2. Mose 22:30 - O Debleskro Drom 2021 (Sinte)

³⁰ Tumer han mire wi-rodede menshe. Doleske ma chan o mass kol viechendar, hoi wan mulo dandedo diwje viechendar. Denn ko mulo vieches tumare djuklen!

O Debleskro Lab 2024 (Sinte-Manouche)

³⁰ T'mer han mire vi-rodede menshe. Doleske ma rhan o mass kol firhendar, hoy van moulo dandedo divye firhendar. Denn ko moulo firhes t'mare djouklen!

2. Mose 22:30 ပူးပေါင်းရင်းမြစ်များ

1. Mose 17:12

Hako mursh tchawo pash tumende hunte well tchinlo, te hi job ochta diwessa phuro. Krenn kowa ninna i tsele mursh tchawentsa, kai pal tumende wenna! Tchinenn ninna i mursh tchawen tumare budepangrendar: kolla, kai pash tumende boldo wan, un kolla, kai ginan wawarendar, kai gar tumare menshendar hi.

2. Mose 13:12

aness tu leske i tsele mursh tchawen, kai hi i phureder tchawe pengre dajendar. Ninna hako mursh viecho, hoi hi o phureder ternepen peskri datar, hi o baro Debleske.

Ezekiel 4:14

Kote penom me: Ach miro rai, baro Dewel! An kek tsiro wom me pale-tchiddo. Fun tiknes pre bis kau diwes, chom gar viechen, kai meran, witar gar sawen, kai khetne dandedo wan. Kek mass, hoi pale-tchiddo hi, was an miro mui.

3. Mose 11:44

Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake, te well tchi tardo mank mande un tumende. Ma krenn tumen pale-tchiddo ap i tikno viecho, hoi djal pral i phub.

3. Mose 11:45

Me hom o baro Dewel, un anom tumen dran o them Egiptia win, te wap tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

3. Mose 12:3

Ap o ochtato diwes well ko ternepen ap leskro mass tchinlo.

3. Mose 17:15

Hakeno, kai chal i viecho, hoi meras oder mulo dandedo was, kowa hunte thowell pes un peskre koola, un atchell pale-tchiddo, bis te well rati. Koi pal hi lo pale erligo. Hi jek, te hi kowa i Israelitari oder i wi-themari.

3. Mose 22:27

Te well i tikni grumni, i tikno bakro oder i tikni busni boldo, palle well kau ternepen efta diwessa pash peskri date. Pal o ochtato diwes nai aneh les o baro Debleske, te well les leske maredo. Palle dikell lo latches ap leste.

3. Mose 22:8

I mulo un khetne dandedo vieches chal lo gar, te krell lo pes koleha gar pale-tchiddo. Me hom o baro Dewel.

3. Mose 7:23

Rake ap i Israelitarja un pen lenge: “Ma chan o thulepen i grumjendar, bakrendar un busjendar!

3. Mose 7:24

O thulepen kol viechendar, kai meran, oder wan mulo dandedo diwje viechendar, nai lenn un krenn tchomone koleha. Ma chan les!

3. Mose 7:26

Ma chan witar kek rat – kek rat i viechestar un kek rat i tchirklestar, kai tumer ninna djiwenna!

5. Mose 14:21

Tumer hunte chan kek mass i viechestar, hoi mules trujel tchiddo hi. I wi-themares, kai djiwell an tumaro foro, koles nai denn les, te chal job les. Ninna nai bikrenn les ap jekeste dran o wi-them. Tumer han menshe, kai hi o baro Debleske koi, kai tumaro Dewel hi. Tu keress gar i busjakro ternepen an o thud leskri datar.

5. Mose 15:19

Tire tsele mursh grumja un bakre, kai i phureder lengre dajendar hi, hunte dess tiro baro Debleste. Kal grumjentsa budress gar ap tiri hachetikri phub, witar gar tchiness kal bakrenge i balla.