2. Mose 23:31 - O Debleskro Drom 2021 (Sinte)

³¹ Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

O Debleskro Lab 2024 (Sinte-Manouche)

³¹ Oun me penau, har bares tiro them vella. Yob djal foun ko Baro Lolo Pani bis pash ko baro pani, kay i Filistarya djivenn, oun foun o moulo tato them bis pash o lengsto pani Eufrat. Kolla, hoy kote djivenna, dau an tiro vast, te tradenn t'mer len dran o them vin.

2. Mose 23:31 ပူးပေါင်းရင်းမြစ်များ

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Rajengro liil 11:2

Kolla his sawe menshendar, kolendar o baro Dewel ap i Israelitarja penas: “Ma mukenn tumen lentsa dren, un jon hunte mukenn pen gar tumentsa dren. Jon tserdans tumare djia pash lengre deblende.” Ap kal djuwjende nashras o Salomo peskro dji.

1. Rajengro liil 20:13

Koi was i Debleskro rakepaskro pash o Ahab, ko baro rajeste pral Israel, un penas ap leste: “Kawa penell o baro Dewel: Dikeh tu kol bud bud lurden? Tchatchepah, me kamau len kau diwes an tiro wast te dell, te haiwess tu, me hom o baro Dewel!”

1. Rajengro liil 8:65

Un ap ko tsiro his kol bare diwessa, kai djiwenn i Israelitarja an patjengre khera. Un o Salomo khetne kol tsele Israelentsa rikran kol bare diwessa. His bud menshe kote khetne dran o tselo them, fun Lebo-Hamat bis pash koi tala mank Israel un Egiptia. Efta diwessa his le khetne glan maro baro Debleste, un koi pal pale efta diwessa. Kolla his khetne deesh-te-star diwessa.

2. Familjakro liil 9:26

Un job his o baro rai pral i tsele rajende pral i themma mank o baro pani Eufrat un o them, kai i Filistarja djiwan un bis pash o them Egiptia.

Debleskri gili 72:8

Un job well o baro rai pral i tsele themma, fun jek baro pani bis pash o wawar baro pani.

4. Mose 21:34

Un o baro Dewel penas ap o Moseste: “Ma traash lendar! Me dom les an tire wasta, ninna o them i menshentsa. Un tu kress leha jaake, har kral o baro rajeha pral i Amorarja, o Sihoneha, kai an Heshbon djiwas.”

4. Mose 34:2

Pen ap kol Israelitarja: Djan an o them Kanaan! Ko them well tumenge jek rigjatar ap i wawar: Kolla hi i rigja:

5. Mose 1:7

Stenn kanna pre un djan dureder pash i berge, kai i Amorarja djiwenn, un kote, kai kol Kanaanitarja djiwenn: an o telstuno them o panjestar Jordan, un an o pralstuno them, un an o diwjo them Shefelah un an o them Negev pash o baro pani bis pash i berge Libanon un o baro lengsto pani Eufrat.

5. Mose 1:8

Kau tselo them tchiwom me glan tumende, djan tumer koi, un lenn les tumenge dren! Kowa hi ko them, kolestar o baro Dewel tumare phurende, o Abrahameste un o Isaakeste un o Jakobeste pes sowel das, te dell lo les lende un lengre tchawende un kolende, kai pal lende wenna.

5. Mose 11:24

Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.

5. Mose 2:33

Un maro baro Dewel das len an mare wasta, jaake te maram les un leskre tchawen un leskre tsele lurden.

5. Mose 2:36

Maro baro Dewel das i tsele forja an mare wasta: ko foro Aroer, hoi pash o lengsto pani Arnon tchiddo hi, un ko foro hoi tella an o panjeskri tala tchiddo hi, un i tsele forja bis pash o them Gilead. Kek foro his koi, hoi sorleder his har mer.

5. Mose 20:16

An kol forja, hoi hi an ko them, hoi tumaro baro Dewel tumen della, hunte mukenn tumer kekes djido, kek menshes witar kek vieches.

5. Mose 3:2

Un o baro Dewel penas ap mande: “Ma dare lestar, me dom les un leskre tsele lurden un leskro them an tiro wast. Kre leha har kowa o Sihoneha kral, ko baro rajeha pral i Amorarja, kai an o foro Heshbon djiwas.”

5. Mose 9:3

Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.

