2. Mose 23:19 - O Debleskro Drom 2021 (Sinte)

¹⁹ Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

O Debleskro Lab 2024 (Sinte-Manouche)

¹⁹ Tou aness o feteder halauterestar, hoy ap tiri phoub bares vas tiro baro Debleske an leskro kheer. Tou keress gar i terni bouzni an i thoud peskri datar.

2. Mose 23:19 ပူးပေါင်းရင်းမြစ်များ

Nehemia 10:35

Mer anah hako bersh o kasht chatchepaske an maro Debleskro kheer, te nai well les chatchedo ap i chatchepaskri maro baro Deblestar, jaake har tchinlo hi an o Moseskro liil. Mer, i rashaja, i Levitarja un i wawar Israelitarja, witsrah tikne barra, te sikrenn le, koon mare familjendar an hawo tsiro kau kasht anell.

Nehemia 10:36

Ninna hako bersh dah o feteder halauterestar, hoi was baro ap mari phub un ap mare ruka, un anah kowa an o baro Debleskro kheer.

2. Mose 22:28

An ko tsiro, kai aneh tiro djob un tire drake dren, de tiro Debles, hoi leske hi! Tiro phureder mursh tchawes dess tu tiro Debles.

2. Mose 22:29

Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

2. Mose 34:26

Hako bersh anenn o feteder halauterestar, hoi ap tumari phub bares was, an o Debleskro kheer! Job hi tumaro baro Dewel. Kerenn gar i terni busni an o thud lakro datar!

Gosewe laba 12:10

Kowa, kai an o tchatchepen tardo hi, les hi i dji peskre viechenge. I tchilatchen hi kek dji lenge.

Gosewe laba 3:9

De o baro Debleste tiro brawlepastar un ko feteder kolestar, hoi tuke khetne anal, jaake hadeh leskro lab.

Jeremia 10:3

Lengro patsepen ap i mule deblende hi tchi moldo. Jon denn i ruk tele an o weesh, te krenn le i figura. Un kowa, kai haiwell o kashteha te budrell, lell peskri tchuri, un krell dran o kasht i figura peskre wastentsa.

Ezekiel 44:30

Ninna o feteder djob kolestar, hoi newes baro was, un kowa, hoi hunte denn i menshe o Debleske, hi i rashajenge. Anenn lenge ninna i erste mare, hoi o newo djobestar peklo wan. Koon kowa krell, ap koleste un leskri familja well o Debleskri bacht.

Ezekiel 48:13

Un langs ko kotar them, hoi lenn kol rashaja, lenn i Levitarja pengro kotar them. Kowa hi ninna 12,5 (deesh-te-dui-te-paash) kilometarja lengsto un 5 (pantch) kilometarja buchlo. Ko tselo kotar, hoi o Debleske ap i rig tchiddo hi, hi 12,5 (deesh-te-dui-te-paash) kilometarja lengsto un 10 (deesh) kilometarja buchlo.

Ezekiel 48:14

Un i Levitarja hunte bikrenn tchi pengro themestar un tchi parenn. Kau fetester kotar them hunte well gar an i wawarengre wasta. Kau kotar them was o baro Debleske dino.

4. Mose 15:21

Ninna hunte denn tumer leste ko ersto jarro. Ko lab atchella hako tsireske.

1. Korintarja 15:20

Ko tchatchepen hi: O Jesus Kristo hi o ersto, koles o Dewel i mulendar djido kras.

5. Mose 14:21

Tumer hunte chan kek mass i viechestar, hoi mules trujel tchiddo hi. I wi-themares, kai djiwell an tumaro foro, koles nai denn les, te chal job les. Ninna nai bikrenn les ap jekeste dran o wi-them. Tumer han menshe, kai hi o baro Debleske koi, kai tumaro Dewel hi. Tu keress gar i busjakro ternepen an o thud leskri datar.

5. Mose 26:10

Kanna anau ko ersto djob, hoi bares was an ko them, hoi o baro Dewel man das.” Palle tchiwess tu les glan tiro baro Debleste tele, un witsress tut tele glan leste, te mangess les an.

5. Mose 26:2

palle less tu ko ersto djob, hoi ap tiro phub bares was. Un tu tchiwess les an i korba un aness les pash koi platsa, kai job kamell, te well lo kote an-mangedo.

Debleskro tsiro 14:4

Kolengro djipen hi djudjo. An kek tsireske wan le khetne i djuwjah. Un jon djan o terno bakreske palla, kai job ninna djala. Dran i menshende ap kai phub las job len khetne peske un o Debleske.