2. Mose 23:2 - O Debleskro Drom 2021 (Sinte)

² Ma rike pash kolende, hoi djan ap i tchilatcho drom, ninna te hi jon bud! Te putchenn tutar i tchatchepangre, ma pen tchomone wawares har o tchatchepen, ninna te chochenn i tsele wawar.

O Debleskro Lab 2024 (Sinte-Manouche)

² Ma rike pash kolende, hoy djan ap i čilačo drom, ninna te hi yon boud! Te poučenn toutar i čačepangre, ma pen čomone vavares har o čačepen, ninna te rhorhenn i tsele vavar.

2. Mose 23:2 ပူးပေါင်းရင်းမြစ်များ

1. Mose 19:4

Har jon kaman pen tele te tchiwell, wan i mursha o forestar Sodom pash o Loteskro kheer khetne. I tsele mursha dran o foro, kol terne un kol phure his tardo trul ko kheer,

1. Mose 7:1

Un o baro Dewel penas ap o Noah: “Dja an ko panjeskro kheer: tu un tiri tseli familja. I tsele menshendar ap i phub hal tu kokres latcho un tchatcho glan mande.

1. Rajengro liil 19:10

Un job penas: “Tu, baro Dewel un rai pral o bolepen un i phub, me budrom tuke miro tselo djijeha. Tire menshe Israel krenn buder gar, hoi tu lentsa win kral. I pre-tchidde barra, kai tuke vieche chatchedo wan, dan le khetne, un tire rakepangren maran le o chareha. Un me kokres atchom djido. Un jon kamenn man ninna te marell.”

Hiob 31:34

Man his kek daar kolestar, hoi nai rakrens i menshe pral mande, witar kek traash i ladjatar, hoi nai anens mire menshe ap mande, te penoms doleske tchi, un djoms gar glan miro wudar.

Debleskri gili 72:2

Kre lestar i tchatchepaskro rai, kai dell koles o tchatchepen, kones tchatcho hi, ninna te hi lo tchorwelo.

Gosewe laba 1:15

Miro tchawo, ma dja lentsa ap lengro drom! Rike tut krik lendar!

Gosewe laba 18:5

Hi gar mishto, te dell i tchatchepaskro mursh koles tchatchepen, kai i doosh ap peste anas, un shunell gar ap koleste, kai an o tchatchepen tardo hi.

Gosewe laba 4:14

Ma dja ap o drom, kai i tchilatche djan! Ma kre har jon!

Jeremia 37:15

I pralstune wan chojedo ap o Jeremia, un mukan les dawa te dell, un witsran les an o stilepen an o kheer o murshestar Jonatan. Kowa his i mursh, kai haiwas lila te tchinell; dran koleskro kheer kran le i stilepen.

Jeremia 37:21

Kote mukas o baro rai Zedekja te penell, te rikrenn le o Jeremia ap koi platsa stildo, kai rikran pen i lurde pre. Un job mukas leske hako diwes i maro te anell, kotar kai o maro peklo was, jaake rah bis te his buder kek maro an o foro. Jaake atchas o Jeremia ap koi platsa stildo.

Jeremia 38:9

Miro baro rai, kowa hoi kal mursha ko mursheha Jeremia kran, hi i baro tchilatcho koowa. Jon witsran o Debleskro rakepaskres an koi brunna. Kote hunte merell lo i bokatar. Kate an i foro hi buder kek maro.

Ezekiel 9:9

Un job penas ap mande: I doosh, hoi i menshe dran o kheer Israel un dran o kheer Juda ap pende anan, hi jaake bud. Bud marepen hi an o them. Un an o foro rikrenn i sorele i wawaren sorjah tele. Un jon penenn: “O baro Dewel djas peske dran kau them. Job dikell men gar!”

3. Mose 19:15

Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

Haggai 1:4

Hi ko tsiro kai, te beshenn tumer an shukar kerde khera, un miro kheer hi paash dino un tchiddo an kotja?

Markus 15:15

O Pilato kamas kowa te krell, hoi kol bud menshe lestar kaman un mukas o Barabes dran o stilepen win. Un o Jesuses mukas lo i tchupnijah dawa te dell, un das les an i lurdengre wasta, te denn le les ap o trushel.

Louka 23:51

un kamas gar, te well o Jesus ap o trushel dino. Job his dran i biboldengro foro Arimatia. Un job dikas ap o Debleste, te well ko tsiro, kai hakeno dikell, kai o Dewel o baro rai hi.

Bičepangre 24:27

Har dui bersha trujel his, was o Festo Porcio an o foro Cesarea, un kras kanna koi budi, hoi o Felix glan leste kras. O Felix kamas tchomone te krell, hoi his mishto an i biboldengre jaka. Doleske mukas lo o Paules an o stilepen.

Bičepangre 25:9

O Festo kamas tchomone te krell, hoi hi mishto an i biboldengre jaka. Doleske penas lo ap o Pauleste: “Kameh tu, te anap tut an o foro Jerusalem, te penap kote i phagi pral tute win?”

Remarja 1:32

Jon djinenna, o Dewel dell kolen i phagi, kai jaake djiwenna. Un koi phagi hi o merepen. Ninna te djinenn le kowa, krenn le ko tchilatcho koowa, un sharenn kolen, kai kowa ninna krenna.

5. Mose 1:17

Un dikenn gar koi pre, koon glan tumende tardo hi! Shunenn i tiknen un i baren! Ma darenn kekestar! Krenn jaake o tchatchepen win, har te krals kowa o Dewel! Sawo koowa, hoi tumenge phares hi, kowa anenn pash mande, te shunap me kowa.”

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

5. Mose 24:17

Te hal tu i tchatchepaskro, hunte dess tu ninna i wi-themares peskro tchatchepen, ninna i tchawen kolengro dad meras. Un kol djuwjen, kolengro rom meras. Ma le o ripen i romjatar, kolakro rom meras, te rikress les, bis te joi peskri sijaan plaissras.

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

1. Samuel 15:24

Koi penas o Saul ap o Samuel: “Me lom doosh ap mande, har shunom gar ap o baro Debleste, un krom gar, hoi tu penal. Me darom i menshendar un shunom ap lende.

1. Samuel 15:9

O Agages un i feteder bakren un grumjen mukas o Saul un leskre mursha te djiwell, ninna i feteder viechen un i tikne bakren un lauter, hoi bud moldo hi. Kowa lauter kaman le gar te marell. Kokres kowa, hoi nasselo un gar bud moldo his, kowa maran le.