Josua 1:4

Ko tselo them mank kau mulo tato them un i berge Libanon, un mank o baro lengsto pani Eufrat un o baro pani, hoi kote hi, kai o kham tele djala, kowa well tumaro them. Ninna o them, kai i Hetarja djiwenna, well tumaro.

Josua 10:19

Tumer wawar, atchenn gar tardo! Lenn i Amorarjen palla, kai gomme ap o naashepen hi, taprenn len, un mukenn len gar an pengre forja te well! O baro Dewel hi tumaro Dewel un das len an tumaro wast.”

Josua 10:8

Un o baro Dewel penas ap o Josua: “Ma traash lendar! An tiro wast dom me len. Kek mursh lendar nai atchell glan tute tardo.”

Josua 13:6

un o pralstuno them mank i berge Libanon un o foro Misrefot-Majim. Kol tsele Sidonarja, kai kote djiwenn, kolen tradau me win glan kol Israelitarjen. Witse tu kol barra, hoi sikrenn, hawe Israelitarja hawo kotar them lenna, jaake har me tuke penom, te kress kowa.

Josua 2:24

Un jon penan ap o Josua: “O baro Dewel das o tselo them an maro wast. Ninna halauter kolla, kai koi djiwenn, hi har bango darjatar glan mende.”

Josua 21:44

Un o baro Dewel kras, te well len kek kurepen kol thementsa trul lende, jaake har lo pes glan lengre phurende sowel das, te krell lo kowa. Un kek, kai kamas pes lentsa te kurell, was sorleder har jon. Kolen lauteren das o baro Dewel an lengro wast.

Josua 23:14

An i tikno tsiro merau, har hakeno ap kai phub hunte merell. Tumer djinenn, te peras kek lab ap i phub kol tsele latche labendar, hoi o baro Dewel pral tumende penas. Lenn kowa ap o dji: Lauter, hoi job penas, was jaake har job penas. Kek lab peras tele.

Josua 24:11

Tumer djan pral o Jordan wergel, un wan pash o foro Jericho. Kote kuran pen i mursha dran Jericho tumentsa. Un me dom len an tumare wasta, un ninna kol wawar menshen, kai an kau them djiwan: i Amorarja, i Perisarja, i Kanaanitarja, i Hetarja, Girgasharja, i Hiwarja un i Jebusarja.

Josua 24:12

Me krom, te lan le bari traash tumendar. Jaake tradom len glan tumende win, har tradom glan kowa ninna kol dui rajen pral i Amorarjen glan tumende win. Tumare chare un boge kran kowa gar.

Josua 24:18

Un job tradas kol wawar menshen glan mende win, ninna kol Amorarja, kolla kai an kau them djiwan. Doleske, kamah mer ninna o baro Debles an-te-mangell. Job hi maro Dewel.”

Josua 24:8

Palle anom me tumen an o them ap i wawar rig o panjestar Jordan, kai i Amorarja djiwan. Un jon kuran pen tumentsa. Un me dom len an tumaro wast. Un tumer lan lengro them dren. Un me tradom len glan tumende win, bis te kek lendar pral atchas.

Josua 8:18

Koi penas o baro Dewel ap o Josua: “Rike tiro charo pre, hoi an tiro wast hi, un sike ap o foro Ai! An tiro wast kamau me o fores te dell.” Un o Josua rikras peskro charo pre un sikras ap o foro.

Josua 8:7

Un ap ko tsiro, kai mer lendar nashah, wenn tumer dran tumaro khatepen win, un lenn o foro dren. O baro Dewel hi tumaro Dewel un dell tumen o foro an o wast.

Josua 9:7

Koi penan i Israelengre mursha ap kol Hiwarja: “Nai hi, te djiwenn tumer kate mashkral mende! Har nai kras mer palle sawo koowa tumentsa win?”

Čačepangre 1:4

Un i mursha dran o kheer Juda djan pre, un o baro Dewel das i Kanaanitarjen un i Perisarjen an lengro wast. Un pash o foro Besek maran le 10.000 (deesh-serja) mursha.

Čačepangre 11:21

Un kote das o baro Dewel, kai o Israeleskro Dewel hi, o Sihones un leskre tsele lurden an i wasta i Israelendar. Un jon maran len. Jaake las o Israel o tselo them dren, kai o Amorarja djiwan,

1. Samuel 23:4

Kote putchas o David gomme i duito kopo o baro Debles, un o baro Dewel penas: “Ste pre un dja an Kehila! Me kamau tumen i Filistarjen an tumaro wast te dell!”