2. Mose 23:18 - O Debleskro Drom 2021 (Sinte)

¹⁸ Te mareh tu i viecho o Debleske, palle dess tu kek maro pashel, hoi shutlo jarro dren hi. Un o thulepen o viechestar, hoi maral tu o Debleske, hunte well ko diwes chatchedo un atchell gar pral i rat tchiddo.

O Debleskro Lab 2024 (Sinte-Manouche)

¹⁸ Te mareh tou i firho o Debleske, palle dess tou kek maro pashel, hoy shoutlo yarro dren hi. Oun o thulepen o firhestar, hoy maral tou o Debleske, hounte vell ko dives rhačedo oun ačell gar pral i rat čiddo.

2. Mose 23:18 ပူးပေါင်းရင်းမြစ်များ

2. Mose 12:10

Tchi kolestar atchell pral bis ap o wawar diwes. Te atchas tchomone pral, hunte chatchrenn kowa.

2. Mose 12:15

Efta diwessa chan tumer maro, kai kek shutlo jarro dren hi. Ap o ersto diwes tchiwenn tumer o shutlo jarro krik. Kowa, kai an kol efta diwessa maro chal, kai shutlo jarro dren hi, kowa well pale-tchiddo, un hunte djiwell buder gar mank i Israelitarja.

2. Mose 12:8

Ko mass well peklo pral i jag. Un jon hunte chan les an koi rat khetne o maro, kai kek shutlo jarro dren hi. Un shutlo senlepen chan le pashel.

2. Mose 16:19

Un o Mose penas ap lende: “Kek tumendar hadell tchomone pre pral i rat.”

2. Mose 29:34

Te atchell mass un maro pral i rati pral, hunte well kowa chatchedo. Kek nai chal les. Kowa hi o Debleskro chapen.

2. Mose 34:25

Te marenn tumer i vieches mange, anenn leskro rat gar glan mande khetne o shutlo mareha! Ko viecho, hoi tumer marenn mange ap o diwes, hoi kharella Passa, kolestar hunte atchell tchi pral o wawar diweske.

3. Mose 2:11

Ko tselo chapen dran djob, hoi jek o baro Debleske anell, an koleste hunte well kek shutlo jarro. Tumer hunte denn kek shutlo jarro, witar kek gwin an ko chapen, hoi chatchrenn o baro Debleske.

3. Mose 7:12

Te anell jek les, te kamell lo pes pash o baro Debleste te parkrell, palle hunte anell lo ninna merklia kerdo djeteha, an kolende kek shutlo jarro hi, un sane mare an kolende kek shutlo jarro hi, kai djet pral maklo was, ninna merklia kerdo dran latcho djob un djet.

3. Mose 7:15

Ko mass kau viechestar, hoi jek glan o baro Debleste anas, te parkrell lo pes pash leste, hunte well ap kau emligo diwes chalo, un tchi kolestar atchell tchiddo bis taissarlakro.

5. Mose 16:4

Un efta diwessa well kek shutlo jarro pash tumende diklo an tumaro tselo them. Un ko mass ko viechestar, hoi tumer an koi rat maran, hunte chan tumer an koi emligi rat. Tchi te atchell pral ap i tsalla.