2. Mose 23:27 - O Debleskro Drom 2021 (Sinte)

²⁷ An hako them, kai tu djah, krau me i menshenge sawi daar glan tute, te nashenn le i darjatar penge.

O Debleskro Lab 2024 (Sinte-Manouche)

²⁷ An hako them, kay tou djah, krau me i menshenge savi daar glan toute, te nashenn le i daryatar penge.

2. Mose 23:27 ပူးပေါင်းရင်းမြစ်များ

1. Mose 35:5

Un jon kran pen ap o drom. Un o Dewel tchiwas i daar ap kol menshende, kai djiwan an i forja trul lende. Un kolla lan len gar palla.

2. Samuel 22:41

Tu kral, te hunte nashan le mandar. Jaake nai marom kolen, kai mange tchilatchepen kaman.

2. Rajengro liil 7:6

O baro Dewel kras, te shunenn kol Syrarja i bari gole, har te wenn bud lurde grajentsa un kurepangre wurdjentsa. Un jon rakran jek ap o wawareste: “Shunenn, ko baro rai pral Israel tchiwas pes khetne kol bare rajentsa pral kol Hetarja un pral kol Egiptarja, te perenn le khetne pral mende.”

2. Familjakro liil 14:14

Ninna djan le ap i plachtene khera pre, kai kolla djiwan, kai dan garda ap pengre vieche, un lan bud bakre un khamele pentsa. Pal kowa djan le pale an o foro Jerusalem.

Debleskri gili 18:40

Tu dal man i soor, te nai kurom man lentsa un witsral kolen ap i phub glan mande, kai hadan pen ap mande.

Debleskri gili 21:12

Jon wan khetne un rakran, har nai krenn le tuke tchilatchepen. Tchi, hoi kamenn le tuha te krell, djal lenge mishto.

2. Mose 33:2

Un me bitchrau i bolepaskro. Kowa djal glan tumende. Un me tradau i wawar menshen an kau them win: i Kanaanitarja, i Amorarja, i Hetarja, i Perisarja, i Hiwarja un i Jebusarja.

2. Mose 34:24

Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

4. Mose 22:3

Un kol Moabarjen his bari daar kol menshendar Israel, kai jaake bud his. Un kol Moabarja trashan lendar.

5. Mose 11:23

palle tradell o baro Dewel i menshen dran kal tsele themma glan tumende win. Un tumer lenn i themma sawe menshendar tumenge dren, kai hi budeder un sorleder har tumer.

5. Mose 11:25

Kek nai atchell glan tumende tardo, Traash un daar mukell tumaro baro Dewel ap i menshende an o tselo them te well glan tumende, jaake har job les tumenge penas.

5. Mose 2:25

Kau diwesseha krau te darenn tumendar i menshe an hake themma. Koon tumendar shunella, trashell un trissell i darjatar.”

5. Mose 7:23

Tumaro baro Dewel dell len an tire wasta un krell lenge dineles i darjatar, bis te halauter mulo dino hi.

1. Samuel 14:15

Un i bari daar peras ap kol Filistarja, – ap lengri platsa un ninna win ap o them – ap kol tsele lurdende, ninna ap kolende, kai jak denn un ap kolende, kai win djan, te randenn le. Un i phub trissas. Jaake bitchras o Dewel i bari daar ap i tsele Filistarja.