2. Mose 23:14 - O Debleskro Drom 2021 (Sinte)

¹⁴ Triin kope an o bersh rikress tu mange bare diwessa dren:

O Debleskro Lab 2024 (Sinte-Manouche)

¹⁴ Triin kope an o bersh rikress tou mange bare divessa dren:

2. Mose 23:14 ပူးပေါင်းရင်းမြစ်များ

1. Rajengro liil 9:25

Un o Salomo anas triin kope an o bersh viechen o Debleske, te wenn le chatchedo ap koi chatchepaskri, hoi lo leske kras. Kolla his sawe vieche, hoi wan tseles chatchedo un sawe vieche, kolendar chatchran le o thulepen, un chan ko wawar mass. Ninna sungepaskro koowa chatchras lo glan o baro Debleste. Jaake was an o kheer kowa kerdo, koleske o kheer kerdo was.

2. Familjakro liil 8:13

Un kowa was jaake kerdo har tchinlo his an o Moseskre lila. Kote dren hi tardo, hoi hunte well hako diwes chatchedo, ninna ap i Debleskre diwessa, un ap kol diwessa, kai well o newo tchon diklo, un ap kol bare diwessa, kai halauter khetne wenn, triin kope an o bersh: Kolla hi kol diwessa, kai chan le maro, kai kek shutlo jarro dren hi, ninna kol diwessa, kai well o newo djob anlo, un kol diwessa, kai djiwenn i Israelitarja an patjengre khera.

2. Mose 23:17

An kal bare diwessa, triin kope an o bersh, hunte wenn i tsele mursha glan o baro Debleste, pengro rajeste an leskro kheer.

2. Mose 34:17

Ma krenn tumen kek debles dran saster, sonakai un rup!

2. Mose 34:18

Ma bistrenn kol bare diwessa, kai chan kek maro dran shutlo jarro. An o tchon Abib chan efta diwessa kek maro dran shutlo jarro jaake har me tumenge penom! An ko tchon djan tumer win dran o them Egiptia.

Ezekiel 46:9

I wawar Israelitarja, te wenn le glan o baro Debleste, te mangenn le les an ap kol bare diwessa, hunte djan jon gar an o emligo baro wudar dren un win. Koon dren djal an ko baro wudar, hoi ap koi rig hi, kai norden hi, kowa djal win dran ko wudar ap koi rig, kai o kham pralstunes tardo hi. Un koon an o wudar dren well, hoi ap koi rig hi, kai o kham pralstunes tardo hi, djal dran ko wudar win, kai kote hi, kai norden hi. Job djal gar an ko wudar win, kai lo dren djas. Na-a, dran o wudar, hoi wergel hi, djal lo win.

3. Mose 23:16

ap ko diwes pal o eftato Debleskro diwes – kowa hi o 50. (paash-sheelto) diwes – anenn tumer i newo chapen o baro Debleske.

3. Mose 23:34

Pen ap i Israelitarja: An o eftato tchon hi kol bare diwessa, kai djiwenn tumer an patjengre khera efta diwessa, te well o baro Dewel sharedo. Ko ersto diwes hi o 15. (deesh-te-pantchto) diwes an kau tchon.

3. Mose 23:4

Kalla hi i bare diwessa, kai wenn tumer khetne, te well o baro Dewel sharedo. Denn kal diwessa win gole ap pengro tsiro.

3. Mose 23:5

Ap o 14. (deesh-te-starto) diwes an o ersto tchon, har o kham tele djas, well ko diwes, hoi hi o baro Debleske. Kau diwes kharell Passa.

5. Mose 16:1

Denn jak, te bistrenn gar kol bare diwessa, kai kharenn Passa! Rikrenn len an o tchon Abib, te sharenn tumaro baro Debles! O tchon Abib his, kai anas lo tumen rati dran o them Egiptia win.

5. Mose 16:16

Triin kope an o bersh hunte wenn tumare tsele mursha glan tumaro baro Debleste ap koi platsa, hoi job peske win rodell: ap kol bare diwessa, kai chan kek maro dran shutlo jarro, un ap ko baro diwes, kai anenn o baro Debleske o newo djobestar, hoi tumer dren anan, un ap kol diwessa, kai djiwenn an patjengre khera. Un kek well, koles tchi pash peste hi, hoi job o baro Debleske anella.

1. Samuel 1:3

Un ko mursh djas hako bersh win dran peskro foro, te mangell lo an o foro Shilo o baro Debles an, ko rajes pral o bolepen un i phub, un te anell lo leske i vieches, hoi well leske maredo. Kote his dui phrala o baro Debleskre rashaja: o Hofni un o Pinhas. Kolengro dad his o Eli.