2. Mose 23:23 - O Debleskro Drom 2021 (Sinte)

²³ Awa, miro bolepaskro djal glan tute un anell tut an o them, kai djiwenna i Amorarja, i Hetarja, i Perisarja, i Kanaanitarja, i Hiwarja un i Jebusarja. Un me dau len temerl.

O Debleskro Lab 2024 (Sinte-Manouche)

²³ Ava, miro bolepaskro djal glan toute oun anell tout an o them, kay djivenna i Amorarya, i Hetarya, i Perisarya, i Kanaanitarya, i Hivarya oun i Yebousarya. Oun me dau len temerl.

2. Mose 23:23 ပူးပေါင်းရင်းမြစ်များ

1. Mose 24:7

O baro Dewel, o Dewel pral o bolepen, anas man win dran miro dadeskro kheer un miro dadeskro them, un rakras mantsa. Un das pes sowel, te dell lo mire tchawen kau them, kai kanna hom. Kowa bitchrell peskro bolepaskres glan tute, te less miro tchaweske i romjat mire menshendar.

1. Mose 34:2

Koi dikas lat o Sichem, koleskro dad o Hiwari Hamor his. O Hamor his o rai pral ko them. Un o Sichem tapras lat i sorjah un tchiwas pes pash late.

2. Mose 18:8

Un o Mose penas peskri romjakro dad lauter, hoi o baro Dewel ap o Faraeste un ap i tsele Egiptarja kras, har las lo i Israelitarja win. Ninna penas lo leske, har phares his ap o drom un har o baro Dewel pale te pale ap lengri rig was.

2. Mose 23:20

Me bitchrau i bolepaskro glan tumende, koon dell jak ap tumende ap o drom, hoi tumer djan. Un kowa anell tumen an ko them, hoi me tumenge wi-rodom.

2. Mose 3:17

Me dau miro wast pre: Kau djungelo djipen herell pes pre. Me, o baro Dewel, lau tumen dran o them Egiptia win, un anau tumen an ko them, kai djiwenna i Kanaanitarja, i Hetarja un i Amorarja, i Perisarja, un i Hiwarja un i Jebusarja. Un kowa hi jek them, kai hi bud thud un gwin.’

2. Mose 32:2

O Aron penas ap lende: “Lenn i sonakangre kanengre, hoi tumare romja, mursh tchawe un tcha an i kanda hi, un anenn len mange.”

Jesaja 5:13

Doleske penell o baro Dewel: Mire menshe haiwan tchi. Doleske wenn le pandles krik lino, un i brawele mank lende merenn i bokatar, un kol bud menshe merenn i trushatar.

5. Mose 9:3

Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.

Josua 23:9

O baro Dewel tradas bare un sorele natsjone glan tumende win. Kek nai stakras glan tumende pre, un nai was sorleder har tumer, bis ap kau diwes.

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”

Josua 9:1

Un kowa, hoi i Israelitarja kran, shunan i tsele bare raja, hoi ap i wawar rig o panjestar Jordan djiwan, an o pralstuno them un ninna an o telstuno them un pash o Baro Pani bis pash i berge Libanon. Kal bare raja his i raja pral o them Het, pral o them Amor, pral o them Kanaan, pral o them Peris, pral them Hiw un pral o them Jebus.