2. Mose 23:20 - O Debleskro Drom 2021 (Sinte)

²⁰ Me bitchrau i bolepaskro glan tumende, koon dell jak ap tumende ap o drom, hoi tumer djan. Un kowa anell tumen an ko them, hoi me tumenge wi-rodom.

O Debleskro Lab 2024 (Sinte-Manouche)

²⁰ Me bičrau i bolepaskro glan t'mende, koon dell yak ap t'mende ap o drom, hoy t'mer djan. Oun kova anell t'men an ko them, hoy me t'menge vi-rodom.

2. Mose 23:20 ပူးပေါင်းရင်းမြစ်များ

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Mose 24:40

Koi penas o Abraham ap mande: ‘O baro Dewel, kai djau ap leskro drom, bitchrell peskro bolepaskres glan tute un dell bacht ap tiro drom, te less miro tchaweske i romjat mire menshendar un dran miro dadeskro kheer.

1. Mose 24:7

O baro Dewel, o Dewel pral o bolepen, anas man win dran miro dadeskro kheer un miro dadeskro them, un rakras mantsa. Un das pes sowel, te dell lo mire tchawen kau them, kai kanna hom. Kowa bitchrell peskro bolepaskres glan tute, te less miro tchaweske i romjat mire menshendar.

1. Mose 48:16

ko bolepaskro, kai las man win dran hako tchilatchepen, kowa mu tchiwell peskri bacht un soor ap kol tchawende, te djiwell miro lab dureder an lende, ninna o lab miro papestar Abraham un miro dadestar Isaak. Un lendar wenna bud menshe ap i phub.

Debleskri gili 91:11

Job kokres penas ap peskre bolepangre, te denn le jak ap tute ap tire tsele dromma,

2. Mose 14:19

Un o Debleskro bolepaskro, kai djal glan i Israelitarja, stas pre un djas pal lende. Un koi bari wolka glan lende hadas pes, un tchiwas pes pal lende jaake,

2. Mose 15:16

I trashatar his le har bango. Tiri sorjatar wan le har barra, har tu mukal tire menshen glan lende win te djal, tire menshen, kai tu tuke win rodal, baro Dewel.

2. Mose 15:17

Tu aneh len ap i berga, hoi tu tuke win rodal, kote, kai tu khere hal, te djiwenn le pash tute. Koja berga hi tiro kheer, baro Dewel, hoi tu tuke tire wastentsa kral, te wess kote sharedo.

2. Mose 23:23

Awa, miro bolepaskro djal glan tute un anell tut an o them, kai djiwenna i Amorarja, i Hetarja, i Perisarja, i Kanaanitarja, i Hiwarja un i Jebusarja. Un me dau len temerl.

2. Mose 32:34

Un kanna dja pale! An kol menshen an ko them, kai me rakrom lestar. Miro bolepaskro djal glan tute. Te well miro tsiro, dau i Israelitarjen pengri phagi.”

2. Mose 33:14

O Dewel penas: “Me djau glan tute un anau tut an i them, kai tu khere hal.”

2. Mose 33:2

Un me bitchrau i bolepaskro. Kowa djal glan tumende. Un me tradau i wawar menshen an kau them win: i Kanaanitarja, i Amorarja, i Hetarja, i Perisarja, i Hiwarja un i Jebusarja.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Zakarie 12:8

An ko tsiro rikrell o baro Dewel peskre wasta pral i menshende an o foro Jerusalem. Un i menshe kote sikrenn pen jaake sorelo, te hi i bango jaake sorelo har o David his. Un i menshe dran o Davideskro kheer djan glan lende, har te djals o Debleskro bolepaskro glan lende.

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

4. Mose 20:16

Un mer dam pal o baro Debleste gole. Kowa shunas men un bitchras i bolepaskres. Un job anas men dran o them Egiptia win. Kanna ham an Kadesh, i foro gar dur tiro themestar.

4. Mose 22:22

Koi was o Dewel chojedo koi pral, kai job lentsa djas. Un o bolepaskro o baro Deblestar djas leske an o drom, te rikrell lo les pale. Un o Bileam his beshdo ap peskri burika. Un dui budepangre djan leha.

Mateo 25:34

Un palle penell o baro rai ap kolende, kai ap leskri tchatchi rig tardo hi: Ap tumende well i bacht miro dadestar an o bolepen. Awenn un djiwenn mantsa khetne an miri harmenatsjona. Kowa kamas o Dewel jaake rah har o bolepen un i phub koi hi.

Johanni 14:3

Un te krom halauter jaake, te nai tserdenn dren, wau me pale, un lau tumen pash mande, te wenn tumer kote, kai me hom.

5. Mose 33:2

O baro Dewel was un rakras mentsa pash i berga Sinai. Job was jaake har o kham pre djal pral i berge Seir. Mer dikam leskro railepen har hams pash i berga Paran. Khetne leha wan bud serja bolepangre. Ap leskri tchatchi rig his i jag.

Josua 23:5

Kolen tradell o baro Dewel, kai tumaro Dewel hi, glan tumende win. Un tumer lenn lengro them tumenge, jaake har tumaro baro Dewel tumenge penas, te well kowa.

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”

Josua 5:14

Un job penas: “Kek kol dujendar! Me hom o pralstuno pral o baro Debleskre lurdende. Un kanna wom kai.” Kote peras o Josua ap peskro mui ap i phub, un mangas les an, un penas ap leste: “Me hom tiro budepaskro. Hoi penell miro rai ap mande, te krap?”

Josua 6:2

O baro Dewel penas ap o Josua: “Me dom o foro Jericho un leskro baro rajes un koleskre sorele lurden an tire wasta.