Dewel lendar kamell, un har nai djiwenn le pal leskro tchatchepen.

Nehemia 9:13

Un ap i berga Sinai wal tu tele, un dran o bolepen rakral tu lentsa. Un tu penal lenge tchatchepaskre laba, hoi mishto hi, un sikral len tchatche dromma, un dal len latche laba, hoi penan lenge, hoi te krenn le.

Nehemia 9:14

Un tu sikral len, har te rikrenn le o diwes, hoi tuke hi. Kowa hi o Debleskro diwes. Un an wawar laba, hoi penas lenge o Mose, koles tiro wast his, sikral tu len, hoi tu lendar kameh un har nai djan le tire dromma.

Debleskri gili 19:12

Miro rai, me mukau tire laba ap miro dji te rakrell. Koon rikrell pes ap lende, koleske djal mishto.

2. Mose 19:3

Un o Mose djas pre ap i berga pash o Debleste. Kote das o baro Dewel ap leste gole: “Kawa peness tu ap i Israelitarja, kol menshende, kai wenna pal o Jakob:

2. Mose 24:15

Har o Mose ap i berga djas, tchakras koi wolka i tseli berga.

2. Mose 24:18

O Mose djas mashkral dren an koi wolka, un djas dureder pre ap i berga, un atchas star-deesh diwessa un star-deesh ratsja pral ap koi berga.

2. Mose 24:2

Tu, o Mose, ab kokres pash mande! Kolla wawar wenn gar pash mande! Un i tsele wawar Israelitarja atchenn tele glan i berga!”

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

2. Mose 32:1

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

2. Mose 34:1

O baro Dewel penas ap o Moseste: “Kre tuke dui bare barra, har kolla his, kai tu paash dal! Palle kamau me pale kol laba dren te tchinell, hoi an i wawar barra tchinlo his.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Mateo 5:19

Koon jek kol tikneder labendar ap i rig tchiwella, un i menshenge kowa jaake penella, kowa hi o tikneder mashkral kolende, kai djiwenn khetne o Debleha an o bolepen. Koon krella, hoi o Dewel penas, un sikrell kowa i menshende, kowa wella bares mashkral kolende, kai djiwenn khetne o Debleha an o bolepen.

2. Korintarja 3:3

Dran mari budi wan tumer pash o Jesus Kristeste. Un kanna han har i liil, hoi wella o Jesus Kristestar. Kau liil tchinas o Ducho o djido Deblestar, un kek mensho. Kau liil was gar tchinlo ap i barra. Na-a. Kau liil was tchinlo an i menshengre djia, an tumare djia.

2. Korintarja 3:7

Kol phure tchinle laba, hoi anenn i menshen an o merepen, his tchinlo ap i barra. Har anas o Mose i menshenge kol barra, was leskro mui jaake railes, te dikan nai i Israelitarja gar ap leste. Jaake dikah, ninna ap o phuro drom was o Debleskro railepen diklo, ninna te djas ko railepen pal i tikno tsiro krik.

5. Mose 4:14

An ko tsiro penas o baro Dewel mange, te sikrap tumen, hoi lo tumendar kamell un leskre tchatchepaskre laba, te djiwenn pal lende an ko them, an kowa tumer dren djan, te lenn les tumenge dren.

5. Mose 5:22

Kal laba rakras o baro Dewel ap tumende halauter, har wan khetne pash i berga. Dran i jag win, dran koi kali pessi wolka win rakras lo bari goljah. Kek wawar lab tchiwas lo pashel. Un job tchinas len ap dui barra un das len mande.

5. Mose 5:31

Tu, atch kai pash mande! Un me penau tuke o tselo lab, halauter hoi tumendar kamau, un mire tsele tchatchepaskre laba. Kolla lauter peness lenge, te djiwenn le pal lende an ko them, hoi me dau lende, te lenn le les lenge dren.”

Hebrearja 9:4

An i palstuni isema his o sonakaskro bob tardo, kai kutch gudlo kasht pral pre chatchedo was, hoi mishto sungella. Koi his ninna o sonakaskro mochton. An leste his o sonakaskro khoro, kai his ko maro dren tchiddo, hoi Manna kharella. An ko mochton his ninna o Aroneskro kasht, hoi senelo was, ninna kol dui tchinle barra. Ap kolende his i deesh Debleskre laba tchinlo, hoi o Dewel peskre menshentsa win kras.