2. Mose 23:1 - O Debleskro Drom 2021 (Sinte)

¹ Tu rakress kek koowa dureder, hoi tu shunal, un tu gar djineh, te hi kowa tchatcho! Ma choche i wawareske, kai anas doosh ap peste!

O Debleskro Lab 2024 (Sinte-Manouche)

¹ Tou rakress kek koova doureder, hoy tou shounal, oun tou gar djineh, te hi kova čačo! Ma rhorhe i vavareske, kay anas doosh ap peste!

2. Mose 23:1 ပူးပေါင်းရင်းမြစ်များ

1. Mose 39:17

Ninna ap leste penas joi kol laba: “Ko Hebreari, koles anal pash mende, was pash mande, te krell job dinelo koowa mantsa.

2. Samuel 16:3

Koi putchas o baro rai lestar: “Kai hi o Mefi-Boshet, tiro rajeskro tchawo?” Penas o Ziba: “Job atchas an o foro Jerusalem. Job patsella, kai diwes denn les i Israelitarja o rajeskri beshepaskri leskro papestar Saul pale.”

2. Samuel 19:27

“Miro baro rai”, penas job, “tu djineh, kai hom bango. Me penom ap miro budepaskro Ziba, te tchiwell lo i ledertikri plachta ap i esla, te beshap koi pre un klissap pash o baro rajeste. Un miro budepaskro chochras man.

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

Debleskri gili 120:3

Hoi te krell lo tumentsa, tumer chochene? Hawi phagi anell lo ap tumende?

Debleskri gili 15:3

witar kek djunglepen pral jekeste penella. Kowa, kai peskro maleske kek tchilatchepen krella, un kolen gar praassella, kai pash leste djiwenna.

Debleskri gili 27:12

Ma de man an lengre wasta! Dik, menshe hi koi, kai chochepen ap mande pre anan, un ladjenn pen gar, te denn le man trad.

Debleskri gili 35:11

Chochene wenna, un anenn doosh ap mande. Jon putchenn mandar, hoi me gar djinau.

2. Mose 20:16

Ma an kek chochepen pre ap jekeste!

2. Mose 23:7

Ma shun ap kolende, hoi anenn chochepen pre ap i wawareste! Ma pen, te well kowa temerl dino, kai kek tchilatcho koowa kras un kai an o tchatchepen tardo hi. Miri phagi well ap koleste, kai sawo tchilatcho koowa krella.

Gosewe laba 10:18

Koles hi i chocheno mui, kai peskri choli ap i wawareste khatrell. Un kowa, kai chochepen pral i wawareste rakrell, hi i dinelo.

Gosewe laba 12:17

I mursh o labestar rakrell o tchatchepen win. I chocheno, kai dell glan, te penell lo, hoi lo dikas un shunas, anell chochepen pre.

Gosewe laba 14:5

Te penell i mursh o labestar, hoi lo dikas un shunas, rakrell lo o tchatchepen. Te penell i chocheno, hoi lo dikas un shunas, anell lo chochepen pre.

Gosewe laba 17:4

Kowa, kai tchilatcho koowa krell, shunell ap midjak rakepen. Un i chocheno shunell ap sawe laba, hoi bibacht anenn.

Gosewe laba 19:28

Jek, kai hunte penell, hoi lo dikas un shunas, un kai tchi moldo hi, leske hi o tchatchepen sapaske. Un tchilatche menshe chan o tchilatchepen har maro.

Gosewe laba 19:5

Kowa, kai chochras, har penas lo, hoi lo dikas un shunas, kowa lell peskri phagi. Un kowa kai chochepen pre anas, kowa well tapedo un nai nashell gar peske.

Gosewe laba 19:9

Kowa, kai chochras, har penas lo, hoi lo dikas un shunas, kowa lell peskri phagi. Un kowa hoi chochepen pre anell, kowa nashrell peskro djipen.

