2. Mose 22:29 - O Debleskro Drom 2021 (Sinte)

²⁹ Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

O Debleskro Lab 2024 (Sinte-Manouche)

²⁹ Yaake kress ninna tire groumyentsa oun tire bakrentsa oun bouzyentsa. Efta divessa ačenn le pash pengri date. Oun ap o orhtato dives dess len mande.

2. Mose 22:29 ပူးပေါင်းရင်းမြစ်များ

2. Rajengro liil 4:42

Koi was i mursh dran o them Baal-Shalisha un anas ko Debleskro mursheske maro dran newo djob: biish mare, un ninna newo djob an i gono. Un o Elisa penas ap peskro budepaskro: “De kowa i menshende chapaske!”

2. Familjakro liil 31:5

Un har i menshe ko lab shunan, dan le bud kolestar, hoi pash lende bares was: o feteder djob, mool, djet, gwin un kolestar, hoi ap lengri hachetikri phub bares was. Ninna o deshto kotar halauterestar anan le, un kowa his bud.

2. Mose 13:12

aness tu leske i tsele mursh tchawen, kai hi i phureder tchawe pengre dajendar. Ninna hako mursh viecho, hoi hi o phureder ternepen peskri datar, hi o baro Debleske.

2. Mose 13:2

“Hako mursh tchawo, kai hi o phureder peskri datar pash i Israelitarja, ninna pash lengre viechende, dess tu mange. Kowa hi miro.”

2. Mose 23:15

kol bare diwessa, kai chah tu efta diwessa ko maro, an koleste kek shutlo jarro dren hi. Kol diwessa rikress tu an o tchon Abib. Kowa kress tu, te bistress gar, te nashal an ko tchon dran o them Egiptia. Un ab gar an o Debleskro kheer, te hi tchi an tiro wast, hoi tu leske aneh!

2. Mose 23:16

Rikrenn ninna bare diwessa mange an ko tsiro, kai anenn o newo djob dren. Un bare diwessa rikrenn mange ninna an ko tsiro pal i nijal, te anan i drake dren, un lauter, hoi bares was ap i ruka un ap tiri phub.

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

2. Mose 34:19

Tumare phureder mursh tchawe hi mange, ninna hako phureder mursh ternepen, hoi i viechestar boldo wella, nai well i gurum, nai well i bakro.

2. Mose 34:20

Te hi o ternepen i burikakro ternepen, dess tu man leske i terno bakro. Kamenn tumer kowa gar, palle phagenn koi terni burika i meen! Tumare phureder mursh tchawe, ma marenn len! Kolenge denn mange i viecho, hoi mange marenn. Kek well an miro Debleskro kheer i wastentsa, kai tchi dren hi.

Ezekiel 20:40

Ap miri bari berga an Israel, kai me djiwau, kote mangenn man i tsele Israelitarja an, halauter kai an o them hi. Un me lau len an o latchepen an, un kamau, te anenn le mange kote viechen un djob, jaake har glan tchinlo hi, ninna ko koowa, hoi mange ap i rig tchiwan.

3. Mose 22:27

Te well i tikni grumni, i tikno bakro oder i tikni busni boldo, palle well kau ternepen efta diwessa pash peskri date. Pal o ochtato diwes nai aneh les o baro Debleske, te well les leske maredo. Palle dikell lo latches ap leste.

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Remarja 8:23

Un gar kolla kokres, na-a, men ninna hi duka un dikah o tselo djijeha ap ko tsiro, kai wah tchatchepah Debleskre tchawe un merah buder gar. Ninna te hi men kanna o Debleskro Ducho an mende, dikah ap ko tsiro, kai merah buder gar.

5. Mose 15:19

Tire tsele mursh grumja un bakre, kai i phureder lengre dajendar hi, hunte dess tiro baro Debleste. Kal grumjentsa budress gar ap tiri hachetikri phub, witar gar tchiness kal bakrenge i balla.

Jakobo 1:18

Job kamas, te wam mer leskre tchawe. Kolla wam, har menge leskro tchatcho lab penlo was. Jaake wam mer o feteder mank lauter, hoi o Dewel kras.