2. Mose 23:29 - O Debleskro Drom 2021 (Sinte)

²⁹ Hi jaake: Gar an jek bersh tradau len tutar krik. Te kroms kowa jaake, wals o them diwjo un anals buder kek chapen win. Un i diwje vieche wans budeder un budeder. Un kowa wals gar mishto tumenge.

O Debleskro Lab 2024 (Sinte-Manouche)

²⁹ Hi yaake: Gar an yek bersh tradau len toutar krik. Te kroms kova yaake, vals o them divyo oun anals bouder kek rhapen vin. Oun i divye firhe vans boudeder oun boudeder. Oun kova vals gar mishto t'menge.

2. Mose 23:29 ပူးပေါင်းရင်းမြစ်များ

2. Mose 23:30

Dran jek them pal o wawar tradau len glan tute win. Jaake dau i tsiro te wenn tumer jaake bud, te nai lenn o tselo them tumenge dren.

2. Mose 34:24

Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

5. Mose 7:22

Job tradell kal menshen win glan tumende, jek pal o wawar, un hakeno peskro tsireske. Tumer nai denn len gar ap jek kopo mulo. Palle wens i diwje vieche budeder un djans ap tumende.

Josua 15:63

I mursha dran o kheer Juda nai tradan i Jebusarjen gar win dran o foro Jerusalem. Doleske djiwenn jon kote khetne i menshentsa dran o kheer Juda bis ap kau diwes.

Josua 16:10

Un jon tradan i Kanaanitarja gar win, hoi an o foro Geser djiwan. Un i Kanaanitarja djiwenn mashkral i Efrajimarja bis ap kau diwes. Un jon hunte budran lenge.