Gosewe laba 21:28

Kowa, kai chochras, har penas lo, hoi lo dikas un shunas, ap koleskro shero well leskro chochepen pale. Ko mursh, kai mishto shunas, hoi leske penlo was, koles mukenn le rakrell, un hoi job penell, atchell lenge an o shero.

Gosewe laba 24:28

Ma an chochepen pre ap i wawareste! Pen o tchatchepen!

Gosewe laba 25:18

Kowa, kai ap i wawareste chochepen pre anell, sawo hi har i tower, un i charo, un tchinell har i tchuri.

Gosewe laba 25:23

I phurdepen un kale wolke anenn brishin, un i tchip, hoi pal o wast rakrell, anell choli.

Gosewe laba 6:19

jek, kai tchomone ap i wawareste pre anell, hoi gar tchatcho hi; jek, kai anell tchingepen mank phralende.

Jeremia 20:10

Me shunau, har bud menshe tchorchanes rakrenna: “Job krell menge tchi har traash. Anas doosh ap leste! Sikras les an!” Ninna mire mala lurenn koi pre, te perap. “Dikas, te anas les jaake dur, te penell job tchomone, hoi gar mishto hi. Palle dah les pale, hoi lo mentsa kras!”

3. Mose 19:11

Ma tchorenn! Ma rakrenn chochepen! Ma krenn chocheno koowa jek o wawareske!

3. Mose 19:16

Ma dja trujel un pen chochepen pral i wawarende! Te hunte peneh win glan i tchatchepangre, ma pen chochepen, te aness o wawares an o merepen. Me hom o baro Dewel.

Mateo 19:18

Koi putchas lo lestar: “Hoi hunte krap?” Penas o Jesus: “Ma mare kekes! Ma choche tiri romjat i wawar djuwjah! Ma tchore! Ma pen chochepen pral jekeste!

Louka 19:8

O Zacheo his koi tardo un penas ap o Jesuseste: “Mo rai, me dau i tchorwelende i paash lauterestar, hoi man hi. Un te chochrom jekes, dau les kanna star kope jaake bud pale.”

Louka 3:14

Ninna i lurde putchan lestar: “Har hi mentsa? Hoi te kras mer?” Lenge penas lo: “Ma krenn kekeske tchilatcho koowa, un lenn kekestar lowe i sorjah! Kol lowe, hoi plaissrenn i pralstune tumenge, kol lowe mukenn tumenge doha te well!”

Johanni 7:51

“Pal maro tchatchepen nai dah kekes i phagi, te shunam gar lestar, hoi job rakrell pral kowa win. Mer dah ninna kekes i phagi, te djinah gar, hoi job kras.”

Remarja 3:8

Kras tchilatcho koowa, te well latcho koowa dran koleste!” Hi menshe koi, kai rakrenn djungeles pral mende un penenn, mer penams i menshenge: “Kras tchilatcho koowa, te well latcho koowa dran koleste!” Kowa penah mer gar! Tchatchepah, kolla, kai penenn kowa, lenn pengri phagi.

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

5. Mose 5:20

Ma an kek chochepen pre ap jekeste!

2. Timoteo 3:3

Len hi kek dji i wawarenge. Jon wenn gar pale latches pal o tchingepen. Jon rakrenn chochepen pral o wawareste. Jon hi bipandlo un dukrenn i wawaren. Jon kamenn kek latchepen.

1. Petro 3:16

Rakrenn lentsa latchepah, un krenn tumen gar bares pral lende! Rakrenn dran i djudjo dji, te well i ladj ap kolende, kai rakrenn djungeles pral tumaro djipen o Jesus Kristeha!

Debleskro tsiro 12:10

Un me shunom i sorelo rakepen an o bolepen, hoi penas: Kanna las men maro Dewel dran o bengeskro wast win. Maro Dewel sikras peskri soor, un was o rai pral i tsele menshende ap i phub. Un job das peskri tseli soor koles, kai job win rodas, te well lo o baro rai pral halauter. Tele witsedo hi ko phukepaskro, kai anas i doosh ap mare phralende glan o Debleste o diwes un i rati.